Río Culupa

Vun Wikipedia
Zur Navigation springen Zur Suche springen
Río Culupa
Laag Santa Bárbara, Honduras
Río Culupa
Laag vun Río Culupa in Honduras
Stroomsystem Río Chamelecón
Läng 31 km
Born bi Los Amates
Koordinaten Born: 15° 26′ N, 88° 32′ W
Münn bi La Flecha in’n Río Chamelecón
Koordinaten Münn:
Koordinaten:15° 17′ N, 88° 29′ W
15° 17′ N, 88° 29′ W
linke Blangenströöm Quebrada La Puerta
rechte Blangenströöm Quebrada Grande, Quebrada El Potrero, Quebrada Seca, Quebrada Honda, Quebrada Casa Quemada

De Río Culupa is en üm un bi 31 Kilometer langen Stroom in dat Departamento Santa Bárbara, Honduras, de von links in’n Río Chamelecón münnt.

De Born liggt an’n Rand von de Sierra del Omoa twüschen de Dörper Los Amates (Municipio Azacualpa) un Teocintales (Municipio Quimistán). Dat is twee Kilometer af von de Grenz na Guatemala. Von dor flütt de Stroom na Süden un an Laguna Verde langs. Na söven Kilometer kummt de Río Culupa al ut de Bargen rut un flütt in dat Quimistán-Daal (Valle de Quimistán), in dat he bet an siene Münn blifft. In de Neegd von Loma Alta nimmt he von rechts de Quebrada Grande op un denn von links de Quebrada La Puerta un von rechts de Quebrada El Potrero.

De Stroom flütt an Azacualpa un Agualote langs un nimmt von rechts de Quebrada Seca op. Denn kummt he in dat Municipio Macuelizo un an’n Oort Macuelizo langs un nimmt dor von rechts de Quebrada Honda op. De Río Culupa wennt sik na Süüdoosten un nimmt bi El Ciruelo von rechts de Quebrada Casa Quemada op. De CA-4 geiht mit en Brügg över’n Stroom un de Río Culupa münnt bi La Flecha in’n Río Chamelecón. De Río Chamelecón billt gliektiedig de Grenz na dat Municipio San Marcos un münnt later in de Karibische See.