Cyrille Van Hauwaert

Vun Wikipedia
Cyrille Van Hauwaert 1908

Cyrille Van Hauwaert (* 16. September 1883 in Moorslede ; † 15. Februar 1974 in Zellik (hüüd to Asse)) weer en belgischer Radrennfohrer.

Cyrille Van Hauwaert, nömmt „Leeuw van Vlaanderen“ („Lööw vun Flannern“), hörr to de fröher Winner vun Straaten-Klassikern un weer dat eerste belgisch Radsport-Idol. 1907 un 1909 wunn he Bordeaux–Paris, 1908 Paris-Roubaix as ok Mailand–Sanremo, jeweils as eerst Belgier. 1909 wunn he de eerste Deelstreck vun de Tour de France, droog för een Dag – ebenfalls as eerst Belgier – dat „Geel Trikot“ un keem in de Gesamtwertung up Platz 5; in dat sülvige Johr wurr he ok noch belgisch Straatenmeester. 1910 wurde er Vierter in der Gesamtwertung der Tour de France. He is ok bi söss Sössdaagrennen antreeden; tweemal, 1914 (mit John Stol) un 1915 (mit Jozef Van Bever), hett he dat Sössdaagrennen vun Brüssel wunnen.

Van Hauwaerts Renn-Erfolge hebbt för en Radsport-Boom in Belgien sörgt. 1911 hett Cyrille Van Hauwaert sien Autobiografie Mijne Loopbaan rutbrocht, de in dat sülvige Johr ünner den Titel Ma carrière ok up Franzöösch rutkeem. Wiels den Eersten Weltkriegs hett he sien aktiv Loopbahn afslooten. Nah den Krieg hett he de Fohrradfabrik „Cycles Van Hauwaert“ in Ronse grünnd un harr Funktschonen in' belgischen Radsportverband inne.[1] Tüschen 1922 un 1961 ünnerhull Van Hauwaert sien Firma, mit Ünnerbreeken, en eegen Team.[2]

In sien Heimatstadt Moorslede is en Straat nah Cyrille Van Hauwaert nömmt wurrn. 1983, to'n Anlaat vun sien 100. Gebortsdag, wurr dor ok en Denkmal för hüm tegenöver vun de städtisch Sporthall enthüllt. 1999 keem dat Book Cyrille Van Hauwaert. Pionier van de Belgische wielersport, herutgeven vun dat „Nationaal Wielermuseum“ in Roeselare herut.[3]

Enkeld Nahwiesen[ännern | Bornkood ännern]

  1. Roger de Maertelaere: De Mannen van de Nacht. 100 jaar zesdaagsen. De Eecloonaar, Eeklo 2000, ISBN 90-74128-67-X, S. 255
  2. Radsportseiten.net
  3. Wielersportboeken.be

Weblenken[ännern | Bornkood ännern]