Kenneth Todd Ham

Kenneth Todd Ham

Kenneth Todd Ham (* 12. Dezember 1964 in Plainfield, New Jersey, USA) is en ehmalger amerikaansch Astronaut.

Ham kreeg 1987 en Bachelor in Luft- un Ruumfohrttechnik vun de United States Naval Academy. 1996 kreeg he noch vun de Naval Postgraduate School en Master in Luftfohrttechnik.

Ham is in de U.S. Navy intreeden un wurr to’n Marinefleeger utbildt. In kreeg 1989 sien Pilotenlizenz. He hett de United States Naval Test Pilot School afslooten.

Astronautentätigkeit

Ham wurr in’ August 1998 för dat Astronautenprogramm vun de NASA utwählt. He weer tonächst as Verbinnensspreker (CapCom) för verscheeden Space-Shuttle- as ok ISS-Missionen tätig.

In dat Fröhjohr 2007 wurr Ham as Pilot för sien eersten Ruumfloog utwählt. De Start vun STS-124 weer an’ 31. Mai 2008. Kommandant bi disse Mission weer Mark Kelly. Dorto keemen de Missionsspezialisten Karen Nyberg, Ronald Garan, Michael Fossum un de Japaner Akihiko Hoshide, as ok up den Henfloog to de ISS Gregory Chamitoff, wiels up den Rückfloog Garrett Reisman vun de ISS weer mit torüchnommen wurr.

Bi disse Mission wurr en wieder Deel vun dat japaansch Kibō-Modul (Japanese Experiment Module – Pressurized Module; JEM-PM) un de japaansch Roboterarm (JEM-RMS) To de ISS brocht. Buterdem wurr dat mit STS-123 leefert ELM-PS-Modul an sien endgültige Positschoon versett.

Bi sien tweeten Floog keem he as Kommandant vun STS-132 to’n Insatz. Disse Mission fung an’ 14. Mai 2010 an. Dat weer de vörletzte Floog vun de Ruumfähre Atlantis. Pilot weer ditmal Tony Antonelli. Dorto kemmen de Missionsspezialisten Michael Good, de Karen Nyberg ersett harr, Stephen Bowen, Garrett Reisman un Piers Sellers. Sellers weer mit nu dree Ruumflüüg de Erfohrenste vun de Mannschap.

Hööftupgaav weer dat in Russland baut Erweiterungsmodul „Rasswet“ to de Statschoon to bringen. Dorto wurr en nee Ku-Band-Antenne anbrocht un noch söss Batterien mitbrocht, de de olt Batterien an dat P6-Element ersetten deen. Ofschons dree EVAs dörführt wurrn, weer Sellers doran aber nich bedeeligt. De Mission gung an' 26. Mai 2010 to Enn'.

Nah de NASA

Ham hett de NASA an’ 31. Mai 2012 verlaaten un kehr to de United States Naval Academy zurück, wo he Ünnerricht geven dee. Siet Juli 2014 arbeit Ham för Bigelow Aerospace an dat BA 330 Crew and Cargo Programm.

Privates

Ham ist to’n tweeten Mal verheiraadt un hett twee Kinner ut en eerste Ehe.

Weblenken

Kenneth Ham. Mehr Biller, Videos oder Audiodateien to’t Thema gifft dat bi Wikimedia Commons.

• NASA: Biografie (engelsch)
• Spacefacts: Körtbiographie