Portal:Wikinews/Friedhelm Rudolph winnt Freudenthal-Pries 2007

14. August 2007: Friedhelm Rudolph ut Georgsmarienhütte schall den Freudenthal-Pries 2007 kriegen. De Jury hett siene Geschicht in westfäälsch Platt, Seine langen bounten Nuddelhaore, eenstimmig as Winner bestimmt. 67 Lüüd harrn Geschichten för den Pries inschickt. Den Pries un dat dormit verbunnene Priesgeld vun 3000 Euro, dat de Spoorkass Horborg-Buxthuud stift hett, schall he an’n 29. September in Hanstedt in’e Hannen kriegen.

De twete Pries geiht an Birgit Lemmermann ut Ünnerstedt un den drüdden Pries deelt sik Hans-Hinrich Kahrs ut Alfs un Tonko Ufkes ut Grunneng.