Steekimmen
| Steekimmen | ||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
 | ||||||||||||||||||||||||||||
| Systematik | ||||||||||||||||||||||||||||
| ||||||||||||||||||||||||||||
| Wetenschoplich Naam | ||||||||||||||||||||||||||||
| Aculeata | ||||||||||||||||||||||||||||
| Latreille, 1802 |
Bi de Steekimmen oder Wehrimmen (Aculeata) hannelt sik dat um en Deelornen vun de Huudflunken (Hymenoptera). Tohopen mit de Leggimmen (Terebrantia) billt se de Ornen vun de Kneepwöpsen (Apocrita). Hen un wenn weert beide Deelornens man ok je as Unnerornen ankeken un dor gegen de Plantenwöpsen (Symphyta) over stellt.
Anners wat[ännern | Bornkood ännern]
Vun de Steekimmen gifft bi 50.000 Aarden. Ehren Naam hefft se vun ehren Wehrprickel her, wo se mit steken könnt. To de Steekimmen höört bekannte Gruppen as Honnigimmen, Mossimmen, Echte Wöpsen, Horntjes un Iemecken.
Bi de Iemecken gifft dat allerhand Unnerfamilien (as de Schinneniemecken), de hefft keen Prickel, man de wehrt sik anners: Se könnt mit Afstand Gift na en Angrieper hensprütten (faken in seine Ogen), oder se biet eerst mit ehre Mandibeln un sprütt denn in de Wunne. Annere Unnerfamilien hefft en Stickel (as de Ponerinae) un könnt dor denn en to’n Deel kräftig Gift mit anbringen.
Giftprickels gifft dat bloß bi de Seken vun Steekimmen, vunwegen dat sik dat dor um en ummuddelten Leggbohrer bi hannelt (as de Leggimmen een hefft). Mit den Giftprickel steekt se sunnerlich ehre Büte un maakt de Oppers lahm. Man se könnt den Prickel ok insetten un sik dormit wehren, wenn se angrepen weert oder Parasiten vun ehr Brödels dor mit afwehren.
De Stickel sitt an’t Enne vun’t Achterlief un hangt mit en Giftdrüsen tosamen. In Ruh is he in’t Binnerste vun’t Lief versteken. Bi’n Steken warrt Gift in den Feend sein Lief pumpt. Bi Honnigimmen sitt Hakens an’n Stickel, so datt he in’e Huud vun Deerter un Minschen hangen blifft (man nich in Insekten ehren Chitinpanzer) un afritt. Dor geiht de Imme vun dood, wenn se steken deit, man so warrt an bannige Dosis Gift utbrocht un butendem weert Pheromone freesett un wohrschoot de annern Immen.
Wenn Steekimmen ehre Budden nich mit dode oder lahme Büte fodern doot, as Immen, denn bruukt se den Prickel bloß man, um sik to verdeffendeern. Bi de wecken Aarden hett he sik ok heel un deel torüch billt.
Bloß wenig Aarden man de Steekimmen griept Minschen an, wenn se ehr Nest verdedigen wüllt. Dor hannelt sik dat bloß man um Honnigimmen un Echte Wöpsen bi. All annere Aarden steekt bloß, wenn ehr Leven in Gefohr is, u.a. wenn se quetscht weert.
Systematik[ännern | Bornkood ännern]
- Plumariidae
- Scolebythidae
- Plattwöpsen (Bethylidae)
- Goldwöpsen (Chrysididae)
- Sclerogibbidae
- Embolemidae
- Zikadenwöpsen (Dryinidae)
- Sierolomorphidae
- Rullwöpsen (Tiphiidae)
- Külenwöpsen (Sapygidae)
- Iemeckenwöpsen (Mutillidae)
- Wegwöpsen (Pompilidae)
- Rhopalosomatidae
- Bradynobaenidae
- Iemecken (Formicidae)
- Folenwöpsen (Vespidae)
- Dolchwöpsen (Scoliidae)
- Immen un Graavwöpsen (Apoidea)
- Graavwöpsen (Spheciformes)
- Immen (Apiformes)
