Oleg Dmitrijewitsch Kononenko
Oleg Dmitrijewitsch Kononenko (russisch Олег Дмитриевич Кононенко Oleg Dmitrievič Kononenko, turkmeensch Oleg Dmitriýewiç Kononenko; * 21. Juni 1964 in Türkmenabat, Turkmensche SSR, Sowjetunion) is en russ'sch Kosmonaut. He hett de Utteeken „Held vun Turkmenistan“ kreegen.[1]
Kosmonautenloopbahn
[ännern | Bornkood ännern]ISS-Expeditschoon 9
[ännern | Bornkood ännern]Anfang 2002 wur Kononenko as Bordingenieur för de ISS-Expeditschoon 9 nomineert. Neben Kononenko sullen Gennadi Padalka as Kommandant un Mike Fincke as Bordingenieure fleegen. Nah dat Unglück vun de Columbia in‘n Februar 2003 wurr de Besattenstärkt vun de ISS ut Versörgensgrünnen up twee Personen minneseert. Dat harr Utwirken up all bit dorhen nomineert Mannschapen. As de Mission in’n April 2004 sluutend starten dee, weer Kononenko nich dorbi.
ISS-Expeditschoon 17
[ännern | Bornkood ännern]Kononenko hett van April bit Oktober 2008 mit as Bordingenieur vun de Expeditschoon 17 up de ISS arbeit. Start is sien Mission an’n 8. April 2008, as he tosommen mit den Kommandanten Sergei Alexandrowitsch Wolkow un de Süüdkoreanerin Yi So-yeon an Bord vun Sojus TMA-12 losflaagen is. Dor hemm se denn de bitherig Stammcrew Peggy Annette Whitson un Juri Iwanowitsch Malentschenko arbeit, de nah en paar Daag vun gemeensam Arbeit mit Yi torüch to de Eer floog. Van de olt Stammbesatten bleev Garrett Erin Reisman up de ISS, de later vun Gregory Errol Chamitoff aflööst wurr. Chamitoff keem wiels de Mission STS-124 to de Statschoon. Kommandant vun STS-124 weer Mark Edward Kelly un de Pilot Kenneth Todd Ham. Dorto keemen de Missionsspezialisten Karen Lujean Nyberg, Ronald John Garan, Michael Edward Fossum un Akihiko Hoshide ut Japan.
De Mission gung vör hüm un Wolkow to Enn‘, as de Nahfolgecrew mit Edward Michael Fincke un Juri Walentinowitsch Lontschakow un den Weltruumtouristen Richard Garriott an de Statschoon ankommen deen, un he un Wolkow nah en paar Daag vun gemeensam Arbeit mit Garriott weer torüch fleegen deen. Se sünd an’n 24. Oktober 2008 weer up de Eer lannd. Wiels sien Mission hett Kononenko twee Butenbordinsätze harrt.
ISS-Expeditschoon 30/31
[ännern | Bornkood ännern]In‘n Oktober 2009 wurr Kononenko to’n tweeten Mal för en Langtietupenholt an Bord vun de ISS nomineert.[2] Tosommen mit André Kuipers vun de ESA ut den Nedderlannen un den Amerikaner Donald Roy Pettit flog he in’n Dezember 2011 to de ISS, wo all Daniel Christopher Burbank, Anton Nikolajewitsch Schkaplerow un Anatoli Alexejewitsch Iwanischin arbeiten dee. Kononenko weer en vun de Bordingenieure vun de ISS-Expeditschoon 30 un övernehm Enn’n April 2012 das Kommando vun de ISS-Expeditschoon 31, nahdem Burbank, Schkaplerow un Iwanischin dör Gennadi Iwanowitsch Padalka, Sergei Nikolajewitsch Rewin un Joseph Michael Acaba aflöst wurrn weern. De Mission vun Kononenko, Kuipers un Pettit gung an’n 1. Juli 2012 to‘ Enn’n.
ISS-Expeditschoon 44/45
[ännern | Bornkood ännern]In‘n Oktober 2012 wurr Kononenko för sien nächsten Langtietupenholt an Bord vun de ISS nomineert. He flog an’n 22. Juli 2015 as Kommandant vun dat Ruumschipp Sojus TMA-17M tosommen mit den japaanschen Ruumfohrer Kimiya Yui un den amerikaanschen Astronauten Kjell Norwood Lindgren to de ISS, wo all Gennadi Iwanowitsch Padalka, Michail Borissowitsch Kornijenko un Scott Joseph Kelly arbeiten deen. An’n 4. Dezember keemen Sergei Alexandrowitsch Wolkow as Langtietkolleeg un Andreas Mogensen un Aidyn Ajymbetow för en negen Daag düern Körttietupenholt dorto. Mogensen un Ajmbetow sünd denn tosommen mit Padalka torüchflagen. Kononenko weer bit to’n 11. Dezember 2015 an Bord vun de ISS un kehr denn mit Yui un Lindgren weer to de Eer torüch.
Wiedere Loopbahn bi Roskosmos
[ännern | Bornkood ännern]An‘n 10. November 2016 wurr Kononenko vun den Baas vun dat Juri-Gagarin-Kosmonautentrainingszentrum, Juri Lontschakow, to’n Kommandanten vun dat Kosmonautenkorps nöömt.[3]
ISS-Expeditschoon 57–59
[ännern | Bornkood ännern]An’n 3. Dezember 2018 is Kononenko to sien veerte Mission upbraaken. As Kommandant vun dat Ruumschipp Sojus MS-11 is he mit de US-Amerikanerin Anne Charlotte McClain un den Kanadier David Saint-Jacques to de ISS flagen un hett för en körten Tiet as Bordingenieur för de ISS-Expeditschoon 57, to de ok de Düütsche Alexander Gerst, Sergei Walerjewitsch Prokopjew ut Russland un de US-Amerikanerin Serena Auñón-Chancellor hörrn deen, arbeit. An’n 20. Dezember 2018 hett he dat Kommando över de ISS-Expeditschoon 58 övernommen. He, McClain un Saint-Jacques hemm denn ok de Anfangscrew vun de ISS-Expeditschoon 59 billd, to de in’n März 2019 noch Alexei Nikolajewitsch Owtschinin, Tyler Nicklaus Hague un Christina Hammock Koch keemen. De Rückkehr to de Eer mit McClain un Saint-Jacques weer an’n 25. Juni 2019.
Privates
[ännern | Bornkood ännern]Kononenko is in eenfack Verhältnissen upwussen. Sien Vader weer Fohrer in en Speditschoon, sien Moder Telefonistin an en Flooghaven. Kononenko hett an en Fackschool vör Volleyball studeert un weer Liddmaat vun de Jöögdmannschap vun Turkmenistan.[4]
Kononenko is verheiraadt un hett een Söhn un een Dochter. As völ anner Ruumfohrer ok, is he Funkamateur, sien Amateurfunkroopteeken is RN3DX.[5]
Enkeld Nahwiesen
[ännern | Bornkood ännern]- ↑ Указ о присвоении Олегу Кононенко звания «Герой Туркменистана», 25. September 2019.
- ↑ NASA and its International Partners Assign Space Station Crews. In: Release 09-233. NASA, 7. Oktober 2009, afropen an’n 14. Oktober 2009 (englisch).
- ↑ Олег Кононенко назначен командиром отряда космонавтов. 10. November 2016, afropen an’n 10. November 2016 (russ’sch).
- ↑ Биография космонавта МКС, уроженца Туркменистана - Олега Дмитриевича Кононенко, 6. Dezember 2018
- ↑ Two More Radio Amateurs Join International Space Station Crew. ARRL, 28. März 2015, afropen an’n 23. Juli 2015 (engelsch).
