Fossil

Vun Wikipedia
Wesseln na: Navigatschoon, Söök
Ammoniten („Ammon sien Hörner“) höört to de bekanntesten Fossilen un weert vun veel Lüde sammelt. Hier en Fossil vun de Aart Perisphinctes wartae ut dat Böverjura, ut dat Innerstebargland (süüdlich Neddersassen).

En Fossil (vun lat. fossilis „utbuddelt“)[1][2]is elk Tüügnis vun vergahn Leven in de Eerdgeschicht, dat oller is, as 10.000 Johre. Dor kann dat in en Tiedskala mit vör den Anfang vun dat Holozän insorteert weern.[3] Düsse Aart vun Dokumente ut de Eerdgeschicht könnt Overreste vun de Liever vun Leevwesen (Lieffossilen) ween, as ok Tüügnisse vun dat, wat se maakt hefft (Spoorfossilen). U.a. weert ok Footstappen un Schiete (Koprolithe) to de Fossilen rekent, wenn se to Steen wurrn sünd. Dat Tostannkamen vun Fossilen warrt „Fossilisatschoon“ nömmt. Utforscht weert de Fossilen sunnerlich dör de Wetenschop vun de Paläontologie.

En Fossil mutt nich unbedingt „to Steen weern“ (ollerhaftig: en „Petrefakt“ ween, vun lat. petra Steen, factum „maakt“)[4], vunwegen, datt dat ok Fossilen gifft, de nich mineraliseert, un vundeswegen ok nich to Steen wurrn sünd.

Wetenschopslüde hefft taxeert, datt vun den Anfang vun dat Phanerozoikum vor 541 Mio. Johre bi een Milliarde Aarden vun Deerter un Planten tostanne kamen un to’n groten Deel wedder utstorven sünd. Dat gifft Lüde, de taxeert, dat weern sogor bi 1,6 Milliarden Aarden ween. Wiet unner een Perzent vun düsse Aarden gifft dat hüdigendags as Fossilen. Dat liggt an de besunnern Umstänn, de for de Fossilisatschoon nödig sünd, man ok dor an, datt in den Loop vun Johrmillionen unbannig veel Fossilen wedder to Dutt gahn sünd. Bit 1999 sünd bi 250.000 Aarden wetenschopplich beschreven wurrn.[5]

Biller vun Fossilen[ännern | Bornkood ännern]

Literatur[ännern | Bornkood ännern]

  • Bernhard Ziegler: Einführung in die Paläobiologie Teil 1: Allgemeine Paläontologie. 5. Uplage. E. Schweizerbart’sche Verlagsbuchhandlung, Stuttgart 1992, ISBN 3-510-65316-5.
  • Richard Moody: Fossilien – Versteinerte Zeugnisse der Vergangenheit. Albatros Verlag, Zollikon 1977, ohne ISBN.

Weblenken[ännern | Bornkood ännern]

Commons-logo.svg Fossilen. Mehr Biller, Videos oder Audiodateien to’t Thema gifft dat bi Wikimedia Commons.
  1. Dat Substantiv Fossil is na dat Adjektiv fossil billt wurrn. Kiek bi Duden online: fossil un Fossil
  2. Policarp Hortolà: Conceptualising ‘fossiliferous deposit’ against ‘palaeontological deposit’: some semantic (and epistemological) considerations. Historical Biology. Bd. 28, Nr. 6, 2016, S. 858–860, (alternativen Vulltext: ResearchGate).
  3. General Questions: What is a fossil? San Diego Natural History Museum.
  4. Vgl. Duden online: Petrefakt.
  5. Donald Prothero: Fossil Record. In: Ronald Singer (Hrsg.): Encyclopedia of Paleontology. Fitzroy Dearborn Publishers, Chicago 1999, ISBN 1-8849-6496-6, S. 491.