Maurice Garin

Vun Wikipedia
Wesseln na: Navigatschoon, Söök
Maurice Garin 1897
Bild mit Masseur un Söhn

Maurice Garin (* 3. März 1871 in Arvier (Italien); † 19. Februar 1957 in Lens, Frankriek) weer en franzöössch Radrennfohrer.

Leven un Erfolge[ännern | Bornkood ännern]

De in Aostadaal (up dat Rebeet vun dat hüüdig Italien) boren lernt Schösteenfeger nehm in' Dezember 1901 de franzöössch Staatsbörgerschap an. In de Johren 1897 un 1898 hett he den Rad-Klassiker Paris-Roubaix wunnen, 1901 todem Paris-Brest-Paris. 1903 gelung hüm dat, de eerste Utgaav vun de Tour de France to winnen.

„De lütt Schösteenfeger“, as man hüm wegen sien Berop nömmen deem, hett dorbi vau profiteert, dat de führende Hippolyte Aucouturier disqualifizeert wurr, wiel de sück vun en Auto harr trecken laaten.

Ok 1904 wunn he de Tour de France. Dornah keem dat aber to en Schandaal, as man hüm nahwiesen kunn, dat he – as anner Fohrer ok – Afkörten to'n Bispeel över Waldweeg nommen un de Iesenbahn bruukt harr, um flinker an dat Teel to kommen. Ok is bekannt, dat he Reifen bruuken dee, de een Bar mehr Druck uthollen deen un he dormit 2 km/h flinker fohren kunn as de anner Fohrers. Nah en mehrere Maand lang düern Ünnersöken, hett man hüm denn den Sieg aferkennt un stattdessen den jungen Henri Cornet, de up Platz fiev land weer, an' grönen Disch de Sieg tospraken.

Garin harr twee Bröers (Ambroise Garin un César Garin), de gliekfalls Radrennfohrer weern.

Weblenken[ännern | Bornkood ännern]