Martina Hingis

Vun Wikipedia
Martina Hingis 2014

Martina Hingis (* 30. September 1980 as Martina Hingisová in Košice, Tschechoslowakei) is en Swiezer Tennisspelerin. Se weer 209 Week lang Weltranglisteneerste un hett bitlang fiev Grand-Slam-Turniere in‘ Eenzel, twalf in‘ Düppel un söss in‘ Mixed wunnen. Hingis is neben Serena Williams de eenzige Tennisspelerin, de de fiev bedüüdensten Utteknungen vun de WTA winnen kunn.[1]

Karrierebilanz[ännern | Bornkood ännern]

Martina Hingis hett 38 Titel bi WTA-Turnieren in‘ Eenzel un bitlang 42 in‘ Düppel wunnen. Todem wunn se fiev Grand-Slam-Titel in‘ Eenzel – dreemal de Australian Open un je eenmal Wimbledon un de US Open – as ok twalf Grand-Slam-Titel in‘ Düppel un söss in‘ Mixed. 1998 hett se dat schafft, mit verscheeden Partnerinnen sämtliche Grand-Slam-Turniere in dat sülvig Johr to winnen. Tüschen 1997 un 2001 stunn se 209 Week lang an de Tipp vun de Weltrangliste. Se is de jüngste Spelerin, de jemals dat Eenzelranking anführt hett. Mit 16 Johr un dree Maand weer se ok de jüngste Siegerin in dat 20. Johrhunnert bi en Grand-Slam-Turnier in‘ Eenzel. Nah hör Rückträe in dat Öller vun blots 22 Johren hett se sück 2006 för en Comeback entscheed, dat hör nochmals bit up Platz 6 vun de Weltrangliste führen dee. An‘ 1. November 2007 geev se hör tweeten Afscheed vun den Profisport, um 2013 weer up de WTA Tour to gahn, ditmal aber blots noch för de Düppelkonkurrenz.[2]

Hingis is een vun söben Spelerinnen, de de Weltrangliste sowohl in‘ Eenzel as ok in‘ Düppel anführt hemm. Blots se, hör instig Idol Martina Navratilova un Arantxa Sánchez Vicario hemm dat sogor tietgliek schafft.[3]

Biografie[ännern | Bornkood ännern]

Kindheit un Anfänge (1980–1993)[ännern | Bornkood ännern]

Martina Hingis wurr an‘ 30. September 1980 in Košice in‘ slowaakschen Deel vun de dormalige Tschechoslowakei, hüüd Slowakei, boren. Hör Öllern sünd de Tennisspeler Karol Hingis, de de ungaarsch Minnerheit in de Slowakei anhörrt, un de ut Mähren stammen Tennisspelerin Melanie Molitor. De Vörnaam hett Hingis nah de Tennisspelerin Martina Navrátilová kreegen, de ebenfalls in de Tschechoslowakei boren un vun hör Moder verehrt wurr.

Nahdem sück de Öllern harrn scheeden laaten, is de Moder mit Hingis 1988 in de Swiez nah Trübbach in‘ Kanton St. Gallen trucken. Hingis sall all as Tweejohrige mit dat Tennistraining anfungen hemm. Mit veer Johren hett se hör eerst Turnier bestreeden. 1990 speel se in dat Öller vun teihn Johren all in de 2. Mannschap vun den Winterthurer Tennisklub TC Schützenwiese in de Natschonalliga B an de Interclubmeesterschapen mit. Twee Johr later wurr se mit de 1. Mannschap Swiezer Meester.

Hingis wunn nah mehreren Siegen bi Juniorenwettstrieden 1993 in Langenthal (Swiez) as Twalfjohrige dat eerste ITF-Turnier. In dat sülvig Johr wunn se dat Juniorinnenturnier bi de French Open. Mit twalf Johren weer se de bit hüüd (2017) de jüngste Spelerin, de as Juniorin en Grand-Slam-Titel wunnen hett. 1994 kunn se dissen Titel verteidigen; todem wunn se ok de Juniorinnen-Titel in Wimbledon un wurr in disse Öllersklass as Nummer 1 führt.

Hingis 2016 bi de French Open

Up de Profitour (1994–1995)[ännern | Bornkood ännern]

1994 geev Hingis as 13-Johrige un Nummer 387 vun de WTA-Weltrangliste in Zürich hör Debüt up de Profitour. Dor hett se in de eerst Runn Patty Fendick slahn, verlor aber in Runn 2 gegen Mary Pierce. In Essen un in Filderstadt reck se jewiels dat Veertelfinale, to dat Johresenn‘ wurr se all up Rang 87 führt.

Upfällig neben hör minn Öller weer hör taktisch kloog Speel. Entgegen den Trend to immer grötter Slaghärte, dat so nömmt «Powerplay», hett sück Hingis hör Speel ehrder dör good Antizipatschonsvermögen, nipp un nau Platzeeren vun de Slääg, völ Ballgeföhl un good Nettspeel uttekent, mit dat se völ Gegnerinnen utkontern kunn. Dat hett Hingis to’n natürlichen Gegenpol vun de uptrecken Generatschoon Williams maakt, de Tennis in en Disziplin för Scharpschütten to wanneln anfung, as s dat en Kommentator vun de Süddeutsche Zeitung utdrücken dee.

1995 wurr de 14-Johrige mit hör Eerstrunnensieg bi de Australian Open to de jüngste Spelerin, de jemals en Match bi en Grand-Slam-Turnier in‘ Eenzel wunn. In Hamborg, wo Hingis mit Jana Novotná un Anke Huber ok eerstmals Top-Ten-Spelerinnen besiegen dee, reck se hör eerst WTA-Finale. Bi de US Open reck se eerstmals dat Achtelfinale vun en Grand-Slam-Turnier. An dat Johresenn‘ belegg se all Platz 16 in de Tennis-Weltrangliste.

Vör hör Dörbröök: jüngste Siegerin in Wimbledon (1996)[ännern | Bornkood ännern]

1996 reck de nu 15-Johrige bei de Australian Open eerstmals dat Veertelfinale vun en Grand-Slam-Turniers, in dat se allerdings gegen Amanda Coetzer in dree Sätzen verlor. En wiederen Erfolg reck se mit de Veertelfinaldeelnahme bi de Apen Italieensch Meesterschapen in Rom; bi dat dart Upnannerdrapen mit de Weltranglisteneerste Steffi Graf kunn se gegen de Düütsche eerstmals mit 2:6, 6:2 un 6:3 besiegen.

Hööchtpunkt vun dat Johr weern de Wimbledon Championships, bi de se an de Siet vun Helena Suková de Düppelkonkurrenz wunn. Mit 15 Johren un negen Maand wurr se de jüngste Winnerin vun en Wimbledon-Titel in dat 20. Johrhunnert. Blots de Engländerin Charlotte Dod weer bi hör Eenzelsieg in de 1880er Johren noch en beten jünger. Steffi Graf weer denn för hör aber ok dat Ut in Wimbledon as ok bi de US Open (in dat Achtel- bzw. in dat Halffinale). Tüschen disse Turniere nehm Hingis ok an de Olympisch Spelen in Atlanta deel; in dat Düppel keem se dor mit Patty Schnyder bit in dat Veertelfinale.[4] An‘ 7. Oktober stunn se eerstmal ünner de Top Ten vun de Tennis-Weltrangliste.

In Filderstadt fier se nah Siegen över Arantxa Sánchez Vicario, de Nummer 2 vun de Weltrangliste, Lindsay Davenport (Nr. 6) un Anke Huber (Nr. 5) hör eersten Turniersieg in‘ Eenzel. In dat Finale vun Oakland kunn se Monica Seles glatt mit 6:2 un 6:0 slahn. Bi de WTA Tour Championships an dat Johresenn‘ verlor de mittlerwiel 16-Johrige weer de Weltranglisteneersten Graf. Hingis weer to dissen Tietpunkt all de Nummer 4 vun de Welt.

Glieks dree Grand-Slam-Titel un Weltranglisteneerste (1997)[ännern | Bornkood ännern]

Hingis 2006 bi de Zurich Open

Dat Johr fung völverspreekend an un sull för Hingis to dat beste up de Tour wunnen; se wunn de Australian Open, Wimbledon un de US Open un stunn in dat Endspeel vun Roland Garros; todem schaff se wiedere negen Turniersiege. Dat ergeev en Siegquote vun 93,8 %. In Afwesenheit vun Steffi Graf, de 1997 wegen Besehren blots 19 Partien spelen dee, wurr Hingis nu ok de jüngste Weltranglisteneerste vun all Tieden.

Dat Tennisjohr fung an mit en Uptaktsieg bi dat Turnier in Sydney, ehe Hingis ok eerstmals dat Finale vun en Grand-Slam-Turnier recken dee. In dat Endspeel vun de Australian Open hett se Mary Pierce klar mit 6:2 un 6:2 dwungen. Sydney un Melbourne weer de Uptakt vun en lang Erfolgsreeg. Mit 37 upnannerfolgen Siegen to Johresbeginn stell Hingis den Rekord vun Martina Navrátilová in – de tweetbest Saisonstart vun all Tieden nah Steffi Graf hör 45 Siegen 1987. An‘ 31. März 1997 wurr se de jüngste Nummer 1 vun de Weltrangliste.

In dat Endspeel vun Roland Garros, dat eenzige Grand-Slam-Turnier, dat Hingis 1997 nich winnen kunn, verlor se unverwacht gegen de Butensiederin Iva Majoli. Tovör harr se mit Arantxa Sánchez un Monica Seles twee fröhere French-Open-Champions dwungen.

Wenige Week later hett Hingis in Wimbledon en wiederen Punkt sett. Mit hör Sieg up den hilligen Rasen gegen de Serve-und-Volley-Spezialistin Jana Novotná (2:6, 6:2 un 6:3) wurr se dor de jüngste Siegerin in dat Dameneenzel in dat 20. Johrhunnert. Blots de Engländerin Charlotte Dod weer 1884, in de Oortiet vun den Tennissport, de Turniersieg eenige Maand fröher gelungen.

Hingis hör Erfolgsreeg hull ok bi de US Open an. Nah glatt Tweesatzsiegen över Arantxa Sánchez un Lindsay Davenport stunn se eerstmals ok in dat Endspeel vun de Apen Amerkaansch Meesterschapen. Se wunn gegen de 17-johrig Venus Williams düütlich mit 6:0 un 6:2; se weern vördem all tweemal upnanner drapen, beid Mal mit dat betere Enn‘ för Hingis. Aber dat sull de upstreven Venus Williams ween, de mit hör Power-Speel all bald de Vörrangstellung vun de Swiezerin herutfordern dee.

Hingis domineer 1997 die Tour un reageer wat insnappt up den up den Inwand, dat se vun de Afwesenheit vun Steffi Graf profiteeren dee. Mehrmals hett se sück wenig respektvull över deren Speelvermögen ütert. De beid sünd tüschen 1995 un 1997 in söben Partien upnanner, fiev Mal wunn dorbi Graf. Dat mit Spannung verwacht Tosommendrapen (vermeentlich dat eenzige in dat Johr) in dat Finale vun Tokio keem wegen en Besehren bi Graf nich tostannen.

Australian-Open-Sieg un veer Grand-Slam-Titel in‘ Düppel (1998)[ännern | Bornkood ännern]

Dat Johr fung ähnlich spoodriek an as dat Vörjohr. Hingis wunn weer de Australian Open. In dat Endspeel kunn se gegen Conchita Martínez mit 6:3 un 6:3 winnen. Denn aber bleev de Spood wat ut; up Halffinalnedderlagen in Wimbledon un Paris gegen Monica Seles un Jana Novotná folg de Intoog in dat Endspeel vun de US Open, in dat Hingis gegen Davenport dat Nahsehn harr. Insluutend de WTA Tour Championships to dat Johresenn wunn se blots fiev Turniere. Hingis wies immer mehr swaak Spen gegen den jung, upstreeven Generatschoon vun «Power»-Spelerinnen as de Süsters Venus un Serena Williams. Ok Jennifer Capriati kehr up de Tour zurück. Un Lindsay Davenport, all immer en druckvull ageeren Spelerin, präsenteer sück nun ok körperlich un mental in immer beter Verfaaten.

Dat weer Davenport, de nah hör Sieg in Flushing Meadows över de Swiezerin in‘ Oktober 1998 Hingis hör 80 Week andüern Vörherrschap tonächst to Enn‘ broch. Hingis sloot dat Johr up Rang 2 vun den Weltrangliste af. Se hull sück mit den Gewinn vun all Grand-Slam-Titel in‘ Düppel schadlos. Se weer nah Martina Navrátilová un Arantxa Sánchez Vicario todem de dart Spelerin, de beid Weltranglisten to glieker Tiet anführen dee.

Sieg in Australien un dramatisch Endspeel in Paris (1999)[ännern | Bornkood ännern]

Dat Johr 1999 fung as de vörhergahn Johren an. Hingis wunn hör darten Australien-Open-Titel in Reeg, Dat harrn toletzt Steffi Graf un Monica Seles schafft. An de Siet vun Anna Kurnikowa wunn se ok dat Düppel. De Russin un de «Swiss Miss», as Hingis hen un weer ok nömmt wurr, billen en Team, dat nich blots sportlich Schlagzeilen maaken dee. Man hett de beid bald as de «Spice Girls vun den Tennis» betekent. Hör vörmalige Partnerin Jana Novotná, to den Tietpunkt 30 Jahre old, mit de se mehrere Grand-Slam-Titel wunnen harr, harr se as «to old un to langsam» betekent.[5]

Trotz eenig Erfolge un hör indrucksvull Speel hett Hingis in dit Johr aber ok mit wenig respektvull Bemarken över eenige vun hör Gegners vun sück reden maakt. Se wies sück as tonehmend dünnhuutig tegenöver de Konkurrentinnen, gegen deren kraftvull Speel se immer weniger tegenan keem un verleesen dee. Hingis truck de Kritik vun de Medien un vun Deelen vun de Apenlichkeit up sück, de hör Respektlosigkeit vörsmieten deen. Up de athletische un sück apen to hör Homosexualität bekennen Australian-Open-Finalgegnerin Amélie Mauresmo afteelend, hett Hingis seggt, dat de «en halv Mann» weer. Ok Doping-Vorwürfe wurrn street. Dat Finalmatch in Melbourne weer vun negativ Spannung kenntekent, an‘ Enn‘ vun dat Match hemm sück de beid Spelerinnen blots de Hand geven, mehr nich. Wenig charmante hett se sück later in dat Johr ok över de muskulösen Williams-Süsters, Davenport un Graf ütert.

Dat schaff en besünners uphitt Atmosphäre un hett togliek dat spannungsvull Verwachten up dat eerst Upnannerdrapen vun de weer gesund wurrn Düütsche un hör Nahfolgerin up den Tennis-Thron erhöht. De vun völ erhaapt Konstellatschoon is denn bi de French Open intreeden. Hingis un Graf hemm dorbi dat Finale vun Roland Garros bestreeden. En Interview vun de Swiezerin an‘ Vördag hett noch en beten Ööl in’t Füer gaaten. Hingis geev to Protokoll, de de Dag mörgen wiesen dee, dat Graf hör Tiet vörbi un de Generatschonenwessel endgültig vulltrucken weer.

Hingis, de düütlich starker anfung as Steffi Graf, de unseker wirken dee, wunn den eersten Satz mit 6:4. Fröh in‘ tweeten Satz keem Hingis nah en umstreeden Entscheeden to hör Ungunsten ut hör Konzept un broch todem dat Publikum gegen sück up. Graf ageer unbeindruckt, kunn later utglieken, bevör se bi den Stand vun 4:4 weer en Break hennehmen muss. Hingis weer denn bi eegen Upslag blots noch dree Punkte vun den Sieg weg, aber Graf wunn de Satz nah nich wehnt völ Fehler vun hör Kontrahentin mit 7:5. Nu bestimm Graf tonehmend de Partie. Bi den Stand vun 5:2 hett Hingis versöcht, Graf mit Upslääg vun ünner dörnanner to bringen. Graf hett denn aber ehr tweeten Matchball to’n 4:6, 7:5 un 6:2 dörbrocht.[6] Dat weer dat letzte Tosommendrapen vun de beid, deren Bilanz bi söben Siegen un twee Nedderlagen för de Düütsche steiht.

Nich wenige hemm dat gegen Graf verloren Endspeel in Paris rückblickend as den Slöötel för de wiedere Entwicklung vun Hingis sehn. In de folgen Jahren bleev se nich blots up de root Asch in Paris sieglos. Hingis kunn ok bi de anner Major-Turnieren in‘ Eenzel nich mehr winnen. Hör Sieg bi de Australian Open 1999 sull hör letzte Eenzelerfolg bi Grand-Slam-Turnieren blieven. Bi de US Open verlor se gegen Serena Williams un in dat Endspeel vun de WTA Tour Championships verlor se denn ok gegen Lindsay Davenport in twee Sätzen.

Trotz de Nedderlagen in den wichtigsten Endspelen hett Hingis dat Johr mit söben Turniersiegen as Nummer 1 vun de Welt afslooten.

Besehrensprobleme, Power-Spelerinnen un Rückträe (2000–2003)[ännern | Bornkood ännern]

In de folgen Johren hett sück de Trend vun 1999 fortsett. Neben tonehmen Besehrensprobleme weer de Johren 2000 bit 2003 för Hingis präägt dör de immer starker wurrn Konkurrenz dör de so nömmt Power-Spelerinnen.

In‘ Januar 2000 gung Hingis hör Erfolgsreeg bi de Australian Open to Enn‘ hör insgesamt spoodriekst Grand-Slam-Turnier; se verlor gegen Lindsay Davenport. Togliek weer dat dat eenzige Grand-Slam-Finale, dat Hingis in‘ Verloop vun dat Johr recken dee. De Umbröök in‘ Damentennis gung wieder: En Halffinalnedderlaag in Paris gegen Mary Pierce folgten in dat Veertelfinale vun Wimbledon un in dat Halffinale vun de US Open jewiels Dreesatznedderlagen gegen Venus Williams. Trotzdem bleev Hingis mit negen Turniersiegen de Nummer 1 in‘ Damentennis.

2001 wunn se den Hopman Cup 2001 mit Roger Federer un reck bi de Australian Open to’n fievten Mal in Reeg dat Finale. Ditmal verlor se aber gegen Jennifer Capriati (4:6, 3:6). Disse Misserfolg harr ok Utwirkungen up dat Verhältnis to hör Moder, de vun Hingis as Trainerin körterhand utmustert wurr.

Ok bi de French Open reck Hingis «blots» dat Halffinale. As all in Melbourne weer se Jennifer Capriati ünnerleegen. Ganz mies leep dat för hör eenig Week later in Wimbledon. Hingis scheiter unverwacht in de eerst Runn. Bi de US Open is de Weltranglisteneerste in dat Halffinale gegen Serena Williams klor in twee Sätzen utscheeden.

Dorto keemen Besehrensprobleme; in‘ Oktober 2001 wuu Hingis an hör rechte Foot opereert. Bit to dat Johresenn‘ full se up Rang 4 torüch.

2002 reck Hingis to’n sössten Mal dat Finale vun de Australian Open; se weer dor in en dramatisch Begegnung wedderum Capriati ünnerleegen. Hingis wies Nerven, denn se hett dorbi en 6:4- as ok en 4:0-Führung verspeelt un verlor an‘ Enn‘ mit 6:4, 6:7 un 2:6.

Wenige Maand later, in‘ Mai 2002, harr se weer mit Besehren to kämpen. Ditmal muss se sück an de linke Foot opereeren laaten. Man wuss nich, of se weer up de Courts torüch keem. Eenig Lüüd hemm meent, dat hör physisch Tostand nich good noog weer, annern hemm meent, dat Hingis eegentlich fit, aber bang weer torüchtokommen, wiel se gegen de Williams-Süsters, Davenport un Capriati nich ankeem.

Hör Rückkehr gung nah en Nedderlaag gegen Jelena Dementjewa all bi dat Turnier in Filderstadt in‘ Harvst 2002 to Enn‘. Up en Pressekonferenz hett Hingis hör vörlöpigen Rückträe bekannt geven. Se hett dorup henwiest, dat se an chronisch Footproblemen lieden dee un in‘ Momang kien professionell Tennis spelen kunn.

In‘ Februar 2003, mit 22 Johren, geev se hör Rückträe bekannt. Se harr to dissen Tietpunkt 40 Turniere in‘ Eenzel as ok 36 Titel in‘ Düppel wunnen un weer för insgesamt 209 Week de Nummer 1 vun de Tenniswelt ween - de veertlängste Weltranglistenführung in de Geschichte vun dat Damentennis.

Up den Weg to dat Comeback (2005)[ännern | Bornkood ännern]

In‘ Februar 2005 hett Hingis bi dat WTA-Turnier in Pattaya en Comebackversöök ünnernommen. Se hett dorbi seggt, dat hör dat nich um Weltranglistenpunkte oder de Siegprämie gung. Se harr den Wunsch vun en Früendin nahgeven, de sück för en thailändsch Hülpswark för verarmte un obdaaklos Fruen un Kinner insetten dee. Hingis hett denn aber all hör eerst Partie mit 6:1, 2:6, 2:6 gegen de Düütsch Marlene Weingärtner verloren.

Midden 2005 kehr Hingis weer up den Court torüch. Se för de amerikaansch World-Team-Tennis-Liga toseggt, en Mannschapswettbewarf, an de vör allen ehmalige Profispeler deelnehmen. Se reck dor en 18:1-Bilanz, mit de se hör Team to’n Gewinn vun de Liga führen dee. Ünner annern hett se dorbi Martina Navrátilová slahn.

Eerst Comeback un tweet Karriere (2006–2007)[ännern | Bornkood ännern]

Hingis bi de Zurich Open

Dat Comeback fung an‘ 1. Januar 2006 bi dat Turnier in Brisbane an de Gold Coast an un gung to Enn‘ mit en Pressekonferenz an‘ 1. November 2007, in de Hingis weer hör Rückträe verkloren dee. Faktisch kunn se nich an hör fröhere Erfolge anknütten.

Dorbi leep dat för Hingis tonächst good an. Bi dat Turnier in Gold Coast reck se in‘ Januar 2006 sowohl in dat Eenzel as ok in‘ Düppel dat Halffinale. Bi de Australian Open truck se bi hör eerst Grand-Slam-Upträe nah mehr as twee Johren in‘ Eenzel in dat Veertelfinale in, in dat se gegen de ehmalge Weltranglisteneerste Kim Clijsters verlor. Tosommen mit Mahesh Bhupathi wunn se aber den Mixed-Wettbewarf. Dat weer hör insgesamt 15. Grand-Slam-Titel.

Ok de folgen Turniere verleepen spoodriek: In Tokio reck se eerstmals siet veer Johren weer dat Endspeel vun en WTA-Turnier. Se hett dorbi ünner annern de topsett Nummer 4 vun de Welt, Marija Scharapowa slahn, verlor aber in dat Finale düütlich Jelena Dementjewa mit 2:6 un 0:6. Enn‘ Januar rück Hingis weer ünner de Top 50 vun de Tenniswelt vör. In Indian Wells gelung hör ok mal weer en Sieg gegen Lindsay Davenport. Anfang April 2006 stunn Hingis all weer up Platz 25 vun de Weltrangliste.

An‘ 4. Mai verlor se in dat Achtelfinale in Warschau gegen Venus Williams. Blots een Week later reck se bi dat Turnier in Berlin dat Veertelfinale, dat se gegen de Weltranglisteneerste Amélie Mauresmo in dree hart umkämpt Sätzen verlor. In Rom fier Hingis denn hör eersten Turniersieg nah dat Comeback. Up den Weg in dat Endspeel kunn se dorbi in dat Halffinale Venus Williams (0:6, 6:3, 6:3) un in dat Finale Dinara Safina mit 6:2 un 7:5 slahn. Se seker sück dormit hör eersten Titel nah Tokio 2002 un reck dormit Platz 14 vun de Weltrangliste. Bi de French Open reck se 2006 dat Veertelfinale, wat se gegen Clijsters mit 6:7 un 1:6 afgeven muss.

Dornah hemm aber Lucht un Schadden bi hör wesselt: In Wimbledon weer Hingis all in de dart Runn unverwacht gegen Ai Sugiyama utscheeden. Wenig later gelungen hör ok weer Siege gegen Top-Spelerinnen: In‘ August reck se bi dat Turnier in Montreal mit Siegen över Daniela Hantuchová un Swetlana Kusnezowa dat Finale, wo se aber gegen Ana Ivanović mit 1:6 un 3:6 verlor. De Finalintoog broch Hingis de Rückkehr in de Top Ten. An‘ 22. August wurr se eerstmals weer as Negente in dat Ranking führt. Weniger spoodriek verleepen de ansluuten US Open. De an Nummer 8 sett Hingis floog all in de dart Runn gegen nicht sett Virginie Razzano rut.

An‘ 24. September wunn Hingis hengegen de Hansol Korea Open Tennis Championships in Seoul. Bi de Zurich Open reck se dat Veertelfinale, scheiter aber weer an Swetlana Kusnezowa. Schadden folgten bi dat Masters in Madrid; as Söbente vun dat Ranking qualifizeert gelung Hingis in de dree Vörrunnenspelen blots een Sieg. Den Sieg gegen Petrowa folgten jeweils Dreesatznedderlagen gegen de beid Top-Spelerinnen Mauresmo un Justine Henin. Hingis verpass somit den Intoog in dat Halffinale.

In‘ November 2006 hett se sück mit den tschechischen Tennisprofi Radek Štěpánek verloovt, de beid hemm in‘ August 2007 aber hör Trennung bekanntgeven.

In‘ Januar 2007 reck Hingis weer dat Veertelfinale vun de Australian Open, is aber, as in dat Vörjohr an de Weltranglistentweet Kim Clijsters scheitert.

En nee Rekord gelung hör bi dat nahfolgend Turnier in Tokio; se wunn ahn Satzverlust un to’n insgesamt fievten Mal in de japaansch Hööftstadt. In dat Endspeel wunn se in twee Sätzen gegen Ana Ivanović. Hör dart Turniersieg siet hör Comeback broch hör de Rückkehr up Platz söss vun de Weltrangliste.

Nedderlagen un Besehren folgten. In Dubai verlor se dat Veertelfinalspeel gegen Jelena Janković. In Doha un Indian Wells keem se jewiels nich gegen Daniela Hantuchová an. Anhollen Hüft- un Rüchprobleme hemm nich blots dorto führt, dat se nich in Charleston un Rom antreeden kunn, sonnern se muss ok noch up de French Open verzichten. Up en Pressekonferenz geev se denn bekannt, dat se eerst weer up den Tennisplatz torüchkehren würr, wenn de Besehren vullstännig utheelt weer.

För eenig Lüüd unverwacht hett sück Hingis trotzdem för en Start in Wimbledon entscheeden. As ok all in dat Vörjohr, weer in de dart Runn Sluss. Nah en mehr Week düern Paus un mit för jeden to sehn Trainingsrückstand verlor se gegen de meest nich bekannt Laura Granville klar mit 4:6 un 2:6.

Ok up de Hartplätze geev dat för hör Rückslääg. In San Diego verlor se gegen hör Landsfru Patty Schnyder mit 1:6, 7:64, 3:6. Bi de US Open verlor se – intüschen weer up Weltranglistenplatz 16 torüchfallen – gegen de nich sett Wiktoryja Asaranka mit 6:4, 1:6 un 0:6.

Wegen stark Hüft- un Rüchpien hett Hingis an‘ 11. Oktober de Saison 2007 vör de Tiet afslooten. De Nedderlaag bi de Peking Open gegen Peng Shuai (5:7 un 1:6) sull hör letzt Eenzelmatch up de WTA Tour ween.

Positive Dopingproov un tweet Rückträe[ännern | Bornkood ännern]

An‘ 1. November 2007 geev Hingis up en Medienkonferenz in Glattbrugg hör Rückträe vu‘ Profitennis bekannt. Se hett verklort, dat hör de Innahm vun Kokain wegen en positiv utloopen Test bi de Wimbledon Championships (Kontroll van‘ 29. Juni 2007) vörsmeeten wurr. Se hett de Vorwürfe bestreeden un behaupt, dat man hör de bedrapen Substanz in hör Orangensaft daan harr. Hingis hett hör Entscheeden dormit begrünnd, dat se kien Lüst up en johrenlang juristische Utnannersetten harr, um hör Unschuld to bewiesen. Up de anner Siet geev se hör anhollen Hüft- un Rüchbesehren as ok hör Öller an. Se harr in hör tweet Karrieredeelstreck af 2006 sehn, dat se sück physisch blots mit Möh in de Weltspitze hollen kunn. Se weer wollt o old för Spitzentennis.[7]

An‘ 8. November 2007 hett hör Manager Mario Widmer ankünnigt, dat Hingis nu doch gegen den Dopingverdacht angahn wull und dat Ergevnis vun de positiv Dopingproov anfechten.[8]

2008 geev de ITF bekannt, dat Martina Hingis wegen Doping för twee Johr sparrt würr. Ergevnisse un Priesgelder af Wimbledon 2007 würrn streeken.[9]

Hingis, de insgesamt 209 Week (eerstmals an‘ 31. März 1997) Weltranglisteneerste weer, harr bit dorhen 43 Turniere in‘ Eenzel un 37 in‘ Düppel wunnen. Priesgeld harr se insgesamt 20.155.811 Dollar wunnen. Hör Matchbilanz in‘ Eenzel: 548 Siege bi 133 Nedderlagen.

Nochmalig Comeback un acht Grand-Slam-Titel in‘ Düppel un Mixed (siet 2013)[ännern | Bornkood ännern]

Hingis hett in‘ Juli 2013 ankünnigt, dat se bi den Düppelwettbewarf vun Carlsbad mit Daniela Hantuchová an den Start gahn un dormit nah veer Johren hör Comeback up de WTA Tour geven würr. Hör eerst Versöök weer in Runn twee to Enn‘ de US-Amerikanerinnen Raquel Kops-Jones un Abigail Spears hemm den darten Satz mit 10:3 wunnen. Nahdem se und Hantuchová in Cincinnati un Toronto ok de tweet Runn reckt harrn, sünd se bi de US Open all in de eerst Runn rutflaagen.

In‘ März 2014 wunn se an de Siet vun Sabine Lisicki unverwacht den Düppeltitel bi de Sony Open Tennis, womit se sück in de Düppelweltrangliste all weer up Platz 60 verbetern dee. In‘ September 2014 reck se mit mit Flavia Pennetta dat Endspeel vun de US Open. Dormit stunn se to’n eersten Mal siet mehr as twalf Johren weer in en Endspeel vun en Grand-Slam-Turnier, dat se denn aber gegen Jekaterina Makarowa un Jelena Wesnina verleesen deen. In‘ September hemm se gemeensam dat WTA-Turnier vun Wuhan wunnen. An‘ 1. Februar 2015 wunn se an de Siet vun Leander Paes den Mixed-Wettbewarf bi de Australian Open un dormit ehrn 16. Grand-Slam-Titel. In‘ Juli 2015 fier se in Wimbledon in de Düppelkonkurrenz mit Sania Mirza as ok in de Mixed-Konkurrenz an de Siet vun Leander Paes jewiels en wiederen Grand-Slam-Titel. In‘ September wunn se – weer an de Siet vun Leander Paes − den Mixed-Wettbewarf as ok – weer an de Siet vun Sania Mirza − de Düppelkonkurrenz vun de US Open.

In‘ Januar 2016, noch vör de Australian Open keem Martina Hingis eerstmals siet meest 16 Johren weer an de Nummer-1-Positschoon vun de WTA-Düppel-Weltrangliste, tosommen mit hör Partnerin Sania Mirza.[10] Mit Mirza wunn Hingis ok dat Düppelfinale vun de Australian Open gegen Andrea Hlaváčková un Lucie Hradecká (7:6, 6:1); dat weer hör 21. Grand-Slam-Titel. Tovör weer Hingis mit Leander Paes in den Mixed-Wettbewarf gegen hör Düppelpartnerin Mirza un den Kroaten Ivan Dodig in dat Veertelfinale utscheeden. Mit den Sieg in‘ Mixed bi de French Open hemm sowohl Hingis as ok hör Speelpartner Leander Paes jewiels hör Karriere-Grand-Slam in de mischt Konkurrenz komplett maakt. Hör 23. Grand-Slam-Titel hett se in‘ Juli 2017 in den Mixed-Wettbewarf vun Wimbledon haalt, wo se gemeensam mit den Briten Jamie Murray topsett weer un dat nich sett britisch-finnisch Duo Heather Watson un Henri Kontinen (6:4, 6:4) in Finale slahn dee.

Utteknungen[ännern | Bornkood ännern]

Persönliches[ännern | Bornkood ännern]

Nah en Liaison mit den Afkaat Andreas Bieri[14] hett Hingis an‘ 10. Dezember 2010 in Neuilly-sur-Seine den franzööschen Springrieder Thibault Hutin heiraadt.[15] Dat Paar hett sück in‘ Januar 2013 weer trennt.[16]

Turnierbilanz[ännern | Bornkood ännern]

Turniersiege[ännern | Bornkood ännern]

Legende (Antall vun de Siege)
Grand Slam (23)
WTA Tour Championships (4)
Tier I Events
Premier Mandatory
Premier 5 (33)
Tier II-V Events
Premier
Internatschonal (36)

Eenzel[ännern | Bornkood ännern]

Nr. Datum Turnier Belag Finalgegnerin Ergevnis
1. 13. Oktober 1996 Filderstadt Hartplatz (Hall) Anke Huber 6:2, 3:6, 6:3
2. 10. November 1996 Oakland Teppich (Hall) Monica Seles 6:2, 6:0
3. 12. Januar 1997 Sydney Hartplatz Jennifer Capriati 6:1, 5:7, 6:1
4. 26. Januar 1997 Australian Open Hartplatz Mary Pierce 6:2, 6:2
5. 2. Februar 1997 Tokio Teppich (Hall) Steffi Graf kamplos
6. 16. Februar 1997 Paris Teppich (Hall) Anke Huber 6:3, 3:6, 6:3
7. 29. März 1997 Key Biscayne Hartplatz Monica Seles 6:2, 6:1
8. 6. April 1997 Hilton Head Sand Monica Seles 3:6, 6:3, 7:6
9. 6. Juli 1997 Wimbledon Rasen Jana Novotná 2:6, 6:3, 6:3
10. 27. Juli 1997 Stanford Hartplatz Conchita Martínez 6:0, 6:2
11. 3. August 1997 WTA San Diego Hartplatz Monica Seles 7:6, 6:4
12. 7. September 1997 US Open Hartplatz Venus Williams 6:4, 6:0
13. 12. Oktober 1997 Filderstadt Hartplatz (Hall) Lisa Raymond 6:4, 6:2
14. 16. November 1997 Philadelphia Teppich (Hall) Lindsay Davenport 7:5, 6:7, 7:6
15. 1. Februar 1998 Australian Open Hartplatz Conchita Martínez 6:3, 6:3
16. 15. März 1998 Indian Wells Hartplatz Lindsay Davenport 6:3, 6:4
17. 3. Mai 1998 Hamborg Sand Jana Novotná 6:3, 7:5
18. 10. Mai 1998 Rom Sand Venus Williams 6:2, 3:6, 6:2
19. 22. November 1998 Tour Championships Teppich (Hall) Lindsay Davenport 7:5, 6:4, 4:6, 6:2
20. 31. Januar 1999 Australian Open Hartplatz Amélie Mauresmo 6:2, 6:3
21. 7. Februar 1999 Tokio Teppich (Hall) Amanda Coetzer 6:2, 6:1
22. 4. April 1999 Hilton Head Sand Anna Kurnikowa 6:4, 6:3
23. 17. Mai 1999 Berlin Sand Julie Halard-Decugis 6:0, 6:1
24. 8. August 1999 San Diego Hartplatz Venus Williams 6:4, 6:0
25. 22. August 1999 Toronto Hartplatz Monica Seles 6:4, 6:4
26. 11. Oktober 1999 Filderstadt Hartplatz (Hall) Mary Pierce 6:4, 6:1
27. 6. Februar 2000 Tokio Teppich (Hall) Sandrine Testud 6:3, 7:5
(*) 5. März 2000 Scottsdale Hartplatz Lindsay Davenport *Finale nich utdragen
28. 2. April 2000 Key Biscayne Hartplatz Lindsay Davenport 6:3, 6:2
29. 7. Mai 2000 Hamborg Sand Arantxa Sánchez Vicario 6:3, 6:3
30. 24. Juni 2000 ’s-Hertogenbosch Rasen Ruxandra Dragomir 6:2, 3:0 Upgaav
31. 20. August 2000 Montreal Hartplatz Serena Williams 0:6, 6:3, 3:0 Upgaav
32. 8. Oktober 2000 Filderstadt Hartplatz (Hall) Kim Clijsters 6:0, 6:3
33. 15. Oktober 2000 Zürich Hartplatz (Hall) Lindsay Davenport 6:4, 4:6, 7:5
34. 29. Oktober 2000 Moskau Teppich (Hall) Anna Kurnikowa 6:3, 6:1
35. 19. November 2000 Tour Championships Teppich (Hall) Monica Seles 6:75, 6:4, 6:4
36. 13. Januar 2001 Sydney Hartplatz Lindsay Davenport 6:3, 4:6, 7:5
37. 18. Februar 2001 Doha Hartplatz Sandrine Testud 6:3, 6:2
38. 24. Februar 2001 Dubai Hartplatz Nathalie Tauziat 6:4, 6:4
39. 12. Januar 2002 Sydney Hartplatz Meghann Shaughnessy 6:2, 6:3
40. 3. Februar 2002 Tokio Teppich (Hall) Monica Seles 7:66, 4:6, 6:3
41. 21. Mai 2006 Rom]] Sand Dinara Safina 6:2, 7:5
42. 24. September 2006 Kalkutta Hartplatz (Hall) Olga Putschkowa 6:0, 6:4
43. 4. Februar 2007 Tokio Teppich (Hall) Ana Ivanović 6:4, 6:2

Düppel[ännern | Bornkood ännern]

Nr. Datum Turnier Belag Partnerin Finalgegnerinnen Ergevnis
1. 7. Mai 1995 Hamborg Sand Gigi Fernández Conchita Martínez
Patricia Tarabini
6:2, 6:3
2. 7. Juli 1996 Wimbledon Rasen Helena Suková Meredith McGrath
Laryssa Sawtschenko
5:7, 7:5, 6:1
3. 20. Oktober 1996 Zürich Hartplatz (Hall) Helena Suková Nicole Arendt
Natallja Swerawa
7:5, 6:4
4. 26. Januar 1997 Australian Open Hartplatz Natallja Swerawa Lindsay Davenport
Lisa Raymond
6:2, 6:2
5. 16. Februar 1997 Paris Teppich (Hall) Jana Novotná Alexandra Fusai
Rita Grande
6:3, 6:0
6. 6. April 1997 Hilton Head Sand Mary Joe Fernández Lindsay Davenport
Jana Novotná
7:5, 4:6, 6:1
7. 27. Juli 1997 Stanford Hartplatz Lindsay Davenport Conchita Martínez
Patricia Tarabini
6:1, 6:3
8. 3. August 1997 San Diego Hartplatz Arantxa Sánchez Amy Frazier
Kimberly Po
6:3, 7:5
9. 28. September 1997 Leipzig Teppich (Hall) Jana Novotná Yayuk Basuki
Helena Suková
6:2, 6:2
10. 12. Oktober 1997 Filderstadt Hartplatz (Hall) Arantxa Sánchez Jana Novotná
Lindsay Davenport
7:6, 3:6, 7:6
11. 19. Oktober 1997 Zürich Hartplatz (Hall) Arantxa Sánchez Larisa Neiland
Helena Suková
4:6, 6:4, 6:1
12. 18. Januar 1998 Sydney Hartplatz Helena Suková Katrina Adams
Meredith McGrath
6:1, 6:2
13. 1. Februar 1998 Australian Open Hartplatz Mirjana Lučić Lindsay Davenport
Natallja Swerawa
6:4, 2:6, 6:3
14. 8. Februar 1998 Tokio Teppich (Hall) Mirjana Lučić Lindsay Davenport
Natallja Swerawa
7:5, 6:4
15. 29. März 1998 Key Biscayne Hartplatz Jana Novotná Arantxa Sánchez
Natallja Swerawa
6:2, 3:6, 6:3
16. 7. Juni 1998 French Open Sand Jana Novotná Lindsay Davenport
Natallja Swerawa
6:1, 7:64
17. 5. Juli 1998 Wimbledon Rasen Jana Novotná Lindsay Davenport
Natallja Swerawa
6:3, 3:6, 8:6
18. 16. August 1998 Manhattan Beach Hartplatz Helena Suková Tamarine Tanasugarn
Olena Tatarkowa
6:4, 6:2
19. 23. August 1998 Montreal Hartplatz Jana Novotná Yayuk Basuki
Caroline Vis
6:3, 6:4
20. 13. September 1998 US Open Hartplatz Jana Novotná Lindsay Davenport
Natallja Swerawa
6:3, 6:3
21. 31. Januar 1999 Australian Open Hartplatz Anna Kurnikowa Lindsay Davenport
Natallja Swerawa
7:5, 6:3
22. 14. März 1999 Indian Wells Hartplatz Anna Kurnikowa Mary Joe Fernández
Jana Novotná
6:2, 6:2
23. 28. März 1999 Key Biscayne Hartplatz Jana Novotná Mary Joe Fernández
Monica Seles
0:6, 6:4, 7:6
24. 9. Mai 1999 Rom Sand Anna Kurnikowa Alexandra Fusai
Nathalie Tauziat
6:2, 6:2
25. 20. Juni 1999 Eastbourne Rasen Anna Kurnikowa Jana Novotná
Natallja Swerawa
6:4, Upgaav
26. 21. November 1999 Tour Championships Teppich (Hall) Anna Kurnikowa Arantxa Sánchez Vicario
Larissa Sawtschenko
6:4, 6:4
27. 6. Februar 2000 Tokio Teppich (Hall) Mary Pierce Alexandra Fusai
Nathalie Tauziat
6:4, 6:1
28. 11. Juni 2000 French Open Sand Mary Pierce Virginia Ruano Pascual
Paola Suárez
6:2, 6:4
29. 20. August 2000 Montreal Hartplatz Nathalie Tauziat Julie Halard-Decugis
Ai Sugiyama
kamplos
30. 8. Oktober 2000 Filderstadt Hartplatz (Hall) Anna Kurnikowa Arantxa Vicario
Barbara Schett
6:4, 6:2
31. 15. Oktober 2000 Zürich Hartplatz (Hall) Anna Kurnikowa Kimberly Po
Anne-Gaëlle Sidot
6:3, 6:4
32. 12. November 2000 Philadelphia Teppich (Hall) Anna Kurnikowa Lisa Raymond
Rennae Stubbs
6:2, 7:5
33. 19. November 2000 Tour Championships]] Teppich (Hall) Anna Kurnikowa Nicole Arendt
Manon Bollegraf
6:2, 6:3
34. 7. Oktober 2001 Moskau Teppich (Hall) Anna Kurnikowa Jelena Dementjewa
Lina Krasnoruzkaja
7:61, 6:3
35. 27. Januar 2002 {Australian Open Hartplatz Anna Kurnikowa Daniela Hantuchová
Arantxa Sánchez
6:2, 6:74, 6:1
36. 5. Mai 2002 Hamborg Sand Barbara Schett Daniela Hantuchová
Arantxa Sánchez
6:1, 6:1
37. 3. März 2007 Doha Hartplatz Maria Kirilenko Ágnes Szávay
Vladimíra Uhlířová
6:1, 6:1
38. 30. März 2014 Miami Hartplatz Sabine Lisicki Jekaterina Makarowa
Jelena Wesnina
4:6, 6:4, [10:5]
39. 27. September 2014 Wuhan Hartplatz Flavia Pennetta Cara Black
Caroline Garcia
6:4, 5:7, [12:10]
40. 18. Oktober 2014 Moskau Hartplatz (Hall) Flavia Pennetta Caroline Garcia
Arantxa Parra Santonja
6:3, 7:5
41. 10. Januar 2015 Brisbane Hartplatz Sabine Lisicki Caroline Garcia
Katarina Srebotnik
6:2, 7:5
42. 22. März 2015 Indian Wells Hartplatz Sania Mirza Jekaterina Makarowa
Jelena Wesnina
6:3, 6:4
43. 5. April 2015 Miami Hartplatz Sania Mirza Jekaterina Makarowa
Jelena Wesnina
7:5, 6:1
44. 12. April 2015 Charleston Sand Sania Mirza Casey Dellacqua
Darija Jurak
6:0, 6:4
45. 11. Juli 2015 Wimbledon Rasen Sania Mirza Jekaterina Makarowa
Jelena Wesnina
5:7, 7:64, 7:5
46. 13. September 2015 US Open Hartplatz Sania Mirza Casey Dellacqua
Jaroslawa Schwedowa
6:3, 6:3
47. 26. September 2015 Guangzhou Hartplatz Sania Mirza Xu Shilin
You Xiaodi
6:3, 6:1
48. 3. Oktober 2015 Wuhan Hartplatz Sania Mirza Irina-Camelia Begu
Monica Niculescu
6:2, 6:3
49. 10. Oktober 2015 Peking Hartplatz Sania Mirza Chan Hao-ching
Chan Yung-jan
6:79, 6:1, [10:8]
50. 1. November 2015 Tour Championships Hartplatz (Hall) Sania Mirza Carla Suárez Navarro
Garbiñe Muguruza Blanco
6:0, 6:3
51. 9. Januar 2016 Brisbane Hartplatz Sania Mirza Angelique Kerber
Andrea Petković
7:5, 6:1
52. 15. Januar 2016 Sydney Hartplatz Sania Mirza Caroline Garcia
Kristina Mladenovic
1:6, 7:5, [10:5]
53. 29. Januar 2016 Australian Open Hartplatz Sania Mirza Andrea Hlaváčková
Lucie Hradecká
7:61, 6:3
54. 14. Februar 2016 St. Petersburg Hartplatz (Hall) Sania Mirza Wera Duschewina
Barbora Krejčíková
6:3, 6:1
55. 15. Mai 2016 Rom Sand Sania Mirza Jekaterina Makarowa
Jelena Wesnina
6:1, 6:75, [10:3]
56. 18. März 2017 Indian Wells Hartplatz Chan Yung-jan Lucie Hradecká
Kateřina Siniaková
7:64, 6:2
57. 13. Mai 2017 Madrid Sand Chan Yung-jan Tímea Babos
Andrea Hlaváčková
6:4, 6:3
58. 21. Mai 2017 Rom Sand Chan Yung-jan Jekaterina Makarowa
Jelena Wesnina
7:5, 7:64
59. 25. Juni 2017 Mallorca Rasen Chan Yung-jan Jelena Janković
Anastasija Sevastova
kamplos
60. 1. Juli 2017 Eastbourne Rasen Chan Yung-jan Ashleigh Barty
Casey Dellacqua
6:3, 7:5

Mixed[ännern | Bornkood ännern]

Nr. Datum Turnier Belag Partner Finalgegner Ergevnis
1. 29. Januar 2006 Australian Open Hartplatz Mahesh Bhupathi Daniel Nestor
Jelena Lichowzewa
6:3, 6:3
2. 1. Februar 2015 Australian Open Hartplatz Leander Paes Kristina Mladenovic
Daniel Nestor
6:4, 6:3
3. 12. Juli 2015 Wimbledon Rasen Leander Paes Tímea Babos
Alexander Peya
6:1, 6:1
4. 11. September 2015 US Open Hartplatz Leander Paes Bethanie Mattek-Sands
Sam Querrey
6:4, 3:6, [10:7]
5. 3. Juni 2016 French Open Sand Leander Paes Sania Mirza
Ivan Dodig
4:6, 6:4, [10:8]
6. 16. Juli 2017 Wimbledon Rasen Jamie Murray Henri Kontinen
Heather Watson
6:4, 6:4

Weblenken[ännern | Bornkood ännern]

Martina Hingis. Mehr Biller, Videos oder Audiodateien to’t Thema gifft dat bi Wikimedia Commons.
  1. Serena & Hingis: The Only Two To Do This (wtatennis.com van’ 10. Dezember 2015, afropen an‘ 1. Januar 2016)
  2. 40 LOVE Moments: The Youngest No.1, WTAtennis.com van‘ 5. April 2013
  3. Nächster Titel für Hingis - Was Martinas Sieg mit Anna Kournikowa zu tun hat in Blick.ch van‘ 15. Januar 2016
  4. Volker Kluge: Olympische Sommerspiele. Die Chronik IV. Berlin 2002, ISBN 3-328-00830-6, S. 862f
  5. Riot Girls, Chris Smith, New York Magazine
  6. [1]Steffi Graf gegen Martina Hingis; tennisnet.com van‘ 19. Mai 2011, afropen an‘ 7. Juni 2016
  7. Im fahlen Licht des Dopingverdachts, Neue Zürcher Zeitung van‘ 10. November 2007
  8. Hingis will nun doch kämpfen, Frankfurter Allgemeine Zeitung van‘ 7. November 2007
  9. Hingis wegen Dopings für zwei Jahre gesperrt, Welt.ch van‘ 4. Januar 2008
  10. Nach fast 16 Jahren Unterbruch - Hingis ist wieder die Nummer eins der Welt! in Blick.ch vom 16. Januar 2016
  11. a b c d e f g h i No.1 Spotlight: Martina Hingis, WTAtennis.com van’ 20. Mai 2013
  12. Hingis receives the Meredith Inspiration Award, Womenstennisblog.com van’ 17. April 2007
  13. Hingis elected to International Tennis Hall of Fame, ITF.com van’ 4. März 2013
  14. Trennung nach dem Heiratsantrag?, Schweizer Illustrierte, 13. April 2010, afropen an‘ 13. Juli 2015.
  15. Martina Hingis sagte «Ja, ich will!», Blick.ch, 11. Dezember 2010, afropen an‘ 13. Juli 2015.
  16. Martina Hingis:«Wir haben uns im Januar getrennt», Schweizer Illustrierte, 8. Juli 2013, afropen an‘ 13. Juli 2015.