Pollen

Vun Wikipedia
Zur Navigation springen Zur Suche springen
Pollenkorns mit allerhand Böversieten vun verscheden Planten: Lilium auratum mit monocolpaten Pollenkorns; de annern hefft tricolpate Pollenkorns: Sunnenblome (Helianthus annuus), Prunkwinne (Ipomoea purpurea), Sildalcea malviflora, Nachtkeers (Oenothera fruticosa) un Rizinus (Ricinus communis).

De Pollen (lat. pollen = bannig fien Mehl, Mehlstoff) oder Blötenstoff is en Masse, de na Mehl laten deit. Tostanne brocht warrt se in de Stoffblöder vun de Saatplanten. Bestahn deit he ut de Pollenkorns (Mikrosporen). Vun’e Spraken her is Pollen en Sammelnaam; een enkelte Mikrospore is nich „een Pollen“, man een Pollenkorn.[1] Dat Pollenkorn kummt tostanne, wenn sik de Zellen bi en Meiose deelt. Vundeswegen hett dat bloß een eenfachen Sett Chromosomen un is also haploid. So is dat to verglieken mit de Spore vun Moss un Slangenkruud. Um de Pollenkorns löppt Zellwand umto, de kann wat uthollen. To’n Deel besteiht se ut Sporopollenin. Wenn se freesett weert, hefft sik de Pollenkorns al to männliche Kiemzell-Dregers (Gametophyten) entwickelt. Se weert dorfor bruukt, männliche Kiemzellen (Gameten) na de wieflichen Geslechtsorgane hentobringen un so dat Bestüven un Befruchten in Gang to bringen.

Belege[ännern | Bornkood ännern]

  1. Wagenitz: Wörterbuch der Botanik. 2003, S. 254.