Otto Gustav Hesse

Vun Wikipedia

Otto Gustav Hesse (* 25. Januar 1821 in Ossenbrügge; 31. Januar 1904 in Blankenborg) weer en düütschen Verwaltungsbeamten.

Hesse is 1821 as Söhn von’n Amtmann Carl Christian Hesse in Ossenbrügge boren. Von 1843 af an hett he an de Universität Göttingen Juristeree studeert. He weer dor Liddmaat von dat Corps Hannovera.

1853 is he Amtsassesser bi dat Amt Üsseler worrn un is 1856 na Hilmssen gahn.

1864 is he Amtmann von dat Amt Oterndörp worrn. Nadem dat Königriek Hannover 1867 von Prüßen annekteert worrn is, hett sik Hesse sien Titel 1868 op Amtshauptmann ännert. Tosätzlich is he 1867 Kreishauptmann von’n Kreis Oterndörp worrn. Amtshauptmann un Kreishauptmann in Oterndörp is he bet 1879 bleven. 1879 is he as Nafolger von Robert Hue de Grais Kreishauptmann von’n Kreis Hilmssen worrn. Nadem de prüüßsche Kreisordnung in de Provinz Hannover inföhrt worrn is, is de Kreis Hilmssen nee billt worrn un Hesse weer dor de eerste Landraad. Dat Amt hett he bet 1896 behollen, as Hans Ukert den Posten as Landraad övernahmen hett. Hesse weer toletzt Gehemen Regerungsraad.

He hett an’n 29. September 1858 in Hannover Emilie Helene Glahn (20. September 1832-30. September 1894) freet. De beiden harrn een Söhn un twee Döchter.