Mangrove Creek (Karibische See)
| Mangrove Creek | |
|---|---|
| Laag | Belize |
| Stroomsystem | Mangrove Creek |
| Läng | 17 km |
| Born | in de Maya-Bargen |
| Münn | bi Mullins River in de Karibische See |
De Mangrove Creek is en 17 Kilometer langen Beek in de Distrikte Stann Creek un Belize von Belize, de in de Karibische See münnt.
De Born liggt in’n Distrikt Stann Creek in’n Noordoosten von de Maya-Bargen. Düt Rebeed is schuult as Manatee Forest Reserve. Von dor flütt he na Noordoosten un al na en beten mehr as een Kilometer över de Grenz na’n Distrikt Belize. Nadem he ut de Maya-Bargen rut is, dreiht he op en Oostkurs un de Manatee Highway geiht mit en Brügg över em röver. He billt op de letzten dree Kilometer wedder de Grenz twüschen de Distrikte Stann Creek un Belize. Toletzt münnt de Mangrove Creek twee Kilometer in’n Noorden von’n Oort Mullins River (un ok den Stroom Mullins River) in de Karibische See.
Dat Land in de Maya-Bargen is tropischen Oorwoold. Ok an’n Ünnerloop is tropisch Holt to finnen, de aver al veel stärker dör’n Minsch stöört is un deelwies dör Plantaaschen ünnerbraken.