Liddspinnen
| Liddspinnen | ||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|
 | ||||||||||||||||||||||
| Systematik | ||||||||||||||||||||||
| ||||||||||||||||||||||
| Wetenschoplich Naam | ||||||||||||||||||||||
| Mesothelae | ||||||||||||||||||||||
| Pocock, 1892 |
Liddspinnen (Mesothelae oder ok Liphistiomorpha) sünd en Unnerornen vun de Weevspinnen. Se weert as bannig ollerhaftig ankeken. To de Spinnen, de hüdigendags noch leven doot, höört man bloß een Familie Liddspinnen, dat is de Familie Liphistiidae mit 5 Geslechter un 89 Aarden, to. Se sünd all bloß man in Asien antodrepen. Dat Achterlief, so as dat in allerhand Lee unnerdeelt is, un ok de Lage un de Morphologie vun de Spinnwoorten sünd Overreste vun ollere Vorwesers vun de Spinnen un finnt sik so nich mehr bi de Vagelspinnendeerter un bi de Echten Weevspinnen. Man dat gifft ok noch annere Unnerscheede in de binnere un ütere Anatomie, wo se sik in verscheelt.
Alternative Systematik
[ännern | Bornkood ännern]Dat gifft ok Spinnenforschers, de sorteert de Liddspinnen anners in un seggt, to de Liddspinnen hören de twee Familien Liphistiidae un Heptathelidae mit fiev Geslechter un 80 Aarden.[1]
Fossile Aarden
[ännern | Bornkood ännern]Ofschoonst de Liddspinnen ollerhaftig utseht un wohrschienlich bannig oold sünd, konn bitherto bloß een enkelte fossile Aart[2] to düsse Grupp toordent weern: Palaeothele montceauensis (Selden, 1996) stammt ut de Fossillagersteed Montceau-les-Mines (Massif Central) ut dat Karbon.[3] De Aart is bi keen Familie insorteert wurrn, man vunwegen de Keevklauen höört se up jeden Fall nich to de hüdige Familie vun de Liphistiidae.
Literatur
[ännern | Bornkood ännern]- Foelix, Rainer F. 1979. Biologie der Spinnen. Georg Thieme Verlag Stuttgart. ISBN 3-13-575801-X.
Belege
[ännern | Bornkood ännern]- ↑ Joachim Haupt: The Mesothelae - a monograph of an exceptional group of spiders (Araneae: Mesothelae). In: Zoologica, 154, 2003. S. 1–102, Schweizerbart, ISBN 3-510-55041-2 (Synopsis und Inhaltsverzeichnis, Sprake: Engelsch)
- ↑ Dunlop, J. A., Penney, D., Jekel, D. (2015): A summary list of fossil spiders and their relatives. In World Spider Catalog. Natural History Museum Bern, online at http://wsc.nmbe.ch, version 15.5, abgerufen am 19.Februar 2015.
- ↑ Paul Antony Selden (1996): First fossil mesothele spider, from the Carboniferous of France. Revue Suisse de Zoologie vol. hors serie 2: 585-596.