Rode Slubbaante

Vun Wikipedia
Zur Navigation springen Zur Suche springen
Rode Slubbaant(e), Rode Slubbe;

Voss-Slubbaant(e)

Waart vun de Rode Slubbe
Systematik
Ünnerstamm: Warveldeerten (Vertebrata)
Klass: Vagels (Aves)
Ornen: Gösevagels (Anseriformes)
Familie: Aantenvagels (Anatidae)
Ünnerfamilie: Echte Aanten (Anatinae)
Tribus: Swemmaanten
Geslecht: Aanten an sik
Oort: Rode Slubbaante
Wetenschoplich Naam
Anas platalea
Vieillot, 1816
Seken vun de Rode Slubbe (Anas platalea)
Eier von de Rode Slubbaante

De Rode Slubbaante (Anas platalea), ok Rode Slubbe oder Voss-Slubbe nömmt, is en Aart ut de Familie vun de Aantenvagels. Dor warrt se nu wedder to de Aanten an sik mit torekent.

Systematik[ännern | Bornkood ännern]

To de Slubbaanten höört de europääsche Slubbe, de Austraalsche Slubbaante un de Kapslubbe mit to. Dor is de Rode Slubbaante de lüttjest vun. Ehr Snavel is wat breeder, un lett, as en Lepel. Vunwegen fiene Lamellen kann düsse Snavel to'n Sichten vun Freten bruukt weern. De Rode Slubbe warrt as Link to de Kaneelaante ankeken, vunwegen datt se dor en poor Egenaarden mit deelt.

Kennteken[ännern | Bornkood ännern]

Bi de Rode Slubbaante verscheelt sik Waart un Aante bannig. De Seken sünd alltohopen wat bruun vun'e Farv mit swattbrune Teken dor in. Man bi den Waart sünd Kopp un Hals hellbruun bit grau mit dünne swatte Streke dor intekent. An't Lief slaht de Feddern wat na rood hen, mit regelmatige dunkerbrune Stippels dor up.

Wo de Rode Slubbe vorkamen deit[ännern | Bornkood ännern]

De Rode Slubbe is in Süüdamerika tohuse. Dor leevt se vun Buenos Aires in'n Norden bit runner na Füerland in'n Süden. 8-16 Paare vun de Rode Slubbe bröödt ok up de Falklandinseln. Dor tellt se to de Subantarktis ehre Vagelwelt mit to.[1] De meisten Roden Slubbaanten leevt an Argentinien siene Waterkant. In desülvigen Gemarken is ok de Argentiensche Kaneelaante an to drepen.

Wie se leven deit[ännern | Bornkood ännern]

In de Brödeltied leevt de Roden Slubben poorwiese an flacke Brack- un Söötwaters in opene Landschop. De Nester boot se up drögen Grund, nich wiet af vun't Water. Bröden doot se normolerwiese vun September- bit Novembermaand. Se leggt sess bit acht Eier, de sünd cremefarvt oder en beten wat gröön. Dat duert 25 Dage, denn kruupt de Jungen ut. Utwussen sünd de na een Johr. Dat Freten warrt bi dat Sichten in't Water upnahmen, wenn se dor mit'n Snavel dörslubbern doot. Vundeswegen ok de Naam. Freten doot se Deele vun Waterplanten, Algen un lüttjer Deerter. Alltohopen nehmt se mehr Proteine vun Deerter up, as vun Planten.

Literatur[ännern | Bornkood ännern]

Weblenken[ännern | Bornkood ännern]

Commons-logo.svg Rode Slubbaante. Mehr Biller, Videos oder Audiodateien to’t Thema gifft dat bi Wikimedia Commons.

Belege[ännern | Bornkood ännern]

  1. Wood, S. 98

Kiek ok bi[ännern | Bornkood ännern]