Theodor Lueder

Vun Wikipedia
Zur Navigation springen Zur Suche springen

Friedrich Ludwig Theodor Lueder (* 10. Oktober 1820 in Hameln; † 10. April 1887 in Rodenborg) weer en düütschen Verwaltungsbeamten.

Lueder is 1820 as Söhn von Friederike Dorothee Amalia, borene Herforth, un den Garnisonsprediger Johann Wilhelm Lueder (22. Mai 1777–22. Dezember 1835) in Hameln boren.[1] He weer von’n 9. Oktober 1835 bet 7. September 1838 op de Kloosterschool Ilfeld. 1846 weer he Auditer in Hameln. He weer Amtsassesser bi dat Amt Dransfeld un is dor 1852 Amtmann worrn.[1] 1857 is he as Amtmann in dat Amt Celle wesselt un weer von 1865 bet 1868 Amtmann in dat Amt Neehuus.[1]

Nadem Prüßen 1867 dat Königriek Hannover annekteert hett, is Lueder 1868 as Amtshauptmann in dat Amt Zeven versett worrn. 1877 is he von Zeven ut as Amtshauptmann in dat Amt Rodenborg versett worrn un weer toglieks Kreishauptmann von’n Kreis Rodenborg. To’n 1. April 1885 sünd de Ämter oplööst worrn. He weer denn bet 1887 Landraad von’n nee billten Kreis Rodenborg. Sien Nafolger weer Franz Heidmann.

Lueder weer verheiraadt mit Therese Auguste Elisabeth Beckhaus.

Footnoten[ännern | Bornkood ännern]

  1. a b c Hans-Cord Sarnighausen: Hannoversche Amtsjuristen von 1715 bis 1866 in Neuhaus an der Oste. Jahrbuch der Männer vom Morgenstern 91, 2012