Arantxa Sánchez Vicario

Vun Wikipedia
Zur Navigation springen Zur Suche springen

Aránzazu „Arantxa“ Isabel Maria Sánchez Vicario (* 18. Dezember 1971 in Barcelona) is en ehmalge spaansch Profi-Tennisspelerin. De Sandplatz-Spezialistin weer de eerste spaansch Nummer Een vun de Tennis-Weltranglist (in' Eenzel un in' Düppel), wunn veer Grand-Slam-Titel in' Eenzel un söss in' Düppel.

Biographie[ännern | Bornkood ännern]

Up den Smack brocht vun hör beid öllere Bröers Emilio un Javier Sánchez Vicario, de beid Top-Speler up de Mannlüüd-Tour wurrn sullen, fung se mit veer Johr mit dat Tennisspelen an. 1985 wurr se as Veerteihnjohrige Profispelerin.

Arantxa Sánchez hett de Tenniswelt eerstmals 1989 överrascht, as se as Söbenteihnjohrige Steffi Graf, de tovör fiev Grand-Slam Turniere in Folge wunnen harr, in dat Finale vun de French Open besiegen dee. Sánchez wurr de bit dorhen jüngste Siegerin in Paris. Dat Duell mit Graf sull de wiedere Karriere vun de Spanierin bestimmen. Beid stunnen sück all tosommen 7 Mal in Grand-Slam-Finals tegenöver, wobi Graf fiev un Sánchez twee Siege schafft hemm.

Tooigkeit un hör nich nahlaaten Kampgeist wurrn all bald dat nich to verwesseln Markenteken vun de spaansch Grundlinienspielerin, de nie en Ball verloren geev. Se weer en typische Konterspelerin, de woll sülvst kien herutragend spelerisch Wapen harr, up de anner Siet aber meest jeden Ball torüch broch. So hörrn to hör Speel ok so nömmt hooch Maandballen, de hör dat mögelk maken deen, den Rhythmus vun de Gegnerinnen dörtobreken un weer in't Speel torüch to finnen.

Sánchez harr hör spoodriekst Johr as Eenzelspelerin 1994, as se sowohl de French Open (gegen Mary Pierce) as ok de US Open (gegen Steffi Graf) winnen kunn un bi all tosommen 8 Turnieren winnen dee.

Ehrn veerten Grand-Slam-Eenzelsieg gelung hör 1998 perfekt, as se dat Finale vun de French Open gegen Monica Seles winnen dee.

Sánchez Vicario hett bi all veer Grand-Slam-Turnieren in't Eenzel mindst tweemal dat Finale reckt. Tosätzlich to hör veer Eenzelsiege gelungen hör noch 8 wieder Finaldeelnahmen.

1995 wurr Arantxa Sánchez för 12 Week de Nummer 1 vun de Weltranglist in't Eenzel un in't Düppel. Se weer dormit de eerste Spelerin nah Martina Navrátilová, de dat ok gelung.

Sánchez wunn insgesamt 6 Grand Slam-Titel in't Düppel un veer wiedere in't Mixed.

1991 weer Sánchez Liddmaat vun dat spaansch Fed-Cup-Teams, dat de USA in't Finale besiegen kunn – en Spood, de de Spanierinnen 1993, 1994, 1995 un 1998 nochmal schafft hebbt. Sánchez hollt dorto de Rekord för de meest Siege in't Eenzel un Düppel binnerhalv vun den Fed Cup-Wettbewarf.

Sánchez weer ok Liddmaat vun dat spaansch Hopman Cup-Team, dat 1990 un 2002 den Pokal winnen dee.

Fievmal hett se hör Heimatland bi Olympisch Spelen vertreden un wunn dorbi twee Sülver- un twee Bronzemedaillen.

Sánchez wunn in hör Loopbahn all tosommen 29 Eenzeltitel un 69 Düppeltitel un hett knapp 17 Millionen Dollar Priesgeld inspeelt.

In' August 2000 hett se den Sportjournalisten Joan Vehils heiraadt. Teihn Maand later hebbt se sück aber all weer trennt. In' November 2002 geev Sánchez ehrn Rückträe vun den Profitennis bekannt, geev aber 2004 en lütt Comeback, as se eenig utwählt Düppelturniere speelen dee.

2005 wurr Arantxa Sánchez Vicario vun de amerikaansch Fachpublikatschoon TENNIS Magazine up den 27. Platz vun de best Spelerinnen vun all Tieden wählt. 2007 wurr se in de International Tennis Hall of Fame upnommen.

2012 weer Arantxa Sánchez Vicario Teamchefin vun de spaansch Fed-Cup-Mannschap.[1]

Se wahnt hüüd in Sitges an de Costa del Garraf.

Grand-Slam-Ergevnisse[ännern | Bornkood ännern]

Turnier 1987 1988 1989 1990 1991 1992 1993 1994 1995 1996 1997 1998 1999 2000 2001 2002 Karriere
Australian Open - - - - HF HF HF F F VF 3R VF 2R VF - 1R 0
French Open VF VF S 2R F HF HF S F F VF S HF HF 2R 1R 3
Wimbledon 1R 1R VF 1R VF 2R 4R 4R F F HF VF 2R 4R 2R - 0
US Open 1R 4R VF HF VF F HF S 4R 4R VF VF 4R 4R 3R 1R 1

Veröffentlichungen[ännern | Bornkood ännern]

  • Arantxa ¡vamos! – memorias de una lucha, una vida y una mujer. (Vamos! Erinnerungen eines Lebens, eines Kampfes und einer Frau.[2] La Esfera De Los Libros, 2012, ISBN 978-8499700090. (Biografie)

Weblenken[ännern | Bornkood ännern]

Enkeld Nahwiesen[ännern | Bornkood ännern]

  1. Sánchez Vicario übernimmt spanisches Fed-Cup-Team (focus.de, afropen an' 13. Januar 2012)
  2. Abrechnung mit der Familie. In: Spiegel Online van' 8. Februar 2012