Giuseppe Saronni
Giuseppe Saronni (* 22. September 1957 in Novara, Italien) is en ehmalger italieensch Radrennfohrer un nu Manager van en Radsportteam.
Karriere
[ännern | Bornkood ännern]Saronni wurr 1977 Profi, nahdem he 1976 all an de Olympisch Sömmerspelen deelnommen, aber kien Medaille wunnen harr. De Allrounder mit Sprintqualitäten wunn tüschen 1979 un 1983 meest all wichtig Radrennen van Italien. So hett he tweemal den Giro d’Italia (1979, 1983) wunnen, bi den he ok veermal de Punktewertung winnen kunn (1979–1981, 1983) un insgesamt 25 Deelstreckensiege haalt hett. 1982 wunn Saronni de Lombardei-Rundfohrt un 1983 Mailand–Sanremo. 1982 kunn he de Straatenrad-Weltmeesterschap in England up sien Naam schrieven, wiedere tweemal reck he dorto noch dat Podium. Woll hett he sien Loopbahne erst 1990 afslooten, aber nah 1983 kunn he nix Bedüüdendst mehr winnen. Insgesamt hett he 210 Siege in sien List stahn.
Bit hüüd legendär is de Rivalität van Saronni mit sien Landsmann Francesco Moser. De beid Weltklassefohrer hemm de italieensch Tifosi in de laat 1970er un fröh 1980er Johren in twee konkureeren Fangruppen deelt, vergliekbor blots mit de Konkurrenz tüschen Gino Bartali un Fausto Coppi över dartig Johren tovör.
Nah sien Loopbahn as Radrennfohrer wurr Saronni Sportlicher Leiter un Teammanager van Radsportteams. As General Manager van Lampre-ISD keem he 2011 in de Kritik, wiel gegen mehrere Fohrer un Betrüer van de Mannschap in’n Toog van en Ermittlung van de Staatsanwaltschap in Mantova wegen Doping ermittelt wurr.[1] Gegen eenige Fohrer hett man Haftstraafen beandraagt, gegen Saronni un dat Team an sück wurr dat Ganze in’n November 2015 instellt.[2]
Wat he schafft hett (Uttoog)
[ännern | Bornkood ännern]- Giro del Veneto 1977
- Tre Valli Varesine 1977, 1979, 1980, 1988
- Tirreno–Adriatico 1978, 1982
- Coppa Agostoni 1978, 1982
- GP du Midi Libre 1979
- Meesterschap van Zürich 1979
- Tour de Romandie 1979
- Giro d’Italia 1979, 1983
- Italieensch Meester (Straat) 1980
- Coppa Bernocchi 1980, 1981
- La Flèche Wallonne 1980
- Giro della Romagna 1981
- Giro del Trentino 1982
- Tour de Suisse 1982
- Coppa Sabatini 1982
- Weltmeester 1982
- Lombardei-Rundfohrt 1982
- Mailand–Sanremo 1983
Utteknungen
[ännern | Bornkood ännern]Enkeld Nahwiesen
[ännern | Bornkood ännern]- ↑ cyclingnews.com van'n 18. April 2011: Saronni ready to quit Lampre-ISD after doping investigation
- ↑ |http://www.cyclingnews.com/news/mantova-investigation-prosecutor-calls-for-jail-time-for-ballan-and-others-charges-dropped-against/ Mantova investigation: Prosecutor calls for jail time for Ballan and others, charges dropped against Lampre] cyclingnews.com van’n 10. November 2015 (engelsch), afropen an’n 18. Juli 2018