The Cincinnati Kid

Vun Wikipedia
Wesseln na: Navigatschoon, Söök
Filmdaten
Plattdüütsch Titel:
Originaltitel: The Cincinnati Kid
Düütsch Titel: Cincinnati Kid
Produkschoonsland: USA
Johr vun’t Rutkamen: 1965
Läng: 102 Minuten
Originalspraak: Engelsch
Öllersfreegaav in Düütschland: FSK 12
Filmkru
Speelbaas: Norman Jewison
Dreihbook: Ring Lardner Jr.
Terry Southern
Produkschoon: John Calley
Martin Ransohoff
Musik: Lalo Schifrin
Kamera: Philip H. Lathrop
Snitt: Hal Ashby
Dorstellers

Cincinnati Kid is en Speelfilm ut dat Johr 1965, bi den Norman Jewison Speelbaas weer. Steve McQueen un Edward G. Robinson hebbt de Hööftrullen in dat Filmdrama speelt. De Film wiest dat Poker-Duell twüschen en ollen Profi-Speler un sien jungen Rutfodderer. Dat Dreihbook baseert op den Roman The Cincinnati Kid (dt. Titel: Der Pokerkönig) vun Richard Jessup.

Inholt[ännern | Bornkood ännern]

De junge, opstreven Eric Stoner is en meesterlichen Pokerspeler. He will dat nu weten un plaant in New Orleans den Ooltmeester vun’t Five Card Stud, Lancey Howard, ruttofoddern. Stoner, de vun de Lüüd Cincinnati Kid nöömt warrt, will sik mit dat Speel ’n groten Naam maken. Man, vun annere Lüüd warrt he bi den Koorten-Marathon utnütt, de den Ooltmeester geern verleren sehn wüllt. Na un na stiegt all annern Speler ut, so dat opletzt blots noch Stoner un Howard an’n Disch sitt.

Stoner markt, dat sien Fründ Shooter, de an’n Disch de Koorten gifft, dat Blatt to sien Vördeel manipuleert. Dat harrt de Wedder Slade em opdragen, de in en Speel vörher gegen Howard bannig Geld verloren hett. De as akkerat un oprecht bekannte Shooter hett neemlich Schullen bi Slade un is vun em dorüm ünner Druck sett worrn. Stoner will dor aver nix vun weten un sett sik dorgegen to Wehr, vun wegen dat he Howard ok mit ehrlich Speel beet kriegen kann. As Slade ok Stoner ünner Druck to setten versöcht, sett de sien egen Kopp dör un lett Shooter as Gever aflösen.

Stoner mutt opletzt bannig Schullen maken, üm dat he in’t Speel blieven kann. Man, mit sien Full House sütt he för sien Sieg keen Gefohr. Bi’n Showdown hett Howard aver denn en Straight Flush op de Hand un winnt alles. All, de op em sett hebbt, wennt sik af vun Stoner, de alleen mit sien Leefste Christian torüchblifft, de he in en Speelpoos vörher noch mit Shooter sien Fro Melba bedrogen harr.

Kritiken[ännern | Bornkood ännern]

  • Lexikon vun’n internatschonalen Film: Dank guter Darstellung und dichter Atmosphäre eine interessante Milieu- und Charakterstudie. [1]
  • Prisma Online: Norman Jewison zeigt in dieser kammerspielartigen Inszenierung ein packendes, atmosphärisch dichtes Porträt besessener Spieler [2]
  • Michael Denks för Zelluloid.de: Norman Jewison hat eine fesselnde Studie über die Spielernatur inszeniert, Steve McQueen brilliert mittels seiner Minimalistik in der Darstellung als undurchschaubares Poker Ass, während sein Gegenüber, Edward G. Robinson überlegen und erfahren seine Gelassenheit dagegen setzt. Umrahmt wird das Duell von einer überzeugend authentischen Atmosphäre, dramatisiert durch eine optisch kreative Kameraführung, das Spiel durch gut besetzte Nebenrollen im Niveau bestmöglich gehalten. [3]
  • Howard Thompson för de The New York Times: Herr Robinson ist still, präzise und tödlich – alles mit seinen Augen. [4]
  • Paul Sherman för Turner Classic Movies: Helden werden nicht mehr cooler als Steve McQueen, alte Profis nicht mehr professioneller als Edward G. Robinson, und Starlets nicht mehr reizender als Ann-Margret und Tuesday Weld. Sie sind alle hier, in Bestform [5]
  • Filmstarts.de: Eine Erwähnung verdient auch Karl Malden als Shooter, der den vielschichtigsten Charakter im Ensemble mimen darf. [6]
  • Cinema: Heute gilt ‚Cincinnati Kid‘ […] allgemein als ein As unter den Pokerfilmen. [7]

Achtergrund[ännern | Bornkood ännern]

Toeerst hett Sam Peckinpah anfungen, den Film to dreihn. Denn hett dat aver Striet geven twüschen Peckinpah un den Produzenten Martin Ransohoff, un Peckinpah hett de Arbeit afbroken. So wull he to’n Bispeel, dat Spencer Tracy de Rull vun Edward G. Robinson övernehmen schüll. Butendem schüll de junge Schauspelersche Sharon Tate en Naaktszeen spelen. As sik Peckinpah vun den Film torüchtogen harr, is ok Tate nich mehr dorbi bleven.

In jemehr Duell speelt Stoner un Howard Five Card Stud. In dat entscheiden Speel qwarrt Stoner sien Full House mit Assen un Teihnen vun en Straight Flush vun Howard slahn. De Wohrschienlichkeit, dat de Koorten so verdeelt sünd, liggt ruchweg bi 1 to 45 Millionen. [8]

De Film weer de eerste hööftverantwoortliche Arbeit vun Hal Ashby (as Cutter), de later sülvst en wichtigen Speelbaas vun’t New Hollywood worrn is.

Dat Titelleed „The Cincinnati Kid“ warrt vun Ray Charles sungen.

Filmpriesen[ännern | Bornkood ännern]

De Film is vör dree Filmpriesen vörslahn wesen, dorünner ok för den Golden Globe. Wunnen hett he twee Priesen:

  • 1966: den NBR Award in de Kategorie Best Nevemdorstellersche för Joan Blondell
  • 1966: den Golden Laurel (2. Platz) in de Kategorie Best Nevendorsteller för Edward G. Robinson

Literatur[ännern | Bornkood ännern]

  • Richard Jessup: Der Pokerkönig. Roman. (Originaltitel: The Cincinnati Kid). Düütsch vun Gerhard Schmidt. Rütten un Loening, München 1964.

Borns[ännern | Bornkood ännern]

  1. Dokument, afropen an’n 3. September 2008
  2. Dokument, afropen an’n 3. September 2008.
  3. Dokument, afropen an’n 3. September 2008.
  4. Howard Thompson: The Cincinnati Kid, New York Time vun’n 28. Oktober 1965 afropen an’n 7. September 2008
  5. Paul Sherman: The Cincinnati Kid on DVD afropen an’n 7. September 2008
  6. http://www.filmstarts.de/kritiken/39743-Cincinnati-Kid.html René Malgo op Filmstarts.de] afropen an’n 7. September 2008
  7. Dokument, afropen an’n 19. Januar 2008.
  8. vgl. Wiesenbergs Analyys vun de finalen Koortenkonstellatschoon, afropen an’n 19. Januar 2008.

Weblenken[ännern | Bornkood ännern]