Sagebrush Trail

Vun Wikipedia
Zur Navigation springen Zur Suche springen
Filmdaten
Plattdüütsch Titel:
Originaltitel: Sagebrush Trail
Düütsch Titel: Sein Freund, der Desperado
Produkschoonsland: USA
Johr vun’t Rutkamen: 1933
Läng: 54 Minuten
Originalspraak: Engelsch
Öllersfreegaav in Düütschland: FSK 12
Filmkru
Speelbaas: Armand Schaefer
Dreihbook: Lindsley Parsons
Produkschoon: Paul Malvern
Musik: John Stransky Jr.
Kamera: Archie Stout
Snitt: Charles R. Hunt
Dorstellers

Sagebrush Trail (op plattdüütsch so veel as „Wöstenbifoot-Padd“; dt. Titel: Sein Freund, der Desperado un annere) is de Titel vun en US-amerikaanschen Western ut dat Johr 1933, in den John Wayne de Hööftrull speelt hett. De Film is an verschedene Öörd in Kalifornien dreiht worrn[1] un weer an’n 15. Dezember 1933 in de USA to’n eersten mol wiest[2].

Inholt[ännern | Bornkood ännern]

John Brant is unschullig wegen Moord veroordeelt worrn un neiht ut dat Gefängnis ut. He will nu versöken, op egen Fuust den wohren Möörder, Joseph Conlon, to finnen. Op sien Flucht dröpt he op den Rover Bob Jones, de em unvermodens hülpen deit. Dör em kriggt Brant Togang to de Bande vun Ed Walsh, de sik in en ool, verlaten Bargwark versteken doot. Walsh troet den Ne’en aver nich recht över’n Weg. Dorüm schall Jones mit em en Safe utplünnern. Brant kann aver vörher Bescheed geven, ahn dat een wat dorvun marken deit. So kann de Sheriff op jem luern un den Roov hinnern. Brant warrt dorbi aver anschaten.

Een Maand later is Brant wedder bi Gesundheit un hett sik intwüschen in de söte Sally Blake verkeken. As he över Jones vun en plaanten Överfall op de Postkutsch höört, sütt he to, dat he sülvst noch vör de Bande de Kutsch utroven deit. Dat Geld versteekt he an en sekern Oort, vun den he glieks dorna Sally vertellt. Un ok sien wohre Geschicht vertellt he ehr, dat he op de Flucht is un blots in de Bande mitmaken deit, üm den wohren Möörder to finnen, dat he sien Unschuld bewiesen kann. Kort later warrt he vun Jones gewohr, dat de in Wohrheit de Möörder is, na den he söcht. Man, de beiden sünd mit de Tiet Frünnen worrn, un so hollt Brant sik torüch un seggt nix, vunwegen dat he Jones egentlich vör en go’en Minschen hollt.

Walsh troet Brant aver jümmer noch nich över’n Weg un ok Jones kriggt bilütten Twievel, dat sien ne’en Partner jümmer de Wohrheit seggt. Dat kummt nich toletzt ok vun sien Ieversucht wegen Sally. Jones ritt Brant achteran in de Stadt, woneem se beid meist vun’n Sheriff fastnahmen warrt. Se künnt aver noch mol utrieten. Ünner en Vörwand schickt Jones Brant torüch na dat Versteek, woneem de annern Mackers vun Walsh op em töövt, üm em an de Siet to maken. Man, as Sally em vertellt, wokeen Brant is, un dat Brant em redden will, ofschoonst he to Unrecht wegen sien Moord in’t Gefängnis seten hett, markt Jones, dat he en groten Fehler maakt hett. Foorts ielt he Brant to Hülp. Dat kummt to’n Showdown, bi den de hele Bande fastnahmen oder an de Siet maakt warrt. Jones kriggt dorbi swoor wat af. Man, noch vördem he doodblifft kann he den Sheriff vertellen, dat he de Möörder is, na denn söcht warrt. Brant is dormit entlast.

Kritik[ännern | Bornkood ännern]

Op filmreporter.de is to lesen, dat Wayne in de 1930er Johren – vördem he 1939 mit de Hööftrull in den bedüdenden Film Stagecoach den Dörbrook harr – vör allen in Mehrdeelers un B-Movies to sehn weer. Ok disse Film höör dorto.[3]

Weblenken[ännern | Bornkood ännern]

Borns[ännern | Bornkood ännern]

  1. Dreihöörd in de IMDb
  2. Premierendaten op IMDb
  3. Filmkritik op filmreporter.de, afropen an’n 20. April 2013