Ekenboom

Vun Wikipedia
Zur Navigation springen Zur Suche springen

De Eek (f. pl. Eken) oder Eekboom / Ekenboom, lat. Quercus, is een up de nordlik Eerdhalfkugel wiet verbreeten Loofboom. Dat gifft ünnerscheedlik Oorten wie hauptsäklig: a) Steel-Eken, heet ok Sommereken, lat. Quercus robur, wasst mehr in'n Deepland, b) Drooben-Eken, heet ok Wintereiken oder Steeneken, lat. Quercus petraea, wasst mehr inne Barglannen, c) Rot-Eken, koomt egentlik ut Nordamerika, lat. Quercus rubra. Annere Beteikend, wie Spessart-Eken (wasst in'n Spessart), oder Moor-Eken (het johrelang as ümfallen Boom in Moor legen) sünd keene botanisch Ünneroorten.

De Ekenboom is normaal een sommergröönen Boom, dat gifft abers ok Gegend up de Welt, wo see jüm eer Loof öber'n Winter behoolt un dat erst afsmiet't wenn in'n Fröhjohr de frischen Blöö koomt, dat heeten denn, see sün jümmergröön. In groote Parks find'n Eken ok mal as Strüker.

De Frücht an'n Ekenboom sün dütlich too seen, heet Eckern un see wasst jedes Johr, mennigmal brukt se aber ook twee Johr dorto.

De Ekenbööm ward bet too veertig Meter hoch, mit een langen Stammandeel an denn keen Twiegen sitt. De Bööm ward jümmer mal een poor hundert Johr old un enkelde Bööm staht ok mal dusend Johr.

Wenn de Ekenbööm daal makt sün, denn is dat Holt vun de ünnerscheedlik Orten kuum mehr ut'n een to holen un dat ward denn liekeveel as Ekenholt hannelt un verarbeet. Dat Holt is'n besünners hattes, stobiles un langlebiges Holt un dat Weder mokt em nich veel ut. Ut den Grunnen hebbt de Timmerlüüd dat Ekenholt all lang föör dat Butenfackwark an de Hüüs namen. Dackstöhl, de ünner besünners Last stünne, wie Toorns oder ok Klockenstöhl hebbt se ok all johrhunderte lang ut Eeken boot.

De Dischers hebbt geern Möbel ut Ekenholt boot, wenn see besünners wat herwiesen mössen.