Pandia (Maand)

Pandia (ok Jupiter LXV) is en vun de lütten Maanden vun den Planeten Jupiter.

Opdeckt weer de Maand in’t Johr 2017 vun de Astronomen S. Sheppard, David J. Tholen un Chad Trujillo. Toeerst weer he as S/2017 J 4 betekent. Den offiziellen Naam hett he an’n 23. August 2019 dör de Internatschonale Astronoomsche Union (IAU) kregen, neemlich na Pandia, de in de greekschen Mythologie de Dochter vun Zeus un de Maandgöddin Selene is.

Ümloopbahn

Pandia löpt in en middleren Afstand von ruchweg 11.500.000 km üm den Jupiter un bruukt dorför üm un bi 252 Daag. De Maandbahn hett en Exzentrizität vun 0,18 un is üm un bi 28,2° neegt.

Physikalsch Egenschoppen

Vun den Maand gifft dat opstunns aver eerst wenig Beobachten. Över sien Helligkeit kann een aver op en Dörmeter vun ruchweg 1 km sluten.

Maanden vun den Planeten Jupiter

Nöömt:  Adrastea | Aitne | Amalthea | Ananke | Aoede | Arche | Autonoe | Callirrhoe | Carme | Carpo | Chaldene | Cyllene | Dia | Eirene | Elara | Erinome | Ersa | Euanthe | Eukelade | Eupheme | Euporie | Europa | Eurydome | Ganymed | Harpalyke | Hegemone | Helike | Hermippe | Herse | Himalia | Io | Iocaste | Isonoe | Kale | Kallichore | Kallisto | Kalyke | Kore | Leda | Lysithea | Megaclite | Metis | Mneme | Orthosie | Pandia | Pasiphae | Pasithee | Philophrosyne | Praxidike | Sinope | Sponde | Taygete | Thebe | Thelxinoe | Themisto | Thyone | Valetudo

Ahn Naam:  S/2003 J 2 | S/2003 J 4 | S/2003 J 9 | S/2003 J 10 | S/2003 J 12 | S/2003 J 16 | S/2003 J 18 | S/2003 J 19 | S/2003 J 23 | S/2010 J 1 | S/2010 J 2 | S/2011 J 1 | S/2011 J 2 | S/2016 J 1 | S/2017 J 1 | S/2017 J 2 | S/2017 J 3 | S/2017 J 5 | S/2017 J 6 | S/2017 J 7 | S/2017 J 8 | S/2017 J 9

Koppels:  Amalthea-Grupp | Galileische Maanden | Himalia-Grupp | Ananke-Grupp | Carme-Grupp | Pasiphae-Grupp

Kiek ok na bi: List von de Jupiter-Maanden