Gletscherbeek

Vun Wikipedia
Zur Navigation springen Zur Suche springen
Schlatenbach an’n Schlatenkees

En Gletscherbeek is en Beek, de sik ut en Gletscher spiest.

Dat bedüüdt, dat de Watermengd stark von dat Afsmölten von’n Gletscher un dormit de Johrstied afhängt. In’n Winter fallt de Nedderslag as Snee un blifft liggen. In düsse Tied föhrt en Gletscherbeek kuum Water. In’t Vörjohr fangt denn de Snee an to Smölten un in de Sommermaanden ok de Gletscher sülvs. Dorüm is in’n Juni, Juli un August de Watermengd an’n gröttsten. Wenn dat in’n Harvst wedder köhler warrt, nimmt ok de Watermengd in’n Gletscherbeek gau af. Aver ok in’n Verloop von en enkelten Dag nimmt de Watermengd en utpräägten Verloop, wat besünners för Sünnendaag todrippt. Denn nimmt de Watermengd üm de Middagstied un Namiddagstied stark to, wenn de Sünn op Ies- un Sneefeller schient. Bet düt Water ok in’t Daal ankamen is, kann dat aver en ganzen Stoot duurn. En anner Kennteken von Gletscherbeken is de Gletschermelk. Dör fienen Steengruus, den de Gletscher ut’n Steen mahlt, över den he sik schufft, kann dat Water en graue bet witte Klöör kriegen.

In Iesland is de Begreep för en Gletscherbeek Jökulsá un is Deel von en Reeg Naams von Beken (to’n Bispeel Jökulsá á Fjöllum oder Jökulsá á Brú).

Weblenken[ännern | Bornkood ännern]

Commons-logo.svg Gletscherbeek. Mehr Biller, Videos oder Audiodateien to’t Thema gifft dat bi Wikimedia Commons.