Möhl Olenwoold

Vun Wikipedia

De Möhl Olenwoold weer en Windmöhl in dat Dörp Olenwoold in’n Landkreis Cuxhoben, de as Koornmöhl bruukt worrn is.

Historie[ännern | Bornkood ännern]

De Möhl is 1535 as Buckmöhl tohoop mit en Möllerhuus op Land boot worrn, dat dat Klooster Niewohl tohöört hett. De Priorin Anna Willers harr 1533 bi’n Bremer Arzbischop Christoph en Andrag stellt, de an’n 1. Juli 1533 bewilligt worrn is. De Mahlgäst kemen ut de Dörper Ox, Arensch, Berensch, Holt un Godendörp. 1648 is de Möhl von en Storm ümreten worrn, 1669 hett en Blitz de Möhl deelwies tweislahn. 1703 weer dat wedder en Storm, de de Windmöhl ümreten hett.

De eerste Pächter, de mit Naam överlevert is, weer 1584 Carsten Ficke. 1674 weer Claus Warncke Pächter. 1769 is de Möhl dat eerste Maal nich mehr verpacht worrn un Diedrich Karsten hett ehr op Arventins kregen. Bi Karsten sien Dood 1819 hett Heinrich Stemmermann de Möhl övernahmen, de de Möhl 1824 as Egendom köfft hett. Ünner Pächter Friedrich Stummeyer sünd 1909 de Blangengebüüd afbrennt. Mit dat Geld von de Brandversekerung hett Stummeyer denn en Motormöhl boot. Na Stummeyer sien Dood hett sien Arv, de Biller heten hett, de Möhl 1913 op Afbruch verköfft. De Möhlsteen steiht vondaag in’n Börgerpark in Olenwoold.

An de Steed von de Möhl liggt vondaag dat Lehrswemmbecken von de Geschwister-Scholl-School Olenwoold.


Koordinaten:53° 49′ N, 8° 40′ O