Río Puringla
| Río Puringla | ||
|---|---|---|
| Laag | La Paz, Honduras | |
| ||
| Stroomsystem | Río Ulúa | |
| Läng | 20 km | |
| Born | bi Rancho de Jesús | |
| Koordinaten Born: | 14° 19′ N, 87° 54′ W | |
| Münn | bi Masaguara in’n Río Grande de Otoro | |
| Koordinaten Münn: | Koordinaten:14° 23′ N, 87° 57′ W14° 23′ N, 87° 57′ W | |
| rechte Blangenströöm | Quebrada de Las Vueltas, Quebrada de Piedras, Quebrada Sulupa | |
De Río Puringla is en knapp 20 Kilometer langen Stroom in dat Departamento La Paz, Honduras, de in’n Río Grande de Otoro münnt. He liggt an de Westsied von de Cordillera de Montecillos.
De Río Puringla billt sik in’n Westen von Rancho de Jesús (bi Las Pilas) an de Steed, an de Río Lepasale (von Süüdoosten) un Río de Cañas (von Süüdwesten) tohoopfleten doot. Von dor flütt de Río Puringla na Noordwesten un twüschen Gualazar un Santiago de Puringla dör. He nimmt von rechts de Quebrada de Las Vueltas, de Quebrada de Piedras un de Quebrada Sulupa op.
Toletzt flütt he bi Masaguara mit’n Río Zaragua tohoop un billt den Río Grande de Otoro. De letzten 2,5 Kilometer billt de Río Puringla de Grenz von dat Departamento La Paz to dat Departamento Intibucá. Dat Water flütt denn wieder över’n Río Grande de Otoro na Río Ulúa un toletzt in de Karibische See.