Serena Auñón

Vun Wikipedia
Zur Navigation springen Zur Suche springen
Offiziell NASA-Foto

Serena Marie Auñón-Chancellor (* 9. April 1976 in Indianapolis, Indiana) is en US-amerikaansch Astronautin.

Werdegang[ännern | Bornkood ännern]

Se hett en Bachelor of Science in Electrical Engineering vun de George Washington University, Washington, D. C., 1997 un 2001 hör Doktertitel in Medizin kreegen.

Ruumfahrttätigkeiten[ännern | Bornkood ännern]

Se wurr 2009 as Astronautin utwählt (NASA-Grupp 20) un hett 2015 as Aquanaut an de Mission NEEMO 20 vun de NASA deelnommen. An'n 28. März 2017 geev de NASA bekannt, dass Auñón-Chancellor för de ISS-Expeditschonen 58 un 59 todeelt wurrn weer. Se sull in'n November 2018 mit dat Ruumschipp Sojus MS-11 to de ISS starten un dor bit Mai 2019 arbeiten.[1] In'n Januar 2018 wurr se aber up de ISS-Expeditschonen 56 un 57 vörtrucken, um de körtfristig ut de Mannschap nommen Jeanette Jo Epps to ersetten.[2] An'n 6. Juni 2018 is se tosommen mit Alexander Gerst un Kommandant Sergei Prokopjew in dat Ruumschipp Sojus MS-09 to de ISS flagen, wo se mit hör Mitflegers un Andrew Jay Feustel, Oleg Germanowitsch Artemjew un Richard Robert Arnold II de ISS-Expedition 56 billen dee. De Expedition 57 bestunn denn af Dezember 2018 ut hör Mitflegers un Oleg Dmitrijewitsch Kononenko, den Kanadier David Saint-Jacques un Anne Charlotte McClain, de Feustel, Artemjew un Arnold aflöst harr. Se sülvst is mit hör Mitflegers an'n 20. Dezember 2018 weer up de Eer torüchkehrt.

Weblenken[ännern | Bornkood ännern]

Enkeld Nahwiesen[ännern | Bornkood ännern]

  1. NASA: NASA Announces Upcoming International Space Station Crew Assignments. In: NASA Press Release 17-017. 28. März 2017, afropen an’n 29. März 2017 (engelsch).
  2. NASA: NASA Announces Updated Crew Assignments for Space Station Missions. In: NASA Press Release 18-004. 18. Januar 2018, afropen an’n 20. Januar 2018 (engelsch).