Larisa Neiland

Vun Wikipedia
Zur Navigation springen Zur Suche springen

Larisa Neiland, (boren as ukrainsch:Лариса Савченко, Larissa Sawtschenko; * 21. Juli 1966 in Lvov, Ukraine) is en ehmalge Tennisspelerin för de Sowjetunion un later Lettland.

Karriere[ännern | Bornkood ännern]

Larisa Neiland weer as Tennisspelerin vör allen in't Düppel spoodriek – alleen 65 Turniere hett se dorbi wunnen.

Tosommen mit Natascha Swerawa wunn sie 1989 dat Grand-Slam-Turnier vun Roland Garros. Mit de glieker Partnerin wunn se 1991 in Wimbledon. Wiedere teihn Mal stunn se dorto in dat Düppelfinale vun en Grand-Slam-Turnier.

In' Mixed kunn Larisa Neiland 1994 un 1996 de US Open winnnen, as ok 1995 de French Open un 1992 dat Turnier vun Wimbledon. Dorto stunn se fiev wiedere Mal in dat Mixed-Finale vun Grand-Slam-Turnieren.

Se kunn wiels hör Loopbahn ok twee Eenzeltitel winnen, 1991 dat Turnier in St. Petersburg un 1993 dat Turnier in Schenectady.

Bi de Olympia 1988 in Seoul keem Sawtschenko in't Eenzel un Düppel bit in't Veertelfinale. Bi de Olympisch Spelen 1992 in Barcelona is se ünner de Naam Neiland för Lettland weer in't Eenzel un Düppel an den Start gahn, harr dor aber kien Spood.

1988 verlor Larisa Neiland mit de Mannschap vun de UdSSR dat Finale in' Federation Cup gegen de Tschechoslowakei. 1990 stunn se weer mit de UdSSR in't Finale gegen de USA un verlor. Af 1992 speel se för Lettland in' Federation Cup, later Fed Cup. Dor hulp se hör Land noch nah hör eegentlich Karriereenn' 2000 un 2003 in't Düppel ut. Hör Bilanz steiht bi 29:15 Siegen in't Eenzel un 38:7 in't Düppel.

Privates[ännern | Bornkood ännern]

Larissa Sawtschenko hett in' Dezember 1989 Alex Neiland heiraadt un sien Naam annommen.

Turniesiege[ännern | Bornkood ännern]

Eenzel[ännern | Bornkood ännern]

Nr. Datum Turnier Kategorie Belag Finalgegnerin Ergevnis
1. 29. September 1991 St. Petersburg WTA Tier V Teppich (Hall) Barbara Rittner 3:6, 6:3, 6:4
2. 29. August 1993 Schenectady WTA Tier III Hartplatz Natalija Medwedjewa 6:3, 7:5

Weblenken[ännern | Bornkood ännern]