Samtgemeen Land Hadeln (2011–2016)
| Wapen/Flagg | Koort | |
|---|---|---|
|
|
| |
| Basisdaten | ||
| Sitt: | Oterndörp | |
| Landkreis: | Cuxhoben | |
| Flach: | 228,48 km² | |
| Inwahners: | 15.467 (31. Dezember 2011) | |
| Inwahnerdicht: | 67,7 Inwahners pro km² | |
| Geograafsche Laag: | 53° 49′ N, 8° 54′ O | |
| Gemeenslötel: | 03 3 52 410 | |
| Tall Gemenen: | 8 | |
| SG-Börgermeester: | Harald Zahrte | |
| Websteed: | www.otterndorf.de | |
 | ||
De Samtgemeen Land Hadeln weer en Samtgemeen in’n Landkreis Cuxhoben, in de sik acht Gemenen för dat Afwickeln von de Verwaltenssaken tohoopslaten harrn. De Samtgemeen hett in disse Form von’n 1. Januar 2011 bet 31. Oktober 2016 bestahn. Se is in de ne’e Samtgemeen Land Hadeln opgahn, de den sülven Naam driggt, aver grötter is.
Geografie[ännern | Bornkood ännern]
De Samtgemeen Land Hadeln hett in’n Oosten an de Samtgemeen An’n Dobrook grenzt, in’n Süüdoosten an de Samtgemeen Loomst, in’n Süden an de Samtgemeen Beers, in’n Westen an de Gemenen Langen un Noordholt un in’n Noordwesten an de Gemeen Cuxhoben. Güntsied de Elv leeg in’n Noorden dat Amt Marn-Noordsee in’n Kreis Dithmarschen von Sleswig-Holsteen.
Historie[ännern | Bornkood ännern]
De Samtgemeen is to’n 1. Januar 2011 billt worrn, as sik de Samtgemeen Hadeln un de Samtgemeen Sietland tohoopslaten hebbt. To’n 1. November 2016 is de Samtgemeen mit de Samtgemeen An’n Dobrook tohoopgahn. De ne’e Samtgemeen driggt nu ok den Naam Samtgemeen Land Hadeln.
Politik[ännern | Bornkood ännern]
To de Samtgemeen hebbt disse acht Gemenen höört:
- Gemeen Godshem
- Gemeen Helmworth
- Gemeen Lee
- Gemeen Neenkarken
- Gemeen Oosterbrook
- Gemeen Oterndörp (Sitt vun de Verwalten)
- Gemeen Steenau
- Gemeen Wannen
Samtgemeenraat[ännern | Bornkood ännern]
De Samtgemeenraat vun de Gemeen bestünn blangen den Samtgemeenbörgermeester ut 38 wählte Raatsliddmaten.
| Johr \ Partei | Tall | CDU | SPD | FDP | Gröne |
|---|---|---|---|---|---|
| 2011 | 38 | 15 | 16 | 4 | 3 |
Samtgemeenbörgermeesters[ännern | Bornkood ännern]
| Börgermeester | Tied | Partei |
|---|---|---|
| Harald Zahrte | 1. Januar 2011–31. Oktober 2016 | ahn Partei |
Wapen[ännern | Bornkood ännern]
Dat Wapen hett vörn teihn swarte un gollen Striepen mit en schraag bagen grönen Rutenkranz dor op wiest un achtern op grönen Grund un en swarten Schildfoot den hilligen Nikolaus von Myra in sülvern Ünnerrock, gröön Överrock mit gollen Rannen, gollen Schoh un Bischopsmütz, in de linke Hand en gollen Krummstaff un de rechte Hand to’n Swoor hoogböhrt.
De Deel vörn is dat Wapen von Sassen-Loonborg, to dat dat Land Hadeln fröher tohöört hett.