Serena Williams

Vun Wikipedia
Serena Williams (2013)

Serena Jameka Williams (* 26. September 1981 in Saginaw, Michigan, USA) is en US-amerikaansch Tennisspelerin. Se weer in't Eenzel 122 Week lang WTA-Weltranglisteneerste, af Juni 2010 führ se ok in't Düppel vörövergahn de Ranglist an.[1] 2009 wurr se vun de ITF to'n tweeten Mal to de Spelerin vun dat Johr in't Eenzel nömmt wurrn un kreeg de Utteknung ok in't Düppel tosommen mit hör öllere Süster Venus Williams. De "Awards" weern siet 1999 (dormals an Martina Hingis) nich mehr vergeven wurrn.[2] Serena Williams wahnt in Palm Beach Gardens, Florida.

De Anfang[ännern | Bornkood ännern]

As Kinner sünd de Williams-Süsters mit hör Öllern nah Compton, Los Angeles in Kalifornien trucken. Sowohl Venus as ok Serena Williams hebbt dor Tennis traineert un harrn all to Schooltieden Spood. 1991 wurr Serena von ihrem Vater Richard Williams in de Tennisschool vun Rick Macci, de all Jennifer Capriati un Mary Pierce traineert harr, ünnerbrocht. De Familie truck nah West Palm Beach.

Karriere[ännern | Bornkood ännern]

De eersten Profijohren[ännern | Bornkood ännern]

In' September 1995 fung Serena Williams mit 14 Johr hör professionell Loopbahn an. 1997 kunn se all as Nummer 304 vun de Weltranglist de ehmalge Nummer 1, Monica Seles, bi dat Ameritech Tournament in Chicago slahn. An' Enn' vun dat Johr stunn se up Platz 99, in de Folgejohren gung dat up de List immer wieder bargup. An' 11. September 1999 wunn Serena Williams de US Open un dormit hör eerst Grand-Slam-Turnier in't Eenzel. 1998 wunn se in Wimbledon un bi de US Open tosommen mit Max Mirny jeweils dat Mixed.

2000 kunn se in't Düppel mit hör Süster Venus de Goldmedaille bi de Olympisch Spelen in Sydney winnen. 2001 wunn se eerstmals dat Damen-Masters. Mit de Siege bi de French Open, in Wimbledon, bi de US Open in dat Johr 2002 un bi de Australian Open 2003 wunn se veer wiedere Titel bi Grand-Slam-Turnieren un hett dormit en unechten Grand Slam schafft (woll all Turniere, aber nich in een Johr). 2003 wunn se buterdem in Wimbledon. Bi de Grand-Slam-Turniersiegen 2002 un 2003 wunn se in’t Finale jeweils gegen hör Süster Venus. Vun Associated Press wurr se mit de Sportler vun dat Johr-Utteknung 2002 ehrt.

Up Yetunde Price, en öllere Halfsüster vun Serena is an’ 14. September 2003 in hör Auto in Compton schaaten wurrn, wat se nich överleevt hett.

2005 bit 2007[ännern | Bornkood ännern]

2005 hett Williams tonächst bi de Australian Open all hör söbenten Grand-Slam-Titel mit en Finalsieg över Lindsay Davenport halt, abeer ansonsten kunn se kien anner Titel mehr halen. 2006 is se de Mission Titelverteidigung mit Övergewicht angahn un verlor bi de Australian Open in de darte Runn tegen Daniela Hantuchová. Dat leep gar nich in dat Johr un se is in de Tüschentiet sogor bit up Positschoon 139 in de Weltranglist afstörrt. An' Enn' vun de Saison harr se blots veer Turniere bestreeden un leeg up Platz 95 in de Ranglist. To Anfang vun dat Johr 2007 verlor se in't Veertelfinale vun Hobart tegen Sybille Bammer ut Öösterriek. Bi de Australian Open 2007 in Melbourne reck se as eerste ungesett Speelerin siet 29 Johr dat Finale. Up den Weg dorhen hett se ünner annern Nadja Petrowa besiegt. In' Finale hett se de topsett Weltranglistentweete Marija Scharapowa in blots 63 Minüüt mit 6:1, 6:2 affertigt un sück nah 2003 un 2005 weer den Titel bi dat eerste Grand-Slam-Turnier vun dat Johr halt. Dordör keem se vun Positschoon 81 up Platz 14 vun de Weltranglist. Nah en langeren Paus reck se in Miami weer dat Finale, wat se mit 0:6, 7:5 un 6:3 tegen de Weltranglisteneerste Justine Henin ut Belgien winnen kunn.

Bi dat Sandplatzturnier in Charleston muss Serena Williams wegen Verletzung in de tweet Runn gegen Chan Yung-jan upgeven. In Rom verlor se in't Veertelfinale gegen Patty Schnyder mit 3:6, 6:2 un 6:7.

Bi dat tweet Grand-Slam-Turnier vun dat Johr, de French Open, verlor se in't Veertelfinale mit 4:6, 3:6 gegen de latere Winnerin Justine Henin. Gegen de verlor se dorto ok jeweils in't Veertelfinale in Wimbledon un bi de US Open.

2008: US-Open-Sieg un weer Weltranglisteneerste[ännern | Bornkood ännern]

Serena Williams bi dat Turnier in Wimbledon

Serena Williams verlor in Melbourne as Titelverteidigerin in't Veertelfinale gegen Jelena Janković klor in twee Satzen. Nahdem se Paris, Antwerpen un Dubai afseggt harr, geev se in Bengaluru hör Comeback. In dat Halffinale geev dat weer en Williams-Duell, dat Serena in' Tiebreak vun den darten Satz för sück entscheeden kunn, nahdem se aber all tweemal en Matchball afwehren muss. Dat Endspeel wunn se denn gegen Patty Schnyder glatt in twee Satzen.

Ok in Miami gung se as Titelverteidigerin an den Start un is dor in't Veertelfinale weer up Justine Henin drapen, de se ok endlich mal besiegen kunn. Henin, Weltranglisiteneerst, verlor ganz düütlich mit 2:6, 0:6. Serena Williams hett in't Halffinale ansluutend Swetlana Kuznetsova mit 3:6, 7:5 un 6:3 slahn, un dat Endspeel wunn se gegen Jelena Janković mit 6:1, 5:7 un 6:3.

Ok bi hör nächst Turnier in Charleston wunn se. Af dat Achtelfinale wunn se nahnanner gegen Katarina Srebotnik, Marija Scharapowa un Alizé Cornet un in't Endspeel toletzt gegen Wera Swonarjowa in dree eng Satzen.

Bit to dat Veertelfinale in Berlin, wo se gegen Dinara Safina utscheeden dee, harr se en Bilanz vun 19:0 Siegen.

Bi den French Open is se ahn Probleme in de darten Runn intrucken, verlor dor aber överraschend gegen Katarina Srebotnik 4:6, 4:6. Ok dat Wimbledon-Finale hett se verloren, ditmal gegen hör Süster Venus. Beid tosommen wunnen denn aber den darten Düppeltitel bi de All England Championships. An' 7. September hett se in't Finale vun de US Open Jelena Janković mit 6:4 un 7:5 slahn. Dlör dissen Sie wurr se weer för veer Week de Nummer 1 vun de Weltranglist, bevör se an' 6. Oktober 2008 weer vun Janković aflööst wurr.

Saison 2009[ännern | Bornkood ännern]

Bi de Australian Open wunn Serena Williams dat Finale in twee Satzen gegen Dinara Safina. Todem wunn se gemeensam mit hör Süster Venus den Titel in de Daamendüppelkonkurrenz.

Ok in Wimbledon wunn se in twee Satz (gegen hör Süster) un tosommen mit Venus ok noch dat Finale in't Düppel gegen de beid austraalsch Spelerinnen Rennae Stubbs un Samantha Stosur.

Bi de US Open is se dorgegen in't Halffinale gegen de latere Siegerin Kim Clijsters utscheeden. Dorbi geev dat en beeten Striet. As Serena Williams en Lienrichterin düchtig utschullen hett, de tovör en Footfehler bi den Upslag anwiest harr, wurr se mit en Straafpunkt beleggt, de aber - wiel Clijsters to dissen Tietpunkt twee Matchbälle harr – togliek ok dat Enn' vun dat Speel bedüüden dee. Williams hett sück aber nahderhen för hör Verhollen entschuldigt.

An' Enn' vun dat Johr 2009 hett sück Williams sowohl in't Eenzel as ok in't Düppel för dat Saisonfinale in Doha qualifizeert. Mit Siegen över hör Süster Venus un de beid russisch Spelerinen Jelena Dementjewa un Swetlana Kusnezowa keem se in't Halffinale un wurr ok weer Nummer 1 up de Tennis-Weltranglist, nahdem Dinara Safina as amteeren Nummer 1 in hör eerst Gruppenspeel wegen Rüggpien upgeven muss. In't Halffinale hett hör Gegnerin, Caroline Wozniacki ut Däänmark upgeven. In't Finale uis se denn weer up hör Süster drapen, de se ok weer besiegen kunn. In't Düppel verloren de beid Süsters in't Halffinale gegen de latere Winners Nuria Llagostera Vives un Martinez Sanchez.

Dör hör Spood to'n Saisonafsluss stell SerenaWilliams mit 6,5 Millionen US-Dollar an wunnen Priesgeld in en Saison en nee Rekordmarke up. Buterdem wurr se to'n tweeten Mal nah 2002 to de Sportlerin vun dat Johr dör de Agentur Associated Press wählt.

Saison 2010[ännern | Bornkood ännern]

As ok all in dat Johr tovör wunn Serena Williams de Australian Open in' Eenzel as ok in't Düppel mit hör Süster Venus. Mit en Dreesatzsieg över Justine Henin hett se dorbi hör 12. Grand-Slam-Titel in' Eenzel halt.

Anfang März van dit Johr kunn sück Serena Williams över den Gewinn vun en Trophäe buterhalv vun den Tennis freuen. To'n tweeten Mal nah 2003 wurr se as Beste Sportlerin vun dat Johr mit den Laureus Award uttekent.

An' 26. April stunn Serena as söbente Spelerin 100 Week lang an de Tipp vun de Daamen-Weltranglist. Tovör harrn dat blots Steffi Graf, Martina Navrátilová, Chris Evert, Monica Seles, Martina Hingis un Justine Henin schafft.

Nah weekenlang Verletzungspausen un nahdem se tallriek Deelnahmen an Turniere afseggen muss (so in Dubai, Miami un Charleston), is se eerst weer Anfang Mai bi en WTA-Event antreden. As topsett Spelerin harr se in de eerste Runn en Freelos un keem in't Halffinale mit man ehrder wesselhaft Leistungen. Dor verlor se denn gegen Jelena Jankovic in en hart umkämpt Speel in dat Tiebreak vun den darten Satz. Dornah speel se bi dat Turnier in Madrid un harr ok dor weer en Freelos in de eerste Runn. In de tweet Runn hett se nah harten Kamp un in dat längste Speel in hör Loopbahn de Russin Wera Duschewina nah circa dreeeenhalv Stünn. All Satzen sünd dorbi in' Tiebreak to Enn' gahn. In Runn dree weer denn aber ok Sluss, se verlor gegen Nadia Petrova, en anner Russin. Dorgegen kunn se aber mit hör Süster dat Düppelturnier winnen (in't Finale gegen Gisela Dulko/ARG un Flavia Pennetta/ITA) un is dormit up Platz 2 vun de Düppel-Weltranglist kommen.

Ok bi de French Open is se in' Eenzel un in't Düppel antreden, keem aber in't Eenzel in't Veertelfinale nich gegen Samantha Stosur an un verlor in dree Satzen. Tosommen mit hör Süster wunn se aber dat Düppelfinale Květa Peschke ut Tschechien un Katarina Srebotnik ut Slowenien. Dordör reck se den "unechten Grand Slam", wielse tovör all Wimbledon un de US Open in dat letzte Johr un de Australian Open vun dit Johr winnen kunn.

Dormit wurr se aber ok as eerst sösste Spelerin to glieker Tiet as de Nr. 1 in' Eenzel un Düppel führt.Vör hör hebbt dat blots Martina Navrátilová, Arantxa Sánchez-Vicario, Martina Hingis, Lindsay Davenport un Kim Clijsters schafft.

Saison 2011[ännern | Bornkood ännern]

Hör Comeback nah meest twalf Maand lang Verletzungspause gung eerst Mal to Enn' in dat Achtelfinale vun Wimbledon – dat weer dat fröheste Utscheeden dor siet 2005. De Titelverteidigerin verlor gegen de formstark Marion Bartoli ut Frankriek (de ok all dat Vörbereitungsturnier in Easrbourne wunnen harr) mit 3:6, 6:7. Bi dat Hartplatzturnier in Stanford leep dat ümgekehrt. In't Finale behull se nah en umkämpten eersten Satz, in de Bartoli 4:2 vörn leeg, ditmal mit 7:5 un 6:1 de Böverhand un wunn dormit hör 38. Karrieretitel. In dat kanaadsch Toronto hett se denn glieks dornah ok noch den Titel Nr. 39 halt.. Ok bi de US Open keem se nah en Sieg in't Halffinale gegen de Weltranglisteneerste Caroline Wozniacki in't Finale, verlor dor aber gegen Samantha Stosur in twee Satzen. An' Johresenn' stunn se aber all weer up Platz 12 in de Weltranglist.

Saison 2012[ännern | Bornkood ännern]

In Wimbledon wunn Serena Williams all hör fievten Eenzel- un (tosommen mit hör Süster Venus) fievten Düppeltitel. Dornah wunn se ok dat Hartplatzturnier vun Standford gegen Coco Vandeweghe mit 7:5, 6:3. Bi de Olympisch Spelen 2012 in London is se in't Eenzel un in't Düppel antreden. Dorbi gelung hör dat, den Spood vun hör Süster ut dat Johr 200 nahtohalen, as de beid Konkurrenzen winnen kunn. In't Finale vun de Eenzelkonkurrenz hett se de Russin Marija Scharapowa düütlich mit 6:0, 6:1 besiegt un wunn dormit Gold, wat ok hlör eerst Eenzelmedaille weer. Tosommen mit hör Süster Venus hett se in de Düppelkonkurrenz Andrea Hlaváčková un Lucie Hradecká in't Finale mit 6:4, 6:4 slahn. Se hebbt dormit ahn Satzverlust in dat gesamte ehrn Titel vun 2008 verteidigt. Mit hör jeweils veert Goldmedaille wurrn de Williams-Süsters todem de bit dorhen spoodriekst Tennisspeler bi Olympisch Spelen. Disse Ranglist wurr siet över een Johrhunnert vun den Briten Reginald Doherty anführt.

Dornah wunn se noch de US Open. In’t Finala hett se Wiktoryja Asaranka in dree Satzen mit 2:6, 6:2 un 7:5 slahn. Enn' Oktober 2012 hett Williams in dat Finale vun WTA Championships in Istanbul Marija Scharapowa in twee Satzen (6:4, 6:3) slahn. Dormit wunn se do'n darten Mal den WM-Titel vun de WTA un weer dormit ok de bit dorhen Öldste Winnerin vun dat Turnier.[3]

Turniersiege[ännern | Bornkood ännern]

Eenzel[ännern | Bornkood ännern]

Nr. Datum Turnier Kategorie Belag Finalgegnerin Ergevnis
1. 22. Februar 1999 Paris WTA Tier III Teppich Amélie Mauresmo 6:2, 3:6, 7:6
2. 1. März 1999 Indian Wells WTA Tier I Hart Steffi Graf 6:3, 3:6, 7:5
3. 9. August 1999 Los Angeles WTA Tier II Hart Julie Halard-Decugis 6:1, 6:4
4. 30. August 1999 US Open Grand Slam Hart Martina Hingis 6:3, 7:6
5. 27. September 1999 München WTA Tier I Hart Venus Williams 6:1, 3:6, 6:3
6. 14. Februar 2000 Hannober WTA Tier II Teppich Denisa Chládková 6:1, 6:1
7. 7. August 2000 Los Angeles WTA Tier II Hart Lindsay Davenport 4:6, 6:4, 7:6
8. 2. Oktober 2000 Tokio WTA Tier II Hart Julie Halard-Decugis 7:5, 6:1
9. 1. März 2001 Indian Wells WTA Tier I Hart Kim Clijsters 4:6, 6:4, 6:2
10. 13. August 2001 Toronto WTA Tier I Hart Jennifer Capriati 6:1, 6:7, 6:3
11. 29. Oktober 2001 München WTA Tour Championships Hart Lindsay Davenport kamplos
12. 25. Februar 2002 Scottsdale WTA Tier II Hart Jennifer Capriati 6:2, 4:6, 6:4
13. 18. März 2002 Miami WTA Tier I Hart Jennifer Capriati 7:5, 7:6
14. 13. Mai 2002 Rom WTA Tier I Sand Justine Henin 7:6, 6:4
15. 27. Mai 2002 French Open Grand Slam Sand Venus Williams 7:5, 6:3
16. 24. Juni 2002 Wimbledon Grand Slam Rasen Venus Williams 7:6, 6:3
17. 26. August 2002 US Open Grand Slam Hart Venus Williams 6:4, 6:3
18. 16. September 2002 Tokio WTA Tier II Hart Kim Clijsters 2:6, 6:3, 6:3
19. 9. September 2002 Leipzig WTA Tier II Teppich Anastassija Myskina 6:3, 6:2
20. 13. Januar 2003 Australian Open Grand Slam Hart Venus Williams 7:6, 3:6, 6:4
21. 3. Februar 2003 Paris WTA Tier II Teppich Amélie Mauresmo 6:3, 6:2
22. 17. März 2003 Miami WTA Tier I Hart Jennifer Capriati 4:6, 6:4, 6:1
23. 23. Juni 2003 Wimbledon Grand Slam Rasen Venus Williams 4:6, 6:4, 6:2
24. 22. März 2004 Miami WTA Tier I Hart Jelena Dementjewa 6:1, 6:1
25. 20. September 2004 Peking WTA Tier II Hart Swetlana Kusnezowa 4:6, 7:5, 6:4
26. 29. Januar 2005 Australian Open Grand Slam Hart Lindsay Davenport 2:6, 6:3, 6:0
27. 27. Januar 2007 Australian Open Grand Slam Hart Marija Scharapowa 6:1, 6:2
28. 31. März 2007 Miami WTA Tier I Hart Justine Henin 0:6, 7:5, 6:3
29. 9. März 2008 Bengaluru WTA Tier II Hart Patty Schnyder 7:5, 6:3
30. 5. April 2008 Miami WTA Tier I Hart Jelena Janković 6:1, 5:7, 6:3
31. 20. April 2008 Charleston WTA Tier I Sand Wera Swonarjowa 6:4, 3:6, 6:3
32. 7. September 2008 US Open Grand Slam Hart Jelena Janković 6:4, 7:5
33. 30. Januar 2009 Australian Open Grand Slam Hart Dinara Safina 6:0, 6:3
34. 4. Juli 2009 Wimbledon Grand Slam Rasen Venus Williams 7:6, 6:2
35. 1. November 2009 WTA Tour Championships Doha WTA Tour Championships Hart Venus Williams 6:2, 7:64
36. 30. Januar 2010 Australian Open Grand Slam Hart Justine Henin 6:4, 3:6, 6:2
37. 3. Juli 2010 Wimbledon Grand Slam Rasen Wera Swonarjowa 6:3, 6:2
38. 31. Juli 2011 Stanford WTA Premier Hart Marion Bartoli 7:5, 6:1
39. 14. August 2011 Toronto WTA Premier 5 Hart Samantha Stosur 6:4, 6:2
40. 8. April 2012 Charleston WTA Premier Sand Lucie Šafářová 6:0, 6:1
41. 13. Mai 2012 Madrid WTA Premier Mandatory Sand Wiktoryja Asaranka 6:1, 6:3
42. 7. Juli 2012 Wimbledon Grand Slam Rasen Agnieszka Radwańska 6:1, 5:7, 6:2
43. 15. Juli 2012 Stanford WTA Premier Hart Coco Vandeweghe 7:5, 6:3
44. 10. September 2012 US Open Grand Slam Hart Wiktoryja Asaranka 6:2, 2:6, 7:5

Düppel (22)[ännern | Bornkood ännern]

  • 1998: Oklahoma City
  • 1998: Zürich
  • 1999: Hannober
  • 1999: French Open
  • 1999: US Open
  • 2000: Wimbledon
  • 2000: Olympisch Spelen - Sydney
  • 2001: Australian Open
  • 2002: Wimbledon
  • 2002: Leipzig (mit Alexandra Stevenson)
  • 2003: Australian Open
  • 2008: Wimbledon
  • 2008: Olympische Spelen - Peking
  • 2009: Australian Open
  • 2009: Wimbledon
  • 2009: Stanford
  • 2009: US Open
  • 2010: Australian Open
  • 2010: Madrid
  • 2010: French Open
  • 2012: Wimbledon
  • 2012: Olympische Spelen - London

Weblenken[ännern | Bornkood ännern]

Serena Williams. Mehr Biller, Videos oder Audiodateien to’t Thema gifft dat bi Wikimedia Commons.

Enkeld Nahwiesen[ännern | Bornkood ännern]

  1. http://www.sonyericssonwtatour.com/page/RankingsSingles/0,,12781~0~1~100,00.html |titel=Sony Ericsson WTA Tour Singles Rankings, WTA Tour, engelsch, Togreep an' 15. Oktober 2009}}
  2. ATP World Tour: Federer, Williams Named 2009 ITF World Champions van 22. Dezember 2009
  3. Tennis: Serena Williams besiegt Scharapowa im Masters-Finale bi welt.de, 28. Oktober 2012 (afropen an' 30. Oktober 2012).