Lenya – Die größte Kriegerin aller Zeiten

Vun Wikipedia
Wesseln na: Navigatschoon, Söök
Filmdaten
Plattdüütsch Titel:
Originaltitel: Lenya – Die größte Kriegerin aller Zeiten
Düütsch Titel: Lenya – Die größte Kriegerin aller Zeiten
Produkschoonsland: Düütschland
Öösterriek
Johr vun’t Rutkamen: 2001
Läng: 93 Minuten
Originalspraak: Düütsch
Öllersfreegaav in Düütschland: FSK 12
Filmkru
Speelbaas: Michael Rowitz
Dreihbook: Peter Freund
Produkschoon: Markus Brunnemann
Peter Freund
Musik: Kay Skerra
Kamera: Dietmar Koelzer
Snitt: Angelika Sengbusch
Szenenbild: Jérôme Latour
Kledaasch: Anja Niehaus
Dorstellers

Lenya – Die größte Kriegerin aller Zeiten (op platt so veel as „Lenya – De gröttste Kriegersche vun all Tieten“) is en düütsch-öösterriekschen Fantasy-Aventüerfilm ut dat Johr 2001. Bi den Feernsehfilm hannelt sik dat üm de Tosamenarbeit vun de Phoenix Film mit RTL un dat ORF[1]. De Titelrull weer mit Anja Knauer besett. Dreiht worrn is de Film in Tschechien.

Inholt[ännern | Bornkood ännern]

De Herrscher vun de Burgunden, Hagir vun Amelung, hett mit sien Söhn Egil vun Amelung dat Land vun de Walsungen överfallen. Jemehrn König Thorwald hebbt se an de Siet maakt un dat Volk warrt siether ünnerdrückt. Mehr noch: De Burgunden wüllt jem dwingen, den Gloven an jemehr ollen Gödder aftoswören. Nu hebbt de Walsungen blots noch een Hapen, de in en Prophezeien liggt. Dorna schüllt de Gödder en Utwählten schicken, de dat Königssweert Balmaran finnen un dormit dat Volk vun de Knechtschop vun de Burgunden befre’en warrt. Man ok Hagir vun Amelung lett sien Söhn na dat Sweert utkieken, vunwegen dat dat de Gegenpries dorför is, dat de Paapst Egil to’n rechtmatigen König vun de Walsungen verkloren un insetten deit. Üm dat Sweert in de Fingern to kriegen, söcht Hagir sogor de Help vun de Hex Kundrie.

Een Dag wiest sik Odin de junge Deern Lenya, de as Finnelkind in en lütt Dörp vun en Pleegmoder groottogen worrn is. Se warrt nu gewohr, dat se de Utwählte vun de Gödder is, de dat Königssweert finnen schall. As Hagir kort dorop dat Dörp op Anraden vun de Hex daalböten lett, mutt Lenya ehr starven Tehmoder dat Verpreken geven, dat se ehr Opgaav annimmt un dat Sweert söcht. Tosamen mit ehr Tehsüster Ayescha maakt se sik op den Weg un slutt sik den Röver Gero mit sien Mackers an. Gero un sien Lüüd sünd beindruckt, wo starkmödig LEnya is un helpt ehr. So lehrt Gero ehr den ngang mit Stock un Sweert un maakt ut ehr en richtige Kriegersche. Mit de Tiet verkeikt sik de beiden inenanner.

Op de Söök na Mimir, en Priester vun Odin, mött Lenya un Ayescha in en Stadt reisen, in de de Burgunden dat Seggen hebbt. Wohrhaftig finnt se Mimir un warrt wies, dat se na dat Orakel in’n Drakensee gahn mööt. Denn aver warrt se opdeckt un mööt utrieten. Ayescha blifft dorbi torüch un warrt fangen nahmen. An de Siet vun Gero maakt sik Lenya op’n Weg na’n Drakensee. Dor finnt se rut, dat de Keed, de se bi en Överfall verloren hett, en wichtig Artefakt is. De is in de Twüschentiet in de Hannen vun de Hex Kundrie fallen, man Lenya bruukt de Keed torüch, wenn se Spood hebben will. Mit Help vun ehr swarten Magie hett Kundrie intwpschen rutfunnen, dat Lenya in Wohrheit de Dochter vun den fröheren König Thorwald un en Walküre is.

Man de Hex is bannig gefährlich. Üm Lenya to schulen, sleiht Gero ehr daal un maakt sik denn alleen op’n Weg, de Keed to bargen. Wohrhaftig kann he dat Artefakt utfinnig maken un torüch na Lenya bringen, man he warrt vun de Hex so dull besehrt, dat he kort dorna doodblifft. Lenya truurt en korten Ogenblick, maakt sik denn aver op na en geweihten Oort, so as dat Orakel ehr dat opdragen hett. Dor kann se wohrhaftig dat Sweert Balmaran finnen un an sik nehmen. Dor kummt dat to en Tosamendrapen mit Hagir, de ehr anbeden deit, de fangene Ayescha in’n Uttuusch gegen dat Sweert free to laten. Man, Lenya markt, dat dor wat fuul is: Nich Ayescha steiht ehr gegenöver, man de Hex, de dat eenmol mehr op de Keed afsehn hett. Mit dat Sweert Balmaran maakt Lenya ehr dood un bringt Hagir sien Söhn Egil in ehr Gewalt. Ayescha kummt free un de Burgunden mööt sik torüchtehn. De Prophezeien warrt wohr.

Kritik[ännern | Bornkood ännern]

  • Nils Grundmann op digitalvd.de: […] Im Grunde darf der Zuschauer von dieser Geschichte bzw. diesem Film nicht viel erwarten. Die Darsteller sind zwar gut und der Rote Faden der Handlung zu erkennen, aber die Spannung wird nicht aufgebaut […][2]

Borns[ännern | Bornkood ännern]

  1. Produkschoonsinformatschonen in de IMDb
  2. Filmkritik to de DVD-Utgaav 2009 op digitalvd.de afropen an’n 4. September 2011

Weblenken[ännern | Bornkood ännern]