Padingbüddel

Wapen/Flagg	Koort
Basisdaten
Bundsland: Neddersassen Landkreis: Cuxhoben Gemeen: Wuster Noordseeküst
Flach:	9,42 km²
Inwahners:	479 (2010-12-3131. Dezember 2010)
Inwahnerdicht:	50,8 Inwahners pro km²
Hööchd:	1 m över NN
Postleettall:	27632
Vörwahl:	04742
Geograafsche Laag:	53° 42′ N, 8° 32′ O
Grenzen bi OSM:	1526834
Laag von Padingbüddel in de Gemeen Wuster Noordseeküst (Koort lett sik anklicken)

Luftbild von Padingbüddel mit de Kark

De Kark

Padingbüddel is en Dörp in dat Land Wusten un billt en Oortschop binnen de Gemeen Wuster Noordseeküst in’n Landkreis Cuxhoben. De Gemeende liggt nich wiet af vun de Noordsee. De Kark un dat egentliche Dörp sünd bi dree Kilometer vun de Noordsee af. Annere Delen vun düt Dörp in de Masch liggt dor dichter an. Blangen den Oort Padingbüddel höört dor ok noch de Dörper Rotthusen, Böverstreek un Nedderstreek un Olendiek to.

Historie

De eersten Wurten hefft de Sassen in dat 1. bit 5. Johrhunnert boot. Bi dat grote Völkerwannern hefft denn de Sassen dat Land Wusten verlaten un Fresen sund in dat Land trocken. De Naam vun den Oort Padingbüddel steiht to'n eersten Mol an'n 5. März 1365 in en Urkunn.

Kark

In Padingbüddel steiht en ole Kark. Dat is de St. Matthäus-Kark ut dat 13. Johrhunnert. De Predigtstohl is ut dat Johr 1652 un de Altaar kümmt vun 1480. In dat 15. Johrhunnert is de Toorn in'n Westen anboot wurrn. Hüdigendags is de Gemeende evangeelsch-luthersch un höört to de Hannöbersche Kark hento. De Kark liggt up en Warft un en olen Karkhoff is ümto anleggt.

Inwahners

Johr	Inwahners
1848-00-001848	587 Lüüd, 110 Hüüs
1858-00-001858	516
1888-00-001888	516
1910-12-011. Dezember 1910	549
1925-00-001925	557
1933-00-001933	525
1939-00-001939	490
1964-00-001964	595
1978-00-001978	616
1988-00-001988	595
1993-00-001993	549
1998-00-001998	534
2003-00-002003	483
2010-12-3131. Dezember 2010	479

Politik

Gemeenraad (bet 2014)

Gemeenraad

Johr \ Partei	Tall	CDU	SPD
2001	9	3	6
2006	7	3	4
2011	7	3	4

Börgermeesters

Tied	Naam	Partei
–31. Dezember 2014	Helwig Tepke	SPD

Siet 1. Januar 2015 hett de Oortschop en Oortsvörsteiher.

Wapen

Dat Wapen vun Padingbüddel is spleten. Vörn sitt up grönen Grund dree sülvern Kleverblöer, achtern up sülvern Grund en swarten Adler mit en sülvern Kroon. Düt Wapen is hernahmen vun dat Wapen vun den Böver- Diekgreve Eibe Siade Johanns. De leev vun 1659 bit 1720. Düt Wapen sitt ok tomidden de Gemeendeflagg, de to glieke Delen in gröön-witt-grööne Striepen ünnerdeelt is.

Weertschop un Infrastruktur

Hüdigendags is Padingbüddel tomeist Wohnoort. Bavenhen gifft dat en poor Bedrieven, de sik mit Bueree oder mit Handwark befaten doot. Vun 1993 af an steiht in de Gemeende ok in Windpark. Dor weert vun 10 Rotoren 4,8 Megawatt produzeert.

Lüde

• De eerste bekannte Minsch ut Padingbüddel weer Tjede Peckes. Se weer de Wuster Fresen ehr Fahnjumfer in de Slacht bi dat Wremer Deep gegen den Bremer Arzbischop.
• De Komponist Vincent Lübeck ut de Tiet vun dat Barock is 1654 in Padingbüddel boren wurrn.
• 1810 is Bernhard vun Langenbeck in den Oort boren.
• De Theoloog Johann David Schlichthorst is 1843 in Padingbüddel storven. He weer dor Paster un hett sien Leven lang gegen de Plattdüütsche Spraak streden. He meen, düsse Spraak weer Schuld, dat de Lüde dumm bleven un wull ehr geern utrieten un verbeden.
• 1907 is de Landraad von’n Landkreis Wersermünn un Versekerungshistoriker Ludwig Arps in Padingbüddel boren.

Weblinks

Padingbüddel. Mehr Biller, Videos oder Audiodateien to’t Thema gifft dat bi Wikimedia Commons.

• private Websteed över Padingbüddel (hoochdüütsch)

Öörd in de Gemeen Wuster Noordseeküst

Cappel | Dorum | Millm | Misselwarden | Mulsen | Noordholt | Padingbüddel | Wremen