Portal:Wikinews/Dubbelasteroid passeert de Eer
Da NASA gifft bekannt, dat vundaag en dubbelten Asteroid in ruchweg sössfacken Afstand Eer-Maand an de Eer vörbisuust. Dat Objekt driggt de Beteken 2008 BT18 un besteiht ut twee enkelte Himmelskörpers vun 200 m und 600 m Dörmeter. De Wetenschopplers wüllt dissen Vörbiflaag dorto nütten, mehr över de Tohopensetten un sünners de Masse vun dat Objekt ruttofinnen.
Asteroiden oder ok Kometen gifft dat veel in’t Sünnsystem, so dat dat fakener vörkummt, dat ein Asteroid an de Eer vörbineiht. De Wetenschopplers haapt, ut de Ünnersöken mehr wies to warrn, woans man Himmelskörpers as dissen vun jemehr Bahn aflenken kann, för den Fall, dat mol een mit de Eer tosamentostötten drauht. Bi 2008 BT18 besteiht aver keen Gefahr, dat so wat passeert. De Asteroid weer in’n Januar eerst opdeckt worrn.