Río Uluíta

Río Uluíta
Laag	Honduras
Stroomsystem	Río Ulúa
Läng	25 km
Born	in de Sierra de Montecillos
Koordinaten Born:	14° 32′ N, 87° 55′ W
Münn	in’n Río Grande de Otoro
Koordinaten Münn:	14° 38′ N, 88° 4′ W
linke Blangenströöm	Quebrada de Las Vegas, Quebrada de Pacayas, Quebrada La Cidra
rechte Blangenströöm	Quebrada Casa de Tabla

De Río Uluíta is en 25 Kilometer langen Stroom in de Departamentos Comayagua un Intibucá, Honduras, de in’n Río Grande de Otoro münnt.

De Born von de Quebrada del Rincón liggt in de Sierra de Montecillos (Waterscheed to’n Río Cumes) in dat Departamento Comayagua an de Grenz na dat Departamento Intibucá. De Quebrada del Rincón is de Bornbeek to’n Río Uluíta un flütt von dor na Noorden. Quebrada del Rincón un Río Uluíta tohooprekent sünd 42 Kilometer lang. Bi’n Oort El Rincón krüüzt de Beek de Straat RN-22 un nimmt en Stück later von rechts dat Water von de Quebrada Aguas del Padre op. In’n Westen von El Socorro verbinnt de Quebrada del Rincón sik mit de Quebrada El Socorro o El Granizo un billt dormit den Río Uluíta, de nu na Westen wiederflütt. He nimmt von links de Quebrada de Las Vegas un de Quebrada de Pacayas op. De Münn von de Quebrada de Pacayas is ok de Punkt, an de de Río Uluíta anfangt, de Grenz twüschen de Departamentos Intibucá (op dat linke Över) un Comayagua (op dat rechte Över) to billen. Von rechts nimmt he de Quebrada Casa de Tabla op. An de Münn von de Quebrada La Cidra (von links) verlett de Grenz den Stroom wedder.

Bi dat lüttje Dörp El Chagüitón münnt de Río Uluíta in’n Río Grande de Otoro un drippt hier ok wedder op de Grenz twüschen Intibucá un Comayagua. Von hier af an heet de Río Grande de Otoro denn Río Ulúa (Uluíta bedüüdt „lütten Ulúa“). De Río Ulúa münnt later in de Karibische See.