Lew Hoad

Vun Wikipedia
Lew Hoad

Lewis Alan Hoad (* 23. November 1934 in Glebe, New South Wales, Australien; † 3. Juli 1994 in Fuengirola, Spanien) weer en austraalsch Tennisspeler.

Leven un Loopbahn[ännern | Bornkood ännern]

Wegen sien Utsehn, sien kraftvull Athletik un sien Persönlichkeit wurr Lew Hoad in de 1950er-Johren to en Tennisikone.

De Kraft speel en wichtig Rull in sien Speelwies; he speel fakener up Sieg as in lang Ballwesseln sien Chance to söken. Trotz disse Speelwies weer he aber ok in de Laag, 1956 up den langsamen Belag van den Sandplatz de French Open gegen Sven Davidson in dree Satzen to winnen. In dat glieker Johr wunn he aber ok dat Eenzel bi de Australian Open gegen Ken Rosewall un ok in Wimbledon (weer gegen Rosewall). Een Johr later wunn he in Wimbledon gegen Ashley Cooper. Dorto keemen noch mehrere Siege bi Düppelkonkurrenzen. Van 1952 bit 1956 weer he in de Weltranglist ünner de Top 10 platzeert, 1956 wurr he denn to de Nummer 1 in’n Welttennis.

Lew Hoad weer Liddmat van dat austraalsch Davis-Cup-Team, mit dat he 1953, 1955 un 1956 dree Mal den Davis Cup wunnen hett. 1956 hett he de eerste dree Grand-Slam-Turniere wunnen un weer kört dorvör, ok de US Open un dormit den Grand Slam to winnen un en attraktiven Verdrag in‘n professionellen Tennis to kriegen, aber he hett gegen sien Landsmann Ken Rosewall in Forest Hills verloren. De beid hemm aber in dat Johr den Grand Slam in’t Düppel wunnen.

Ironischerwies kreeg Ken Rosewall wegen sien Sieg över Hoad den Verdrag, de oorsprünglich Lew Hoad anboden wurrn weer, un speel mit Pancho Gonzales up de professionelle Tour.

In en Tiet, wo dat blots Amateurspelern erloovt weer, an de Grand-Slam-Turnieren deeltonehmen, is Hoad nah sien Wimbledon-Sieg 1957 endgültig to de Profis wesselt.

In sien eerst Jahr as Profi speel Hoad en Reeg van 87 Spelen gegen den amteeren „König“ van dat professionelle Tennis, Pancho Gonzales. Hoad wunn 18 van de eerst 27 Spelen, aber Gonzales keem torüch un wunn sluutend mit 51 to 36.

Gonzales, wohrschienlich en van de best Tennisspeler van all Tieden, hett seggt, dat Hoad de gröttste Herutfordern weer, de he je harr.

Probleme mit den Rügg hemm Hoad dorto dwungen, in de 1960er-Johren sien Karriere aftosluuten. He is in de Nähe van Málaga (Spanien) trucken, wo he tosommen mit sien ebenfalls Tennis spelen Fru Jenny Staley en Tennisresort för sien persönlichen Früenden as Sean Connery, Kirk Douglas oder Charlton Heston ünnerhollen dee.

Lew Hoad wurr an Leukämie krank un hett up en Knaakenmarkspende töövt, as he 1994 an en Hartinfarkt in dat Öller van 59 Johren dood bleev.

1980 wurr he in de International Tennis Hall of Fame upnommen.

Weblinks[ännern | Bornkood ännern]