Río Grande de Otoro
| Río Grande de Otoro | ||
|---|---|---|
| Laag | Intibucá, Honduras | |
| ||
| Stroomsystem | Río Ulúa | |
| Läng | 47 km | |
| Born | bi Masaguara ut Río Sazagua un Río Puringla | |
| Koordinaten Born: | 14° 23′ N, 87° 57′ W | |
| Münn | in’n Río Ulúa | |
| Koordinaten Münn: | Koordinaten:14° 38′ N, 88° 4′ W14° 38′ N, 88° 4′ W | |
| linke Blangenströöm | Río Yacanguare, Río Naranjo, Río Sirima, Río Sicaguara | |
| rechte Blangenströöm | Río Uluíta | |
De Río Grande de Otoro oder körter Río Otoro is en üm un bi 47 Kilometer langen Stroom in dat Departamento Intibucá, Honduras, de in’n Río Ulúa münnt.
De Stroom billt sik in de Neegd von Masaguara dör dat Tohoopfleten von Río Sazagua un Río Puringla. Dat is in’n Süüdoosten von dat Otoro-Daal (Valle de Otoro) un gliektiedig de Grenz na dat Departamento La Paz. Von dor flütt de Stroom toeerst na Noorden un dreiht denn bilütten op en Noordwest-Kurs. In dat Otoro-Daal liggt an’t Oostöver de Stadt Jesús de Otoro. Bi Santo Domingo münnt von links toeerst de Río Yacanguare un denn de Río Naranjo.
De Río Otoro verlett dat Daal denn wedder in flütt dör de Bargen. Dor nimmt he von links den Río Sirima un den Río Sicaguara op. Bi dat lüttje Dörp El Chagüitón münnt toletzt von rechts de Río Uluíta in’n Río Otoro. Dat is gliektiedig ok de Grenz na dat Departamento Comayagua. Hier nimmt de Río Grande de Otoro den ne’en Naam Río Ulúa an. Wenn nich de Münn von’n Río Uluíta, man de Grenz von dat Departamento Intibucá mit dat Departamento Santa Bárbara bi El Zarzal as Grenz twüschen Río Otoro un Río Ulúa nahmen warrt, is de Río Otoro 50 km lang.
De Río Ulúa flütt later in de Karibische See.