Schnalser Bach

Vun Wikipedia
Schnalser Bach
Laag Süüdtirol, Italien
Schnalser Bach
Laag vun Schnalser Bach in Italien
Stroomsystem Etsch
Läng 28,2 km
Afströömrebeed 220 km²
Born Steinschlagferner (op 3.070 m över de See)
Koordinaten Born: 46° 47′ N, 10° 45′ O
Münn bi Naturns in de Etsch (op 550 m över de See)
Koordinaten Münn:
Koordinaten:46° 39′ N, 10° 59′ O
46° 39′ N, 10° 59′ O
linke Blangenströöm Kurzrasbach, Finailbach, Tisentalbach, Vernagtbach, Pfossenbach, Montferterbach, Perfierbach
rechte Blangenströöm Lagaunbach, Mastaunbach, Penaudbach
Schnalser Bach bi de Köflhöfe bi Kurzras
Schnalser Bach in Unser Frau

De Schnalser Bach (ok woll Schnalserbach schreven; italieensch Rio di Senales) is en 28,2 Kilometer langen Gletscherbeek in de Ötztaler Alpen in Süüdtirol, Italien, de von links in de Etsch münnt. He flütt dör de Gemenen Schnals, Kastelbell-Tschars un Naturns.

De Beek spiest sik ut’n Steinschlagferner. Von dor flütt he na Süüdoosten dör dat Schnalstal un vörbi an’n Oort Kurzras, wo von links de Kurzrasbach in’n Schnalser Bach münnt. Bi’n Marchegg-Hof münnt von rechts de Lagaunbach. De Beek is bi’n Oort Vernagt to’n Vernagt-Stausee opstaut. In’n Stausee münnt von links bi’n Finailhof de Finailbach un bi’n Tisenhof de Tisentalbach. Ünnerhalv von’n Stausee münnt von links de Vernagtbach un de Schnalser Bach flütt dör de Öörd Unser Frau un Karthaus. Bi Unser Frau münnt von rechts de Mastaunbach, bi Karthaus von rechts de Penaudbach un von links de Pfossenbach un bi Katharinaberg von links de Montferterbach. De Perfierbach, de von links münnt, billt de Grenz na de Gemeen Naturns.

Twüschen de Öörd Staben un Naturns münnt de Beek denn in de Etsch, de later sülvs in de Adria flütt. An de Münn föhrt de Strada Statale 38 dello Stelvio (SS38) mit en Brügg över’n Beek. Von de SS38 hoog in dat Schnalstal bet na Kurzras föhrt de Landsstraat 3.

Weblenken[ännern | Bornkood ännern]

Schnalser Bach. Mehr Biller, Videos oder Audiodateien to’t Thema gifft dat bi Wikimedia Commons.