Mairie Willemsborg

Vun Wikipedia

De Mairie Willemsborg weer in de Franzosentied (1810 bet 1813) een von de dree Mairien, in de de Kanton Willemsborg indeelt weer. De Seet weer in Willemsborg. Se harr 2973 Inwahners.[1]

Historie[ännern | Bornkood ännern]

De Ümgegend von Willemsborg hett vör de Franzosentied to dat Amt Willemsborg in dat Förstendom Lümborg höört, wat in dat Kurförstendom Hannover leeg. Dat Kurförstendom Hannover weer in de Tied von de Koalitschoonskriege siet 1801 von Franzosen un Prüßen besett. To’n 1. März 1810 is dat Rebeed denn Deel von dat Königriek Westfalen worrn, wat en Satellitenstaat von Frankriek weer.

Binnen Westfalen weer de Mairie Willemsborg een von de veer Mairien in’n Kanton Willemsborg von’n Distrikt Horborg, Departement von de Nedderelv.[2] Man al to’n 1. Januar 1811 harr dat wedder en Enn. Dat Königriek Westfalen müss dat Departement direkt an dat Franzöösche Kaiserriek afgeven. De Mairie Willemsborg weer nu een von de dree Mairien in’n Kanton Willemsborg, Distrikt Hamborg, Departement von de Elvmünnen. De Mairie weer nu grötter. De westfäälsche Mairie Willemsborg is mit en Reeg von Elvwarders tohoopfaat worrn, de vörher to de Stadt Hamborg höört harrn.

1813/1814 hebbt de Russen de Franzosen slahn un dat Rebeed befreet. Hamborg un dat Kurförstendom Hannover sünd denn wedder herstellt worrn un de ole Stand von vör 1810 wedder dor. Mit’n Wiener Kungress is 1815 ut dat Kurförstendom dat Königriek Hannover worrn.

Öörd[ännern | Bornkood ännern]

Dor hebbt düsse Öörd tohöört:

Vondaag sünd düsse Öörd all Deel von de Stadt Hamborg.

Footnoten[ännern | Bornkood ännern]

  1. a b Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 45
  2. a b Bulletin des lois du Royaume de Westphalie. Königliche Bookdruckeree, Kassel 1810, Sied 45