Henri Pélissier

Vun Wikipedia
Zur Navigation springen Zur Suche springen
Henri Pelissier, 1919

Henri Pélissier (* 22. Januar 1889 in Paris; † 1. Mai 1935 in Dampierre-en-Yvelines) weer en franzöösch Radrennfohrer. Sien gröttste Erfolg weer de Sieg bi de Tour de France 1923 vör Ottavio Bottecchia un Romain Bellenger. Ok de Bargwertung hett he in dat Johr wunnen.

Leven[ännern | Bornkood ännern]

Henri Pélissier weer en Radrennfohrer, de so goot as nie upgeven dee oder sück afhangen leet. He hörr all vör den Eersten Weltkrieg to de herutragend Persönlichkeiten vun de „heroischen Epoche vun den Radsport“. Bi de Tour de France 1924 hett Pélissier för en Schandaal sörgt, as he dat Rennen gemeensam mit sien Bröer Francis Pélissier (1894–1959) all up de darte Deelstreck beennen dee. Pélissier hett sück dormals düchtig doröver upreegt, dat hüm en Rennkommissar ahn vörher to fragen ünner sien Renntrikot greepen harr, um nahtokieken, off he en tweet Trikot dragen dee. Dat dormalige Reglement hett dat Dragen vun Trikots verboden, ebenso ok dat Wegsmieten vun en Trikot. Een Dag tovör harr Pélissier wiels dat Rennen en dorvan wegsmeeten, worup he twee Straafminüüt anreekend kreeg.

In dissen Tosommenhang hemm Henri un Francis Pélissier den Journalisten Albert Londres bericht, wu se de Tour beleevt hemm. Se hem beschreeven, wu strapaziös disse Wettkamp för hör weer un dat se blots mit Kokain för de Oogen“, „Chloroform för dat Teenfleesch“ un mit „Pillen“ dörstahn würrn.[1][2]

1935 is Henri Pélissier storven, as hüm sien Levensgefährtin Camille bi en Eifersuchtsszene mit en Schööt in dat Hart doodschaaten hett – mit den glieken Revolver, mit den sück Fru dree Johr tovör umbrocht harr.

De jüngere Bröers vun Henri weern de Radrennfohrer Charles un Francis Pélissier; en wiedere Bröer, Jean, is in’n Eersten Weltkrieg fullen. De Öllern harr en Mulkeree in dat 15. Arrondissement vun Paris, nöömt „Vacherie de l'Espérance“.[3] De dre Bröers gullen as schillernde Figuren, de in Frankriek düchtig populär weern. 1928 hett he sien Loopbahn afslooten.

Pélissier bei wichtigen Rennen (Palmarès)[ännern | Bornkood ännern]

Henri Pélissier harr aber ok buterhalv vun de Tour de France noch eenige Erfolge to verteeken.

Pélissier bi de Tour[ännern | Bornkood ännern]

  • 1912: utscheeden
  • 1913: utscheeden (1 Deelstreckensieg)
  • 1914: 2. Platz (3 Deelstreckensiege)
  • 1919: utscheeden (1 Deelstreckensieg)
  • 1920: utscheeden (2 Deelstreckensiege)
  • 1921: nich deelnommen
  • 1922: nich deelnommen
  • 1923: Tour-Sieger (3 Deelstreckensiege)
  • 1924: utscheeden
  • 1925: utscheeden

Borns[ännern | Bornkood ännern]

  1. ALBERT LONDRES – Les Forçats de la route : l'abandon des frères Pélissier (Memento von’n 10. Februar 2009 in dat Internet Archive)
  2. Die Strafgefangenen der Landstraße Tour de France-Reportagen vun Albert Londres Vun Ralf Meutgens up dradio.de
  3. Rollende Revoluzzer – „Die Brüder Pélissier“ 1913-1935

Weblinks[ännern | Bornkood ännern]

Commons-logo.svg Henri Pélissier. Mehr Biller, Videos oder Audiodateien to’t Thema gifft dat bi Wikimedia Commons.