Pholcus

Domään:	Eukaryota
ahn Rang:	Veelzellers (Metazoa)
Afdeel:	Geweevdeerter (Eumetazoa)
Ünnerafdeel:	Tweesiedendeerter (Bilateria)
ahn Rang:	Ehrdermünner (Protostomia)
Böverstamm:	Huututtreckers (Ecdysozoa)
Stamm:	Liddfööt (Arthopoda)
Ünnerstamm:	Keevklauendregers (Chelicerata)
Klass:	Spinnen (Arachnida)
Ornen:	Weevspinnen (Araneae)
Ünnerornen:	Echte Weevspinnen (Araneomorphae)
Familie:	Beverspinnen (Pholcidae)
Geslecht:	Pholcus

Wetenschoplich Naam

Pholcus

Walckenaer, 1805

Pholcus (ooldgr. φολκός pholkós: „krummbeent“ latiensch maakt) is en Geslecht ut de Familie vun de Beverspinnen (Pholcidae). Dor höört 329 Aarden to (Stand: Juni 2016).

Wo se vorkaamt un wo se leven doot

Dat Geslecht Pholcus is sunnerlich tohuse in Gemarken mit en warmer Klima. Bannig veel Aarden gifft dat in China, in Zentral- un Süüdoostasien un in Lüttasien. Ok noch vorkamen doot se in Australien, Afrika un Amerika. In Düütschland leevt de Grote Beverspinne (Pholcus phalangioides). Se is up de ganze Welt tohuse. Wat roorer is Pholcus opilionides. Se leevt sunnerlich buten in de Holarktis. Bi düsse Spinnen hannelt sik dat um Kulturfolgers, de sik dat in minschliche Hüser goot gahn laat.

Kennteken

De Spinnen vun düt Geslecht weert 4 bit hen to 15 mm groot. Dat Lief is so tohopenboot, as bi all Spinnen ut düsse Familie. Bestimmt weern könnt se binnen dat Geslecht vunwegen de Farv, de Grötte un de Teeknung vun dat Achterlief. De Deerter sünd mehrjöhrig un könnt bit hen to dree Johre oold weern.

Wie se leven doot

Spinnen ut dat Geslecht Pholcus maakt dat so, as annere Beverspinnen ok: Se boot Netten ohn Anfang un Enne. De Siede vun dat Nett hett keen Liem un kann unbannig wiet ut’nanner trocken weern, ohn dörtorieten. Se is sunnerlich anpasst an warmer un fuchtiger Klima. De Pholcus-Aarden luert in’e Nacht mit’n Buuk na boven in’t Nett un fangt ehre Büte.

Weblenken

Pholcus. Mehr Biller, Videos oder Audiodateien to’t Thema gifft dat bi Wikimedia Commons.

Literatur

Heiko Bellmann: Spinnentiere Europas. Kosmos, Stuttgart 2001, ISBN 3-440-09071-X
Heimer, Stefan; Nentwig, Wolfgang: Spinnen Mitteleuropas. Paul Parey, Berlin 1991, ISBN 3489535340