Bordeaux–Paris

Dat klassisch Radrennen Bordeaux–Paris weer bit to sien letztmalig Utdragen 1988 mit en Streckenlängt vun över 600 km dat tweetlängste Eendagsrennen in’ Radsport. Länger weer blots Paris–Brest–Paris mit mehr as 1200 km.

Dat direkt vun Bordeaux bit Paris utdragen un as dat Derby bekannt Rennen wurr 1891 eerstmals utdragen un weer dormit dat öldste regelmatig utdragen Radrennen överhoopt. All de eerste Winner, de Brite George Pilkington Mills, is de gesamte Streck ahn längere Pausen fohren un hett dorför knapp 24 Stünn bruukt.

In’ Gegensatz to all modern Klassikern as Paris–Roubaix oder Mailand–Sanremo funn dat Rennen dorbi bit toletzt mit Schrittmakern statt, de tomindst in Deelen vun de Streck direkt för de Radrennfohrer fohren deen. In den Windschadden vun disse af de 1930er Johren mit en Derny motoriseert Schrittmaker keemen de Rennfohrer up höhgere Geschwindigkeiten, de strategisch Bedüüden vun en Hööftfeld un vun dann dor praktizeert Windschaddenfohren weer minneseert.

Siet den 1960er Johren gung dat mit de Popularität vun dat Rennen immer mehr daal. De för den modernen Radsport völlig nich begäng Streckenlängt un de dorför bruukt entsprekend speziell Vörbereiten führ dorto, dat immer mehr Fohrer up den Klassiker verzichten deen. För Profis wurr dat Rennen 1988 to’n letzten Mal utdragen. Sietdem wurr Bordeaux–Paris blots noch för Hobby-Radsportler wieder maakt.

Rekordholler bi dat Derby mit söben Siege tüschen 1970 un 1981 is de Belgier Herman Van Springel.

Siegerlist

1988 Jean-François Rault 1987 Bernard Vallet 1986 Gilbert Glaus 1985 René Martens 1984 Hubert Linard 1983 Gilbert Duclos-Lassalle 1982 Marcel Tinazzi 1981 Herman Van Springel 1980 Herman Van Springel 1979 André Chalmel 1978 Herman Van Springel 1977 Herman Van Springel 1976 Walter Godefroot 1975 Herman Van Springel 1974 Herman Van Springel 1973 Enzo Mattioda 1971–1972 nich utdragen 1970 Herman Van Springel 1969 Walter Godefroot 1968 Émile Bodart 1967 Georges Van Coningsloo 1966 Jan Janssen 1965 Jacques Anquetil 1964 Michel Nedelec 1963 Tom Simpson 1962 Jo de Roo 1961 Wim van Est 1960 Marcel Janssens 1959 Louison Bobet 1958 Jean-Marie Cieleska

1957 Bernard Gauthier 1956 Bernard Gauthier 1955 nich utdragen 1954 Bernard Gauthier 1953 Ferdy Kübler 1952 Wim van Est 1951 Bernard Gauthier 1950 Wim van Est 1949 Jesus Moujica 1948 Ange Le Strat 1947 Joseph Somers 1946 Émile Masson jr. 1940–1945 nich utdragen 1939 Marcel Laurent 1938 Marcel Laurent 1937 Joseph Somers 1936 Paul Chocque 1935 Edgard De Caluwe 1934 Jean Noret 1933 Fernand Mithouard 1932 Romain Gijssels 1931 Bernard Van Rysselberghe 1930 Georges Ronsse 1929 Georges Ronsse 1928 Hector Martin 1927 Georges Ronsse 1926 Adelin Benoit 1925 Heiri Suter 1924 Francis Pélissier 1923 Émile Masson sen.

1922 Francis Pélissier 1921 Eugène Christophe 1920 Eugène Christophe 1919 Henri Pélissier 1915–1918 nich utdragen 1914 Paul Deman 1913 Louis Mottiat 1912 Émile Georget 1911 François Faber 1910 Émile Georget 1909 Cyrille Van Hauwaert 1908 Louis Trousselier 1907 Cyrille Van Hauwaert 1906 Marcel Cadolle 1905 Hippolyte Aucouturier 1904 Fernand Augereau 1903 Hippolyte Aucouturier 1902 Maurice Garin 1902 Édouard Wattelier 1901 Lucien Lesna 1900 Josef Fischer 1899 Constant Huret 1898 Gaston Rivierre 1897 Gaston Rivierre 1896 Arthur Linton / Gaston Rivierre 1895 Charles Meyer 1894 Lucien Lesna 1893 Louis Cottereau 1892 Auguste Stéphane 1891 George Pilkington Mills

Weblenken

• Bordeaux–Paris in de Datenbank vun Radsportseiten.net