Mairie Bewick

De Mairie Bewick weer in de Franzosentied (1810 bet 1813) een von de fiev Mairien, in de de Kanton Bewick indeelt weer. De Seet weer in Bewick. Se harr 1986 Inwahners.

Historie

De Ümgegend von Bewick hett vör de Franzosentied to de Amtsvaagdie Bewick von dat Amt Winsen, de Huusvaagdie von dat Amt Lüün un to de Stadt Lümborg in dat Förstendom Lümborg höört, wat in dat Kurförstendom Hannover leeg. Dat Kurförstendom Hannover weer in de Tied von de Koalitschoonskriege siet 1801 von Franzosen un Prüßen besett. To’n 1. März 1810 is dat Rebeed denn Deel von dat Königriek Westfalen worrn, wat en Satellitenstaat von Frankriek weer.

Binnen Westfalen weer de Mairie Bewick een von de acht Mairien in’n Kanton Bewick von’n Distrikt Lümborg, Departement von de Nedderelv. Man al to’n 1. Januar 1811 harr dat wedder en Enn. Dat Königriek Westfalen müss dat Departement direkt an dat Franzöösche Kaiserriek afgeven. De Mairie Bewick weer nu een von de fiev Mairien in’n Kanton Bewick, Distrikt Lümborg, Departement von de Nedderelv. De Mairie weer nu düüdlich grötter, dor sünd Öörd in tohoopfaat worrn, de vörher in Westfalen to de dree Mairien Bewick, Öhm un Mechtsen (all dree in’n Kanton Bewick) höört harrn. Von de Mairie Mechtsen is aver blots de Oort Mechtsen sülvs an de Mairie Bewick kamen. De Rest is an de Mairie Karkgellsen gahn.

1813/1814 hebbt de Russen de Franzosen slahn un dat Rebeed befreet. Dat Kurförstendom Hannover is denn wedder herstellt worrn un de ole Stand von vör 1810 wedder dor. Mit’n Wiener Kungress is 1815 ut dat Kurförstendom dat Königriek Hannover worrn.

Öörd

Dor hebbt düsse Öörd tohöört:

• Königriek Westfalen:

  Bewick, Nikolaihoff, Vrestörp

• Kaiserriek Frankriek:

  Bewick, Nikolaihoff, Vrestörp (1454 Inwahners), Öhm, Schnellenbarg (141), Övelgünn, Hasenborg (20), Reppenstää, Brockwinkel, Wienböttel (114), Mechtsen, Ochmessen (236), Papenborg, Goosborg, Buntenborg (21)

Vondaag sünd düsse Öörd Deel von de Samtgemenen Bewick un Gellsen un de Stadt Lümborg.