Henri Cornet
Henri Jardy, nömmt Cornet, (* 4. August 1884 in Desvres; † 18. März 1941 in Prunay-le-Gillon) weer en franzöösch Radrennfohrer.
Bekannt wurr Henri Cornet, as he in dat Öller vun knapp 20 Johren 1904 de Tour de France winnen kunn. He hett aber dissen Sieg eerst an‘ gröönen Tisch reckt, as man de eerst veer vun dat Gesamtklassement Bedroog nahwiesen kunn. Se harrn Afkörten nommen oder de Streck per Bahn torüchleggt. Disqualifizeert wurrn Maurice Garin (de Titelverteidiger), Lucien Pothier, César Garin un Hippolyte Aucouturier.
Cornet is bit hüüd de jüngste Winner vun de Tour de France. Trotz dissen Spood un den Sieg 1906 bi dat Eendagsrennen Paris–Roubaix tell Cornet nich to de Elite vun den dormaligen Radsport. He weer Profi van 1904 bit 1912.
Cornets Platzeeren bi de Tour de France
[ännern | Bornkood ännern]- 1904 – Tour-Sieger
- 1905 – utscheeden
- 1906 – nich deelnommen
- 1907 – utscheeden
- 1908 – 8. Platz
- 1909 – utscheeden
- 1910 – 16. Platz
- 1911 – 12. Platz
- 1912 – 28. Platz
