Nix (Maand)

Vun Wikipedia

In de Astronomie is Nix de Naam von en Maand von den Dwargplanet Pluto. De Maand is toeerst as S/2005 P2 betekent worrn. Sien endgültigen Naam Nix hett he eerst in’n Juni 2006 kregen.

De Naam is afleidt von Nyx de Göddin von de Nacht in de greekschen Mythologie, de ok de Mudder von Charon is, wie ok een von de Maanden heet. Nu geef dat ober al den Asteroiden (3908) Nyx. Dorüm is denn en beten wat annere Schrievwies bruukt worrn.

Nix wörr opdeckt worrn op en Opnahm, dat von dat Weltruum-Teleskop Hubble in’n Mai 2005 maakt worrn is. De US-amerikaansche Ruumfohrtbehöörd National Aeronautics and Space Administration (NASA) hett an’n 31. Oktober 2006 bekannt geven, dat dorop neben Charon noch twee annere Körpers to sehn wörrn. Bestätigt worrn is dat dör niege Ünnersöken in’n Februar 2006.

Noch is nich veel bekannt över den Maand Nix. He ümlöppt Pluto mit ungefähr 50.000 km Afstand. De Albedo von sien Böverflach – dat heet, woveel Licht he trüggstrahlt – is ober noch nicht klor, so dat de Grött von den Maand ok nich recht bekannt is. De Dörmeter warrt ober op 100 bit 140 km schätzt.