Staleke

Wapen von Hagen

De Staleke weer en Eek, de as Gerichtsboom op de Gerichtssteed in de Neegd von de Borg Hagen in’n Oort Hagen stünn.

De Boom keem in dat Johr 1248 toeerst in en Oorkunn vör, in de de Greven von Stotel de Böörd Braamst an’n Bremer Arzbischop Gerhard II. afgeven müssen. Bi de Oorkunn is as Oort angeven: iuxta castrum Hagen prope quercum vulgariter staleke nuncupatum („blangen de Borg dicht bi de Eek, de von dat Volk Staleke nöömt warrt“). Deelwies is de Naam von’n Boom ok op de Borg Hagen överdragen worrn, so dat von castrum Staleke (Borg Staleke) schreven warrt.

Siet 1965 kummt de Heimaattiedschrift Unter der Staleke rut, de sik mit de Geschicht von de Öörd ut de hüdige Gemeen Hagen uteneensett.

Dat Amt Hagen hett den Boom later in sien Wapen opnahmen un noch later hett de Oort Hagen dat ok daan. De Grundschool in Hagen driggt siet 2009 den Naam Grundschool an de Staleke. De jungen Mannschoppen von de Sportverenen FC Hagen/Uthleer, Speelgemeenschop Wittst/Driftseth/Braamst un TSV Saans speelt siet 2011 tohoop as JFV Staleke Hagen.

Kiek ok bi: Upstalsboom.