Niedertalbach
| Niedertalbach | ||
|---|---|---|
| Laag | Tirol, Öösterriek | |
| ||
| Stroomsystem | Donau | |
| Läng | 7,2 km | |
| Afströömrebeed | 68,2 km² | |
| Born | bi de Martin-Busch-Hütte (op 2.286 m över de See) | |
| Koordinaten Born: | 46° 48′ N, 10° 54′ O | |
| Münn | in de Venter Ache (op 1.889 m över de See) | |
| Koordinaten Münn: | Koordinaten:46° 51′ N, 10° 55′ O46° 51′ N, 10° 55′ O | |
| Waterkenntall | AT: 2-8-92-10 | |
| linke Blangenströöm | Roter Bach | |
| rechte Blangenströöm | Diembach, Spiegelbach | |
 | ||
De Niedertalbach oder de Niedertaler Ache is en Gletscherbeek in de Ötztaler Alpen in’n Bezirk Imst, Tirol, Öösterriek, de in de Venter Ache münnt.
Dat Afströömrebeed is 68,2 km² groot. De Beek nimmt dat Water von teihn Gletschers op, de tohoop 25,9 km² (Stand 1988) groot sünd. De höögste Punkt in düt Rebeed is de Hintere Schwärze mit 3.624 m över de See. De Süüdgrenz von dat Afströömrebeed is de Alpenhööftkamm (Grenz twüschen Italien un Öösterriek), de de Waterscheed na en Reeg Beken billt, de jemehr Water na’n Schnalser Bach un wieder na de Etsch looswarrt. Op’n Alpenhööftkamm an’n Similaun is ok de Iesliek von’n Ötzi funnen worrn.
Dör dat Daal von’n Niedertalbach föhrt een von de Ruten von de Schaapdrift över’n Ötztaler Alpenhööftkamm.
Verloop
[ännern | Bornkood ännern]De Beek billt sik bi de Martin-Busch-Hütte dör dat Tohoopfleten von Niederjochbach (von Süüdwesten) un Schalfbach (von Oosten). De Niederjochbach is bet dorhen veer Kilometer lang un spiest sik ut’n Niederjochferner. De Schalfbach is dree Kilometer lang un spiest sik ut’n Schalfferner. De Schalfbach nimmt tosätzlich dat Smöltwater von’n Mutmalferner un Marzellferner op.
De Niedertalbach flütt von dor na Noorden dör dat Niedertal un nimmt von links den Roten Bach von’n Rotkarferner op un von rechts den Diembach, de von Diemferner un Firmisanferner kummt, un den Spiegelbach von’n Spiegelferner.
Bi Vent flütt de Niedertalbach denn von rechts mit de Rofenache tohoop un billt de Venter Ache. De Venter Ache geiht later in de Ötztaler Ache över, de över Inn un Donau in de Swarte See flütt.
