Ken Rosewall
Ken Robert Rosewall (* 2. November 1934 in Sydney) is en ehmalger austraalsch Tennisspeler.
He wurr in en Tennisspelern boren, de eegen Tennisplätze harr. As boren Linkshänder hett hüm sien Vader lehrt, mit de rechter Hand to spelen. Villicht wegen dissen nicht begäng Training hett he en stark un bannig effektiv Rückhand, sien Upslag weer dorgegen aber ehrder swaak. Rosewall weer flink un utdüern un kunn en starken Volley spelen. Sien Rückhandslice weer sien starkste Slag, un sien Rückhand hörr mit de vun Don Budge to de starkste Rückhandslääg överhoopt.
Rosewall weer man jüst 18 Johr olt, as he de austraalsch un franzöösch Meesterschapen wunn. 1953 harr he de Chance, mit Lew Hoad den Grand Slam in’t Düppel to winnen, aber bi dat finale Grand-Slam-Turnier, den US Open, sünd se all in't Veertelfinale rutflagen. De beid Speler wurrn eenige Tiet „The Gold-dust Twins“ nömmt.
Rosewall is 1956 nah sien unverwacht Sieg över Lew Hoad in Forest Hills to de professionell Tennisspelers wesselt, nahdem he mit Hoad in dit Johr den Grand Slam in’t Düppel wunnen harr. In en Reeg vun Spelen gegen den besten Speler in' professionellen Tennis, Pancho Gonzales, wurr he mit 51:26 vernichtend slahn.
1963, as sück Gonzales vun’ Tennis torüchtrecken wull un Rod Laver nich up den Hööchtpunkt vun sien Können weer, weer Rosewall klor de beste Tennisspeler vun de Welt.
Wiels sien grootordig Karriere bleev he free vun Besehren, wat hüm dat mögelk maken dee, mit 43 Johren noch Turniere to winnen un ünner de Top 15 in de Welt to stahn. In Wimbledon bleev hüm de groot Triumph verwehrt; he stunn veermal in’t Endspeel, kunn aber nie nich winnen. All anner Grand-Slam-Turniere kunn he dorgegen mindst eenmal up sien Naam schrieven.
Mit den Gewinn vun de French Open 1968 wurr he todem to'n eersten Sieger vun en Grand-Slam-Turnier vun de Open Era.
1980 wurr he in de International Tennis Hall of Fame upnommen.
Grand-Slam-Siege
[ännern | Bornkood ännern]- Austraalsch Meesterschap:
- Eenzel - 1953, 1955, 1971, 1972
- Düppel - 1953, 1956, 1972
- Franzöösch Meesterschap:
- Eenzel - 1953, 1968
- Düppel - 1953, 1956
- Wimbledon
- Düppel - 1953, 1956
- US Open
- Eenzel - 1956, 1970
- Düppel - 1956, 1969