Río Guyamas

Vun Wikipedia
Zur Navigation springen Zur Suche springen
Río Guyamas
Laag Yoro, Honduras
Río Guyamas
Laag vun Río Guyamas in Honduras
Stroomsystem Río Mezapa
Läng 71 km
Born in de Cordillera Nombre de Dios
Koordinaten Born: 15° 26′ N, 87° 23′ W
Münn bi Toloa Adentro in’n Río Mezapa
Koordinaten Münn:
Koordinaten:15° 40′ N, 87° 42′ W
15° 40′ N, 87° 42′ W
rechte Blangenströöm Río Toyos

De Río Guyamas (vör allen in’n Böverloop) oder Río Guaymon (in’n Ünnerloop) is en üm un bi 71 Kilometer langen Stroom in dat Departamento Yoro, Honduras, de in’n Río Mezapa münnt.

De Born liggt in de Cordillera Nombre de Dios. Dat liggt an de Waterscheed to’n Río Texíguat un an de Grenz to dat Departamento Atlántida. Von dor flütt he toeerst en lütt Enn na Süüdwesten un dreiht denn na Noordwesten. Na 50 Kilometer triddt he bi El Guaymon ut de Bargen rut un flütt in dat Sula-Daal. Hier geiht ok de CA-13 mit en Brügg över’n Stroom röver. Hier in’t Daal warrt de Stroom för so üm un bi acht Kilometer düüdlich breder un billt Kiesbedden ut. Nadem he den Gruus ut de Bargen afleggt hett, warrt he aver wedder smaller un löppt suttje dör en Rebeed mit Bananenplantaaschen, nimmt von rechts den Río Toyos op un föhrt vörbi an’n Oort Mezapa. Hier in’t siede Land loopt en Reeg lüttje Kanaals af. Toletzt münnt he bi’n Oort Toloa Adentro in’n Río Mezapa. Delen von’n Río Mezapa un von’n Río Guyamas sünd as Schippskanaal utboot, so dat de natürliche Loop sik hier stark verännert hett. Dat Water von’n Río Mezapa flütt denn wieder in de Karibische See.