Mineralisatschoon

Mineralisatschoon, ok Mineralbillen, betekent in de Biologie un in de Geologie dat Ummuddeln vun Substanzen in anorgaansche Substanzen. In de Biologie sünd dat jummers orgaansche Stoffe, de umwannelt weert.

In de Biologie un Medizin is Mineralisatschoon eenmol de Afbo vun kumplexe orgaansche Tosamenslüsse to neddermolekulaarsche, anorgaansche Substanzen dör Mikroorganissen. Bi de Tähne is Karies so en Perzess. To'n annern warrt dor dat Inlagern vun anorgaansche Substanzen (Minerale), meist in en orgaansche Matrix, mit betekent. Up düsse Aart kaamt Knaken tostanne un Tähne ok (kiek bi Retzius-Striepen).

In de Geologie un Chemie warrt as Mineralisatschoon oder Mineraliseren allgemeen dat Ummuddeln to faste, anorgaansche Stoffe betekent.

Literatur

• Patricia M. Dove: Biomineralization. Mineralogical Soc. of America, Washington 2003, ISBN 0-939950-66-9
• J. Reitner: Organomineralisation. S. 197–210 in: Extremophile-Mikroorganismen in ausgefallenen Lebensräumen. VCH, Weinheim 1994, ISBN 3-527-30026-0

Weblenken

• Mineralisation, Kompaktlexikon der Biologie, Spektrum der Wissenschaft, afropen 2014. Mineralisation, Mineralisierung