Samtgemeen An’n Dobrook

Vun Wikipedia
Zur Navigation springen Zur Suche springen
Wapen/Flagg Koort

Wapen vun de Samtgemeen An’n Dobrook

Samtgemeen An’n Dobrook
Laag vun Samtgemeen An’n Dobrook in Düütschland
Basisdaten
Sitt: Kumbarg
Landkreis: Cuxhoben
Flach: 178,11 km²
Inwahners: 11.808
(31. Dezember 2010)
Inwahnerdicht: 66,3 Inwahners pro km²
Geograafsche Laag: 53° 46′ N, 9° 3′ O
Gemeenslötel: 03 3 52 5401
Tall Gemenen: 7
SG-Börgermeester: Bettina Gallinat
Websteed: www.am-dobrock.de
NoordseeSleswig-HolsteenBremerhobenLandkreis OosterholtLandkreis RodenborgLandkreis StoodLandkreis WersermarschGemeen ArmsdörpGemeen BelenGemeen BeverstGemeen BülkauGemeen KumbargGemeen CuxhobenGemeen KumbargGemeen HeckthusenGemeen HemmoorGemeen HollnsethGemeen HelmworthGemeen LoomstGemeen LoomstGemeen LoxGemeen MittelsnohnGemeen NeenkarkenGemeen NeehuusGemeen LeeGemeen ÖberndörpGemeen GodshemGemeen OostenGemeen OosterbrookGemeen OterndörpGemeen SchippdörpGemeen SteenauGemeen StinstGemeen StinstGemeen WannenGemeen WingstGemeen Hagen (Landkreis Cuxhoben)Gemeen Wuster NoordseeküstGemeen Geestland
Laag von Samtgemeen An’n Dobrook in’n Landkreis Cuxhoben (Koort lett sik anklicken)
Raadhuus in Kumbarg

De Samtgemeen An’n Dobrook weer en Samtgemeen in’n Landkreis Cuxhoben, in de sik söven Gemenen för dat Afwickeln vun de Verwaltenssaken tohoopslaten harrn. Se hett von 1965 bet 2016 bestahn. De Sitt weer in Kumbarg.

Geografie[ännern | Bornkood ännern]

De Navers weren de Samtgemeen Noordkeden (Landkreis Stood) in’n Noordoosten, de Samtgemeen Hemmoor in’n Süüdoosten, de Samtgemeen Loomst in’n Süden un de Samtgemeen Land Hadeln in’n Westen. Op dat annere Över von de Elv is dat dat Amt Marn-Land (Kreis Dithmarschen, Sleswig-Holsteen).

Historie[ännern | Bornkood ännern]

De Samtgemeen An’n Dobrook is an’n 1. Juni 1965 ut de Gemenen Kumbarg, Wingst un Oppeln billt worrn. An’n 1. Januar 1970 sünd ok Bülkau un Öberndörp to de Samtgemeen mit tokamen un an’n 1. Januar 1972 de Gemenen Neehuus, Belen, Kedenbrook un Geversdörp. De Samtgemeen harr denn negen Gemenen. An’n 1. Juli 1972 is de Gemeen Oppeln Deel von de Gemeen Wingst worrn un Kedenbrook Deel von de Gemeen Belen. In de Samtgemeen weren nu noch söven Gemenen tohoopslaten.

To’n 1. November 2016 hett de Samtgemeen sik mit de ole Samtgemeen Land Hadeln to de ne’e, gröttere Samtgemeen Land Hadeln tohoopslaten.

Inwahnertall[ännern | Bornkood ännern]

Johr 1987 1992 1997 2002 2007 2008 2009 2010
Inwahners 12.300 12.395 12.462 12.432 12.141 12.074 11.952 11.808

(jümmer to’n 31. Dezember)[1]

Politik[ännern | Bornkood ännern]

SG Am Dobrock.png

To de Samtgemeen hebbt disse söven Gemenen höört:

  1. Gemeen Belen
  2. Gemeen Bülkau
  3. Gemeen Kumbarg (Sitt vun de Verwalten)
  4. Gemeen Geversdörp
  5. Gemeen Neehuus
  6. Gemeen Öberndörp
  7. Gemeen Wingst

Samtgemeenraad[ännern | Bornkood ännern]

De Samtgemeenraad von de Gemeen bestünn blangen den Samtgemeenbörgermeester ut 28 wählte Raatsliddmaten (bet 2011: 30).

Partei 2006 2011
SPD 12 13
CDU 16 12
Bündnis 90/De Grönen 2 2
Fre’e Wählers - 1

Samtgemeenbörgermeester[ännern | Bornkood ännern]

Börgermeester Tied Partei
Klaus Föge 9. Juni 1965–1. November 1996
Toni Fuchs 1. November 1996–31. Oktober 2001
Jan Erik Bohling 1. November 2001–31. Oktober 2006
Bettina Gallinat 1. November 2006–31. Oktober 2016 ahn Partei

Samtgemeendirekter[ännern | Bornkood ännern]

Samtgemeendirekter Tied
Edgar Tiemann 1. Januar 1966–30. Juni 1996

De Dubbelspitz ut Samtgemeenbörgermeester un Samtgemeendirekter is 1996 oplööst worrn.

Wapen un Flagg[ännern | Bornkood ännern]

Dat Wapen wiest baven vörn op grönen Grund en sülvern Dann op en sieden sülvern Barg, baven achtern op sülvern Grund en rood Möhlenrad un ünnen in’n Schildfoot op blauen Grund twee gollen Haverohren mit je fiev Haverköörn.

Dat Wapen hett de Regerungspräsident von’n Regerungsbezirk Stood an’n 10. Januar 1966 genehmigt. De Dann stammt ut dat Wapen von de Wingst, dat Möhlenrad ut dat Wapen von Kumbarg un de Haver ut dat Wapen von Oppeln.

De Flagg von de fröhere Samtgemeen is baven gröön un ünnen swart un wiest in de Midd dat Wapen.

Partnerschoppen[ännern | Bornkood ännern]

De Samtgemeen hett 2005 en Partnerschop mit de Gemeen Witkowo in Polen slaten.

Footnoten[ännern | Bornkood ännern]

  1. LSKN-Online

Weblenken[ännern | Bornkood ännern]

Commons-logo.svg Samtgemeen An’n Dobrook. Mehr Biller, Videos oder Audiodateien to’t Thema gifft dat bi Wikimedia Commons.