Alexander Gerst
Alexander Gerst (* 3. Mai 1976 in Künzelsau) is en düütsch Geophysiker un Ruumfohrer.
Herkunft, Utbillen un wetenschaplich Loopbahn[ännern | Bornkood ännern]
Alexander Gerst is in Künzelsau upwussen. Sien Abitur hett he 1995 an dat Technisch Gymnasium in Öhringen afleggt. Dornah hett he Zivildeenst bi de DRK maakt[1] un hett ansluutend een Johr lang as Rucksacktourist verscheeden Länner bereist. Düchtig beindruckt vun de Vulkans up Niegseeland fung he an, Geophysik to studeeren, un kreeg an dat Karlsruher Institut för Technologie dat Diplom.[2] Todem studeer he Geowetenschapen in Wellington, Niegseeland, un kreeg dorin 2005 den Master of Science.[3] 2006 weer he Sömmer stipendiat vun dat Düütsch Zentrum för Luft- un Ruumfohrt. Nah eegen Utseggen wurr sien Interesse an de Ruumfohrt dör sien Grootvader in Gang brocht, de as Funkamateur Signale to'n Maand stüert hett.
2007 kreeg Gerst den Bernd-Rendel-Pries vun de der Düütsch Forschensgemeenschap (DFG) för besünners goot Nahwussgeophysiker.[4]
In' Mai 2010 kreeg he an de Universität Hamborg mit en Forschensarbeit to de Eruptschoonsdynamik vun den antarktischen Vulkan Mount Erebus sien Doktertitel.[5]
Ruumfohrer[ännern | Bornkood ännern]
Alexander Gerst hett sück bi dat Utwahlverfohren vun de ESA gegen 8407 annner Bewerber dörsett, as eenzig Düütsch ünner söss nee Ruumfohrer, un wurr an' 20. Mai 2009 de Apenlichkeit vörstellt.[6] Anfang September 2009 fung he sien Utbillen in dat [[Europääsch Astronautenzentrum] (EAC) in Köln an[7] un wurr an' 22. November 2010 nah Afsluss vun de Grundutbillen in en offiziellen Zeremonie in dat EAC to'n Astronauten benömmt.[8]
An' 18. September 2011 geev de ESA bekannt, dat Gerst för en Ruumfloog tosommen mit den Russen Maxim Surajew un den US-Amerikaner Reid Wiseman to de Internatschonale Ruumstatschoon ISS utsöcht wurrn weer. De spoodriek Nachtstart vun Sojus TMA-13M weer an' 28. Mai 2014 um 19:57 UTC in Baikonur. Gerst sall as Bordingenieur vun de ISS-Expeditschonen 40 un 41 bit to'n 10. November 2014 in't All blieven.[9] He is dormit nah Thomas Reiter un Hans Schlegel de darte düütsch Ruumfohrer up de ISS. Sien Mission drocht de Beteken Blue Dot, nah dat Foto Pale Blue Dot, dat de Eer ut groot Entfernung as „blassblauen Punkt“ wiest.[10]
Funkamateur[ännern | Bornkood ännern]
Alexander Gerst hett de Amateurfunkprüfung afleggt un dröfft dorum an den Amateurfunkdeenst deelnehmen. He hett dat Roopteeken KF5ONO. De ISS hett för den Amateurfunkdeenst en eegen Transceiver un send up 145,800 MHz. Dat Projekt nömmt sück ARISS (Amateur Radio on International Space Station).
Ehrungen[ännern | Bornkood ännern]
2015 kreeg he dat Bundsverdeenstkrüüz.
Weblenken[ännern | Bornkood ännern]
- Homepage vun Alexander Gerst
- Biografie bi de ESA
- BlueDot Missions-Blog (düütsch/engelsch)
- Interview mit Alexander Gerst up dat Portal vun de DLR (mp4; 21,42 MB)
- Thomas Bührke: Der nächste deutsche Astronaut; Artikel ut Bild der Wissenschaft, Utgaav 5/2010.
- Kurt-Martin Mayer: Der richtige Typ; Focus, 4. Juni 2012
- Klaus Martin Höfer: Traumberuf Astronaut – Einmal Weltall und zurück; Spiegel Online, 12. Dezember 2012
- Alexander Gerst auf dem Weg ins All, Berichterstattung to'n 9. Mai 2014 bi den Bayerischen Rundfunk mit Live-Överdragen vun den Start
- Pressekonferenz vun de ESA, 17. März 2014
Enkeld Nahwiesen[ännern | Bornkood ännern]
- ↑ Biografie up dat Internetportal vun de DLR
- ↑ Von der Karlsruher Geophysik auf die ISS, Presseinformation 043/2014, KIT
- ↑ Alexander Gerst (2003) Temporal changes in seismic anisotropy as a new eruption forecasting tool. (Master's thesis) Victoria University of Wellington.
- ↑ Bernd Rendel-Preis 2007
- ↑ Alexander Gerst: The First Second of a Strombolian Volcanic Eruption. Dissertatschoon, Universität Hamborg, 2010, Digitalisat
- ↑ ESA rekrutiert neue europäische Astronauten für die bemannte Raumfahrt und Exploration der nächsten Generation (Pressemitdeelen vun de ESA van' 20. Mai 2009)
- ↑ Europas neue Astronautenklasse meldet sich zur Ausbildung.
- ↑ Pressemitdeelen vun de ESA van' 17. November 2010.
- ↑ http://www.esa.int/esaCP/SEMRVV0UDSG_Germany_0.htm, Deutscher ESA-Astronaut Alexander Gerst fliegt 2014 zur Raumstation!, van' 18.09.2011, afropen an' 10. Juni 2014
- ↑ http://www.esa.int/Our_Activities/Human_Spaceflight/Astronauts/Announcing_Blue_Dot_mission_logo, engelsch, Announcing Blue Dot mission logo, van' 22. September 2013, afropen an' 10. Juni 2014