Rosengoorn (Millm)
Rosengoorn (hoochdüütsch Rosengarten) is en Hoff an’n Südermarren bi Millm (Südermarren 15, 27632 Millm) in de Gemeen Wuster Noordseeküst in’n Landkreis Cuxhoben, Neddersassen.
Geografie[ännern | Bornkood ännern]
De Hoff liggt in dat Siedland von de Masch in Land Wusten. Dat Water ut dat Rebeed flütt över de Cappler Waterlöös af, de direkt an’n Süüdrand von’n Hoff langsgeiht.
De Hoff Rosengoorn is Deel von’n Südermarren. De Öörd ümto sünd de Noordermarren in’n Noorden, Millm mit Specken un Sorthum in’n Noordoosten, Kraansborg un Holsseln in’n Süüdoosten, Dorum un Knakenborg in’n Süüdwesten, Oberhusen in’n Westen un Grotenbüttel un Cappel in’n Noordwesten.
Historie[ännern | Bornkood ännern]
Erich Friederich Adickes hett 1802 Dorothea Veronica Eibs freet, de den Hoff Heuhusen mit in de Eh brocht hett.[1] 1803 hett he von sien Unkel Eibe Friedrich von Lehe en Hoff an’n Millmer Südermarren arvt.[1] 1807 hett Adickes den Hoff Heuhusen intuuscht gegen Land an’n Südermarren.[1] Dissen Hoff an’n Südermarren hett Adickes denn den Naam Rosengoorn geven, na en Floornaam.[1]
Verwaltungsgeschicht[ännern | Bornkood ännern]
De Oort hett vör 1852 to dat Vaagdiegericht Land Wusten tohöört un denn to dat Amt Dorum. Na 1885 weer dat in’n Kreis Leh. 1932 is dat Deel von’n Landkreis Wersermünn worrn un 1977 von’n Landkreis Cuxhoben.
An’n 1. Januar 2015 is de Gemeen Millm as Deel von de Samtgemeen Land Wusten mit de Gemeen Noordholt dör Fusion tohoopgahn un Rosengoorn billt nu en Deel von de Gemeen Wuster Noordseeküst.
Inwahnertall[ännern | Bornkood ännern]
| Johr | Inwahners |
|---|---|
| 1. Dezember 1871[2] | 7 Lüüd, 1 Huus |
Religion[ännern | Bornkood ännern]
Rosengoorn is evangeelsch-luthersch präägt un höört to dat Kaspel von de Pankratii-Kark in Millm.
För de Kathoolschen is de Twölv-Apostels-Kark in Olenwoold tostännig, de siet 2008 to de Karkengemeen St. Marien in Cuxhoben tohöört.
Footnoten[ännern | Bornkood ännern]
- ↑ a b c d Franz Adickes: sein Leben und sein Werk. Englert und Schlosser, Frankfort 1929, Sied 10
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 153: https://books.google.de/books?id=qTZDAQAAMAAJ&pg=RA2-PA153
Koordinaten:53° 43′ N, 8° 36′ O